Jekk għandek xi ħaġa x’tagħmel agħmilha minnufih.
kategorija
il-flus
Għalija ċinkwina ħames ħabbiet.
Xorta għalija, mhix ser tagħmilli differenza.
Aħdem għal ħabba u għodd ruħek mal-battal.
Aħjar taħdem għal ftit flus milli toqgħod ma tagħmel xejn.
Aħdem imqar ftit u għodd mal-battal.
Aħjar taħdem għal ftit flus milli toqgħod ma tagħmel xejn.
Aħjar disa’ rbajja’ u rieqed minn skud u mqajjem.
Min hu għażżien jippreferi jaħdem inqas għal ftit flus, milli jaħdem iżjed għal aktar flus.
Aħjar ġerrejja tiġbor ġieħha milli fqir isir sinjur.
Aħjar il-ħażin li jsir tajjeb, milli l-fqir isir sinjur - il-flus jitilgħulu għal rasu.
Aħjar għandek tieħu mingħand ħalliel milli għandek tagħti lill-kappillan.
Dari kien hawn ħafna dejn mal-Knisja, li kellu jitħallas bilfors.
Aħjar għerfek minn mielek.
Aħjar tkun bniedem intelliġenti minn bniedem tal-flus. Mielek tfisser ġidek.
Aħjar ħobż u ġobon milli torta inkwiet.
Aħjar tgħix ħajja ta’ fqir milli tkun tal-flus u mifni bl-inkwiet.
Aħjar nagħmillek libsa nkella nitimgħek.
Lil min iħobb żaqqu tiffranka l-flus jekk tonfoqlu l-flus fil-ħwejjeġ milli fl-ikel.
Aħjar skud fil-but minn mija fis-senduq.
Aħjar ikollok iċ-ċertezza li xi ħaġa hija tiegħek, milli ma jkollok ebda ċertezza fuq ħafna affarijiet.
Aħjar taqtagħlu libsa milli tistiednu.
Lil min iħobb żaqqu tiffranka l-flus jekk tonfoqlu l-flus fil-ħwejjeġ milli fl-ikel.
Aħjar titwieled fqir u tmut sinjur.
Aħjar ma jkollok xejn u wara tagħmel suċċess, milli bil-kontra.
Aħjar torqod bil-ġuħ milli tkun midjun.
Il-ġuħ tissaportih, iżda l-għawġ li tidħol fih minħabba d-dejn diffiċli iżjed tissaportih.
Aħkem meta ssib għax jiġi r-Randan barra minn żmienu.
Faddal il-flus għax ma tafx x’għad tiġi bżonn.
Aħna niddejnuha biex ma nħallsuha.
Jingħad għan-nies li jiddejnu u ma jkunux kapaċi jħallsu wara.
Aħżen il-muna u mur ċeppuna.
Qabel ma tagħmel xi bluha li ħabba fiha tmur il-ħabs, qis li familtek ikollha l-mezzi biex tgħix.
Aħżen ix-xemx mis-sajf għax-xitwa.
Faddal il-flus għax ma tafx x’għad tiġi bżonn.
Aħżen la ssib għax jiġi żmien li ssum bla ma trid.
Faddal il-flus għax ma tafx x’għad tiġi bżonn.
Aktar għandna flus milli għomor.
Ngħiduh għaż-żgħażagħ fil-familji sinjuri li jkollhom ħafna flus f’idejhom u ma jkunux jafu jużawhom.
Aktar ma niekol, inqas nara.
Jekk tiekol l-ikel kollu li jkollok fil-platt ma tibqax tarah, bl-istess mod li jekk tonfoq ġidek kollu ma jifdallek xejn.
Anqas ma wieħed ikollu f’din id-dinja, aħjar.
Aktar kemm ikollok flus, aktar ikollok inwkiet. Mela aħjar ikollok inqas.
Aqla’ sold u onfoq sitta.
Tonfoqx iżjed flus milli taqla’.
Ara taqbadx awwista għax flus fil-but takkwista.
Dejjem agħżel l-aktar ħaġa ta’ valur.
B’daqshekk il-bastiment mhux ser jagħmel l-ilma.
Billi tonfoq naqra iżjed flus f’xi ħaġa, m’intix ser tiżbanka.
B’demm il-fqir ġid qatt ma jsir.
Mhux sew li tagħmel il-flus minn fuq dahar min m’għandux biex.
B’libsa waħda jiżfen u jidfen.
Dejjem bl-istess ħwejjeġ għax m’għandux flus.
B’xejn ma jsir xejn.
Bla flus ma tagħmel xejn.
Barmil bla qiegħ, titfa’ kemm titfa’ ma timlieh.
Hemm min mhux kapaċi jkun bil-għaqal fil-flus, malli jidħlu joħorġu.
Bewqet xaqqha biex żejnet żaqqha.
Tilfet ġieħha kollu għall-flus.
Il-karità qatt ma faqqret nies.
Att ta’ karità ġid biss jista’ jagħmel.
Bil-flus ħadd ma jixtri l-ġenna.
Il-flus importanti biss f’din il-ħajja, la tmut m’intix ser teħodhom miegħek.
Bil-flus tagħmel triq fil-baħar.
Bil-flus tagħmel kollox fid-dinja.
Bil-għaqal tħassel il-ġid.
Trid tkun bil-għaqal fil-flus biex tgħix bla inkwiet.
Bil-ġmiel biss ma nimlewx żaqqna.
Fl-antik il-flus tad-dota kienu importanti ħafna fiż-żwieġ; is-sbuħija tal-mara ma kenitx biżżejjed.
Is-self ħu t-telf.
Meta tislef oġġett jew il-flus lil xi ħadd, tistenniex li se jroddhomlok lura malajr jew fl-istess stat tajjeb li tkun slifthulhom int.
Bil-grazzi ma timliex żaqqek.
Meta tagħti servizz lil xi ħadd, tistenna li titħallas għax bil-grazzi biss ma tgħixx.
Il-lagħab dejjem tellief.
Min ikollu l-vizzju tal-logħob jispiċċa jitlef ħafna flus, anke meta jirbaħ, għax jerġa’ jilgħabhom.
Bil-pont tas-sahra żżomm il-ħmara.
Jekk il-mara tkun taf tħit, il-familja tiffranka l-flus.
Is-self wisq drabi jinbidel f’telf.
Meta tislef oġġett jew il-flus lil xi ħadd, tistenniex li se jroddhomlok lura malajr jew fl-istess stat tajjeb li tkun slifthulhom int.
Bla flus la tgħannaq u lanqas tbus.
Bla flus imkien ma tasal.
Dak li jħarbat u jqatta’ ma jibqagħlux biex jitgħatta.
Min iħarbat il-flus ma jifdallu xejn.
Dak minn xelin jonqsu ħdax-il sold, dejjem minn irbiegħi jonqsu dsatax-il ħabba.
Min m’għandux flus ma jistax jiddeverti. Xelin kien fih tnax-il sold u l-irbiegħi kien fih għoxrin ħabba - kienu l-flus Ingliżi li kienu jintużaw Malta fil-Perjodu Kolonjali.
Diqa u faqar agħar mill-mewt.
Aħjar tmut milli tgħix imdejjaq u bla flus.
Drabi magħkus u drabi butu jagħmar il-flus.
Jiġu drabi fejn ikun komdu fil-flus u oħrajn fejn ibati.
Il-midjun u d-dejjien ftit jaqblu flimkien.
In-nies li għandhom interessi opposti ftit li xejn jistgħu jaqblu.
Eħġem la ssib għax jasal ir-Randan.
Faddal il-flus biex meta tiġi bżonnhom issibhom. Eħġem huwa l-imperattiv tal-verb ħeġem.
Eħġem la ssib għax jiġi li jkollok issum bla ma trid.
Faddal il-flus biex meta tiġi bżonnhom issibhom. Eħġem huwa l-imperattiv tal-verb ħeġem.
Erfa’ u sorr għal meta tiġi bżonn.
Faddal il-flus għax ma tafx x’għad tiġi bżonn.
Fejn iżżarrad iċċarrat.
Min m’għandux flus kull ftit li jkollu jonfoq joħroġ minn qalbu.
Fejn m’hemmx bini u ħamrija m’hemmx sinjurija.
Min għandu l-artijiet u l-proprjetà għandu l-flus.
Fejn tqarrem il-mogħża jinsteħet.
Min m’għandux flus jaħtaf kulma jsib quddiemu. Tqarrem tfisser tgerrem.
Fid-diqa u fl-għaks tkun taf tajjeb id-daqs.
Min m’għandux flus ma jaħlix.
Fil-għaks u d-diqa tinġibed il-biqa.
Min m’għandux flus ma jaħlix. Il-biqa hija l-ħasil tal-ħaxix.
Fil-għoli kul ir-ross bil-labra.
Meta ma tleħħaqx mal-għoli tal-ħajja ibża’ għall-flus.
Fil-ħjieġ u d-diqa tinħall il-biqa.
Min m’għandux flus ma jaħlix. Il-biqa hija l-ħasil tal-ħaxix.
Fil-qorti r-rebbieħ tellief.
Tiftaħ kawża l-qorti tant fiha spejjeż li jekk tirbaħha xorta tkun tlift ħafna flus.
Flusek mitraħ tax-xewk.
Il-flus iġibuk f’inkwiet kbir. Mitraħ huwa saqqu.
Flusi mhux tal-ġild.
Tapprezza l-valur tal-flus meta tkun ħdimt għalihom.
Ftit drabi ftiehmu d-dejjien u l-midjun.
Nies li għandhom ideat opposti diffiċli jiftiehmu.
Geddumu fix-xgħir, ma jiftakarx f’meta kien fqir.
Issa li stagħna, nesieh iż-żmien fejn kien fqir u m’għandux simpatija għal ħaddieħor. Jekk ix-xgħir jikber u jasal sa geddumek, mela għandek il-ġid.
Għad li marru l-ħwietem baqgħu s-swaba’.
Ma jimpurtax jekk spiċċajt bla flus, erġa’ ibda aħdem għalihom. Il-ħwietem huma ċ-ċrieket.
Għal min hu baħħ, aħjar iff inkella aħħ.
Min m’għandux jew ma jridx jonfoq flus (= baħħ), aħjar jeqred bis-sħana (= iff) milli bil-bard (= aħħ), għax il-ħwejjeġ jiswew il-flus.
Għal min tagħmel tajjeb ħallas.
Ladarba tkun ħadt deċiżjoni, jeħtieġ li tkun responsabbli u żżomm magħha.
Għall-fqir il-qamar musbieħ u l-basal tuffieħ.
Hemm min tant m’għandux biex li lanqas il-bażiku bħad-dawl (il-musbieħ) u l-ikel (it-tuffieħ) ma jaffordja.
Għall-għera u għall-għar il-fqir jitrekken id-dar.
Min m’għandux flus jippreferi ma jurix billi ma joħroġx fid-deher. L-għera tissimbolizza l-faqar u għar tfisser mistħija.
Ġimgħa bla ħlas, ġisem bla ras.
Kulħadd jistenna li jitħallas ta’ xogħlu, bla paga ma tgħixx.
Ħabib il-but.
Ibża’ għal butek, tberbaqx flus.
Ħadd ma jkollu borża flus għat-telf.
Ħadd ma jagħmel apposta biex jitlef flusu.
It-tajjeb ħallas għalih.
Jeħtieġ li tħallas il-flus jekk trid il-kwalità.
Ħajja dejjem imxuma aħjar il-mewt minnha.
Aħjar tmut milli tgħix fil-miżerja. Imxuma tfisser miżerabbli.
Ħallas illum u ddejjen għada.
Xi nies jonfqu kulma jkollhom mingħajr ma jaħsbu fil-ġejjieni.
Ħlas bil-meher u t-tiġbid jieħu qligħ l-imgħax.
Jekk sellift il-flus qis li jħallsuk l-imgħax (= l-interessi) ukoll, u taċċettax l-iskużi ta’ min joqgħod iġebbed u jgħidlek li se jħallsek wara (=bil-meher).
Bix-xogħol ħotba tagħmel.
Hemm xi wħud li b’xogħolhom xorta waħda ma jleħħqux mal-ħajja, u jkollhom jaqilgħu l-flus minn xogħlijiet oħrajn.
Ħmar imgħobbi bil-flus imur bihom fil-miżbla fejn hu mdorri.
L-injorant ma jafx jiddistingwi bejn x’inhu ta’ valur u x’mhux.
Ħmar taqilgħu tikxiflux snienu biex tara kemm snin għandu.
Jekk xi ħadd għoġbu jagħtik xi ħaġa bla ħlas, irringrazzjah u toqgħodx tistaqsih ħafna mistoqsijiet dwarha.
Ħobż tax-xgħir, għasel f’dar il-fqir.
Min m’għandux flus ikollu jikkuntenta bi ftit.
Ħsieb il-fqir qatt ma jsir.
Min huwa fqir ma jista’ jippjana xejn, għax m’għandux mezzi.
Ibża’ għas-sold u ma tiġix fil-bżonn.
Min ma jberbaqx flusu jsibhom.
Id fl-ilma ma tagħdirx id fin-nar.
Min huwa komdu fil-flus ma jagħdirx lil min forsi iżjed batut.
Id-dar bħall-knisja, dejjem jonqosha.
Biex jinżammu fi stat tajjeb, id-djar u l-knejjes jeħtieġu ħafna flus.
Għajjur f’iklu, għajjur f’xogħlu.
Biex taqla’ x’tiekol trid taħdem u tistinka.
Id-dejn tħallsu darbtejn.
Id-dejn jiġi jiswiek ħafna fuq żmien twil.
Għajnejn sidha jimlewlha żaqqha l-baqra.
Kulħadd iqis li xogħlu jiswa ħafna flus.
Ilbieraħ ibigħ il-marinat u llum ta’ abbet għax it-trovatura sab.
Hemm min jirnexxilu jagħmel suċċess biż-żmien. Abbet tfisser sinjur u trovatura tfisser teżor.
Il-faqar iġib l-ulied fil-għaqar.
Min hu fqir ikompli jiftaqar. Għaqar tfisser miżerja.
Il-flus dominanti u lill-għorrief jagħmluhom injoranti.
Il-flus lil kulħadd jagħmew, anke lin-nies intelliġenti.
Il-flus fis-senduq merfugħa għall-ħalliel, u mħaddmin jagħtu l-għeliel.
Il-flus agħmel xi ħaġa utli bihom, terfagħhomx id-dar. Għeliel huma interessi.
Il-flus għandhom iċ-ċirku u għalhekk jaqbdu n-niżla.
Il-flus malajr jisparixxu malli tibda tonfoqhom.
Il-flus għandhom iċ-ċirku u malajr jaqbdu n-niżla.
Il-flus malajr jisparixxu malli tibda tonfoqhom.
Il-flus għandhom il-ġwienaħ.
Il-flus malajr jisparixxu malli tibda tonfoqhom.
Il-flus huma l-ħbieb tal-ħalliel.
In-nies ħżiena dejjem ikollhom iżjed flus min-nies twajba.
Aħjar taqta’ int jew jaqtgħulek.
Aħjar issolvi kwistjoni barra mill-qorti biex ma teħilx flus żejda jekk ikollok tort.
Il-flus huma mitraħ tax-xewk.
Il-flus iġibuk f’inkwiet kbir. Mitraħ huwa saqqu.
Il-flus huma passaport għall-infern.
Il-flus iġibuk f’inkwiet kbir. Mitraħ huwa saqqu.
Ħidma għal Alla ma titħallasx.
Azzjoni tajba kif irid Alla ma tistax titħallas bi flus materjali.
Aħjar tiswija ħażina milli sentenza tajba.
Aħjar issolvi kwistjoni barra mill-qorti biex ma teħilx flus żejda jekk ikollok tort.
Il-flus iġibu l-flus, u l-qamel iġib il-qamel.
Min għandu l-flus jista’ jagħmel li jrid, u min m’għandux jibqa’ b’xejn.
Il-flus imorru u jiġu.
Jekk titlef il-flus, dejjem tista’ terġa’ taħdem għalihom.
Aħjar mara ta’ baħri milli ta’ raġel jistad għall-kaħli.
Mara ta’ baħri kien ikollha iżjed xi troxx, peress li s-sajjied tal-kaħli mhux dejjem kien jaqbad ħafna ħut.
Il-flus isiru jew b’rebħa, jew b’xi wirta, jew b’xi sejba.
Issir sinjur huwa diffiċli ħafna sakemm ma tirbaħx xi lotterija, tiritx lil xi ħadd jew issibx il-flus xi mkien.
Il-flus jagħmlu l-flus u d-dud jagħmel id-dud.
Min hu għani jkompli jistagħna u min hu fqir ikompli jiftaqar.
Biex trabbi l-flieles trid it-tlieles.
Biex trabbi t-tjur trid ħafna flus. Tlieles huma xkejjer kbar.
Bil-ħabba l-ħabba tikber u titrabba.
Min jitwieled f’familja mhux tal-flus irid jagħmel iżjed sforz biex fis-soċjetà jsib postu.
Il-flus jagħmlu l-flus, u d-dud jagħmlu d-dud.
Min għandu l-flus jista’ jagħmel li jrid, u min m’għandux jibqa’ b’xejn.
Bl-ulied kollha jaqilgħu xi sold, il-missier jista’ jibni fil-fond.
Il-paga tal-ulied isservi wkoll għall-familji li jbatu finanzjarjament.
Il-flus la jgħajtu u lanqas iwerżqu.
Qatt ma tista’ tkun taf dak li jkun kemm għandu flus, jew kemm hu bniedem twajjeb.
Il-flus ma ssibhomx fit-triq.
Il-flus trid taħdem għalihom.
Ħobż il-fqir gerbubi u trid tiġri biex tilħqu.
Min ma jaqlax biżżejjed flus diffiċli jgħajjex il-familja. Gerbubi tfisser tond.
Dar ġdida ikriha lill-għadu tiegħek.
Trid ħafna flus biex timla dar ġdida.
Il-flus mhumiex kollox.
Il-kuntentizza tiegħek m’għandhiex tkun marbuta mal-flus.
Ċafċaflu papru la sibt l-ilma.
Fejn m’hemmx dixxiplina jkun hemm abbuż wara abbuż, bla rażan.
Il-flus mhumiex ta’ min jagħmilhom, iżda ta’ min igawdihom.
Avolja jkollok il-flus, trid tkun taf tgawdihom.
Dik il-ġezza ma tiġix minn dik il-mogħża.
Ħadd ma jagħmel xogħol bla ħlas.
Il-flus qegħdin biex tonfoqhom.
Avolja jkollok il-flus, trid tkun taf tgawdihom.
Fardgħalla għoli f’xogħlu.
Ir-raba’ b’wiċċ wieħed biss fis-sena (= fardgħalla) ma ddaħħalx flus minnu.
Il-flus u l-qdusija t-tnejn moħbija.
Qatt ma tista’ tkun taf dak li jkun kemm għandu flus, jew kemm hu bniedem twajjeb.
Il-flus u t-tjieba t-tnejn giddieba.
Qatt ma tista’ tkun taf dak li jkun kemm għandu flus, jew kemm hu bniedem twajjeb.
Il-flus urihom id-dlam biex juruk id-dawl.
Kun bil-għaqal biex meta tiġi bżonn il-flus issibhom.
Fart meżmieżi jew taqtgħu jew jaqtgħek.
Il-bhejjem tal-ifrat li ma jiklux ma jismnux, u ma ddaħħalx flus minnhom.
Il-flus żerriegħa rqiqa, ma ssibhomx f’idejk.
Il-flus malajr jisparixxu malli tibda tonfoqhom.
Il-fqir dejjem ilħiħ.
Il-fqir dejjem għandu bżonn min jgħinu. Ilħiħ tfisser rgħib.
Għall-ħwietem u għall-imsielet baqgħet bla ma kielet.
Xi nisa jaslu li jagħmlu minn kollox għall-flus. Il-ħwietem huma ċ-ċrieket.
Il-fqir dejjem irid.
Il-fqir dejjem għandu bżonn min jgħinu.
Fejn hemm is-susa, il-ġlied ma jonqosx.
Meta l-morali tas-soċjetà jibdew jiddgħajfu, jinqala’ l-inkwiet.
Il-ħalliel ma jneżżax għarwien.
Min m’għandux flus ma jistax jgħin lil min għandu.
Il-fqir kollox jara kbir.
Għall-fqir kollox jiswa wisq flus.
Il-ġuħ iqabbeż lil kulħadd.
Meta ma jkollokx biex tixtri mqar x’tiekol, minn kollox tagħmel.
Il-ġuħ itejjeb il-ħobż.
Meta tkun nieqes minn xi ħaġa, tapprezza ħafna iktar meta tasal.
F’marqad il-mogħoż ma ssibx sbul.
Min ma tantx għandu biex jgħaddi m’intix se ssiblu lussu.
Frott tajjeb, suq ħażin.
Aktar kemm jagħmel frott u jkun tajjeb, inqas iddaħħal flus tiegħu.
Il-ħela jfaqqar.
Min jaħli l-flus ikun qed jiftaqar.
Il-ħitan tal-ħaġar lebsin u l-iġsma għarwenin.
Jekk tberbaq flusek f’affarijiet bla bżonn, tispiċċa lanqas flus għall-bażiku ma jifdallek.
Il-ħlas bil-meher u t-tiġbid jieħu l-qligħ, l-imgħax u l-ġid.
Jekk sellift il-flus qis li jħallsuk l-imgħax (= l-interessi) ukoll, u taċċettax l-iskużi ta’ min joqgħod iġebbed u jgħidlek li se jħallsek wara (=bil-meher).
Il-ħobż artab biex tieklu, iżda iebes biex taqilgħu.
Biex taqla’ l-flus diffiċli, iżda biex tonfoqhom faċli ħafna.
Il-ħobż iebes jew is-sikkina ma taqtax.
Min ma jaqlax biżżejjed flus ma jistax jgħix komdu.
Il-ħobż tal-fqir iebes.
Min m’għandux flus jgħix ħajja ta’ tbatija.
Il-ħofra aktar ma tqatta’ minnha aktar tikber.
Aktar kemm tberbaq flus, aktar tiftaqar.
Il-kera jorqod miegħek u jqum qablek kuljum.
Il-kera aqbad u ħallasha biex ma jkollokx dejn.
Il-knisja qattara tieħu kemm tieħu qatt ma tara.
Il-knisja dejjem bżonn il-flus għall-manutenzjoni.
Ħrit bil-ħmar ma jagħtix sandar, ħrit bil-baqra jimla l-andar.
Meta l-bidwi jaħdem l-għalqa bil-baqra jaqla’ iżjed flus milli meta jaħdimha bil-ħmar, għax il-baqra iżjed b’saħħitha.
Il-midneb wara li jiekol jibred.
Min jibda mix-xejn u jagħmel suċċess, hemm ċans li jitlagħlu għal rasu u jitkabbar. Jibred hawn tfisser li ma jibqa’ jimpurtah minn xejn.
Ħut ta’ bla rjus fis-suq iġib il-flus.
Fl-istaġun tal-lampuki (jiġifieri f’Settembru u Ottubru) il-ħut iż-żgħir ikun imfittex u jġib il-flus.
Id-dar żgħira u l-qalb kbira.
Min m’għandux ħafna flus ikun umli u jkollu qalbu tajba.
Il-miġwieħ dejjem bla xaba’.
Min ma jkollux biex dejjem jonqsu xi ħaġa.
Il-prużuntuż għandu nofs flusu fil-kus.
Min jagħtih wiċċu jagħmel iżjed flus minn min joqgħod jistħi. Kus tfisser karus.
Is-sħana tax-xemx ma tgħallix patata.
Il-flus trid tbati u taħdem għalihom, bil-ftit ma jsir xejn.
Il-qies aqwa mill-qligħ.
Għalxejn taqla’ ħafna flus biex imbagħad tberbaqhom kollha.
Il-mara għad-dnub imdawra, m’għonqha dejjem imġawhra.
Prostituta kemm trid issib klijenti u b’hekk dejjem ikollha l-flus.
Imut il-għani, imut il-fqir u t-tnejn għal ġewwa l-bir.
Ikollok kemm ikollok flus, kulħadd iddestinat li jmut. Il-bir jirreferi għall-qabar.
Ibża’ mill-fqir li jsir sinjur u mill-qaħba li tiġbor l-unur.
Min jagħmel suċċess ikun bata u minħabba f’hekk, iwebbes qalbu.
Is-siba kien u jkun, imma l-ħlas fl-aħħar irid ikun.
Għalxejn tippostponi d-djun li għandek, xi darba jew oħra jridu jitħallsu. Siba (bl-aċċent fuq it-tieni sillaba) tfisser ħlas li jasal aktar tard.
Is-siegħ imlieh u li jibqa’ aħlih.
Trid l-ewwel tara kif ser tagħmel il-flus biex ikollok il-lussu tberbaqhom. Siegħ huwa unità ta’ kejl tal-art (~187.4 m2).
Is-sieqja tajba iżda l-bir miksur.
Il-ġenituri, speċjalment dawk stabene, jafdaw wisq flus f’idejn uliedhom u jonfquhom bl-addoċċ, bħal bir li ma jżommx ilma.
Is-silla kibret u l-ħmar tiegħi ma jsibx jirgħa.
Għal xi nies sfortunati, ta’ madwarhom ifuru bil-ġid u huma jibqgħu b’xejn.
Il-familja dejjem trid.
Biex trabbi familja spejjeż kbar.
Is-sinjur imutulu t-tfal u l-fqir imutlu l-ħmar.
Dari min ma kellux flus u kien imutlu l-ħmar, kienet xi ħaġa kbira - daqslikieku mietlu tifel. Normalment, is-sinjuri kienu jmutulhom it-tfal.
Il-mara mżejna minn butha mdejna.
Mara responsabbli ma tberbaqx flus.
Ix-xebgħan ma jagħdirx lill-ġewħan.
Min għandu ħafna flus (= ix-xebgħan, imxebba’ minn kollox) ma jagħdirx lil min m’għandux (= il-ġewħan, bil-ġuħ).
Ix-xewqat ma jimlewx il-but.
Bix-xewqat ma taqlax flus.
Ix-xita fil-baħar tinżel.
Aktar kemm ikollok flus, aktar tidħaqlek ix-xorti.
Il-mara ta’ fqajjar qatt ma tmur tittajjar.
Mara li trid tieħu ħsieb familja fqira m’għandhiex ċans għall-frivolitajiet.
Iż-żaqq ma fihiex ħġieġ.
Jekk trid ma tonfoqx ħafna flus l-ikel, ħadd mhu se jinduna.
Iż-żaqq tal-bniedem hija ħela.
Tonfoqx iżżejjed fl-ikel.
Iż-żaqq tieħu li tagħtiha.
Tonfoqx iżżejjed fl-ikel.
Miġja ta’ nutar, tajjeb jew ħażin, iġġib l-aħbar.
Dari n-nutar kien imur fid-dar tan-nies, u l-miġja tiegħu kienet tkun tfisser li ser jiġri xi ħaġa kbira, bħal xi wirt, testment, kuntratt, eċċ.
Jekk m’għandekx żejt fid-dlam torqod.
Bħalma jkollok id-dlam jekk ma jkunx hemm żejt fil-lampa, l-istess jiġrilek meta tkun bla flus.
Jekk min jinseġ iżomm il-miċċa, jitwi l-biċċa.
Meta tishar (= taħdem overtime) taqla’ iżjed flus. Miċċa hija ftila.
Jekk milli għandek tħalli, int qatt ma tista’ tfalli.
Jekk iġġemma’ l-flus u ma tberbaqx kollox, issibhom wara.
Il-mara tal-kaċċatur hi bħall-mara tal-furnar, bi driegħ wieħed.
Il-mara kemm tal-kaċċatur kif ukoll tal-furnar dejjem nieqsa mill-flus.
Jiekol bir-riħa u jħallas biċ-ċekċik.
Min ix-xogħol ma jagħmlux sew, ma jaqlax flus.
Jekk ta’ xejn aħslu u erfgħu.
Ħadd ma jagħmillek biċċa xogħol bla flus.
Il-mara tas-sajjied tagħġen b’id waħda, tas-suldat ma tagħġen xejn.
Il-mara tas-suldat tbati iżjed fil-flus mill-mara tas-sajjied.
Il-mara tgħabbi daqs bagħal, ir-raġel jimla daqs għar.
Sabiex il-mara jkollha x’tonfoq, ir-raġel irid ibati f’xogħlu.
Jekk tagħmel il-kont, il-borma ma ssajjarx.
Ma tridx tagħti kas kemm tonfoq fl-ikel, għax jiswa ħafna flus.
Min jagħmel għal żaqqu jbigħ xaqqu.
Min jipprostitwixxi ruħu jitlef ġieħu (= xaqqu) kollu.
Jekk tbigħ il-baqra ma tiħux ħalib.
Jekk titlef dak li jrendilek il-flus, ma jifdallek xejn.
Kollox sewwa sakemm il-ħobż ikun id-dar.
Sakemm għandek xogħol li qed iqallgħek x’tiekol, m’hemmx problema.
Jekk tħares lejn il-qamar u tmiss il-flus tul għomrok dejjem tbus.
Superstizzjoni fejn dari kienu jemmnu li jekk tħares lejn il-qamar u tmiss il-flus issib l-imħabba ta’ ħajtek.
Jekk tixtri kulma tara, iżżarma l-għamara.
Kun bil-għaqal u ibża’ għal flusek, għax xi darba jispiċċaw.
Jekk trid tirkeb ixtri bhima.
Irid ikollok il-flus biex tmexxi fil-ħajja.
Jew iftaħ biebek u ftaħar, jew agħlqu u nsatar.
Jekk se tagħmel xi ħaġa, onfoq il-flus u agħmilha sew inkella tagħmel xejn.
Jew iftaħ idejk u ftaħar, jew agħlaqhom u nsatar.
Jekk se tagħmel xi ħaġa, onfoq il-flus u agħmilha sew inkella tagħmel xejn.
Il-leħja tas-sinjur f’idejn is-seftur.
Dawk li jaħdmu għal min hu mleħħaq u sinjur igawdu wkoll.
Jew il-ħobż iebes jew is-sikkina ma taqtax.
Min ma tantx għandu flus, diffiċl jgħix komdu.
Kejjel il-borġ u ibża’ għall-għarma.
Aħdem kemm tiflaħ biex taqla’ l-flus iżda ibża’ għalihom. Borġ tfisser torri u għarma tfisser munzell, b’referenza għall-flus.
Kellu s-sħiħ u għamlu riħ.
Berbaq flusu kollha.
Bena u għalla, mar u ħalla.
Wara l-mewt, ikollok kemm ikollok trid tħallih warajk.
Kollox tajjeb u dritt dak li għal butek imidd.
Meta jkun hemm il-flus u l-interessi personali involuti, il-morali kollha jitwarrbu.
Faddal għal meta tixjieħ.
Faddal il-flus biex la tirtira ssibhom.
Kull min għandu ta’ Bulebel, id-dinja tagħtih widen.
Min għandu l-proprjetà u l-flus ikollu r-rispett tan-nies. Ta’ Bulebel tirreferi għall-proprjetà.
Faddal is-sold u onfoq lira, basta tkun ġa għażilt il-ħanina.
Tieġ jiswa ħafna flus u għalhekk jeħtieġ li tfaddal għalih.
La tislifx lil min ma tistax tħarrek għax tinħan.
Issellifx flus lil min taf li ma jistax iroddhomlok lura, lanqas jekk tiftaħlu kawża l-qorti.
La tislifx lil min ma tistax tħarrek għax titqarraq.
Issellifx flus lil min taf li ma jistax iroddhomlok lura, lanqas jekk tiftaħlu kawża l-qorti.
La twaħħalx musmar f’dar is-sultan.
Tagħmilx xogħol f’post li tkun qed tikri, għax xejn ma tgawdi minnu u l-flus li tkun infaqt.
Min jislef jitlef.
Meta tislef oġġett jew il-flus lil xi ħadd, tistenniex li se jroddhomlok lura malajr jew fl-istess stat tajjeb li tkun slifthulhom int.
Fiż-żwieġ min ifittex il-ġmiel u min ifittex il-miel.
Hemm min jiżżewweġ għad-dehra u hemm min jiżżewweġ għall-flus (= il-miel).
Labra f’dar l-għaref aħjar mid-deheb.
Dari, min kien jaf iħit kien jiffranka flus mhux ħażin.
Fittxu ħuduh ’il barra ħalli naqsmu dak li ħalla.
Il-werrieta ta’ min għandu l-flus, minflok jibkuh, jifirħu għaliex ser jirtuh.
Fiż-żwieġ tfittixx is-sorra, fittex xebba fqira u ħorra.
Fiż-żwieġ għandek tfittex l-onestà mhux il-flus. Is-sorra tfisser il-flus u ħorra tfisser onesta.
L-għaks f’dar il-fqir kwadri indurati.
Meta jkollok xi problema kbira jew serja, malajr issib mod kreattiv biex issolviha.
F’mewt ix-xiħ bħal fi dbiħ il-ħanżir; il-werrieta ferħana se jtiru.
Il-werrieta tax-xiħ, minflok jibkuh, jifirħu għaliex ser jirtuh. Dbiħ tfisser qtil.
L-għaks jiżrob il-qalb.
Il-faqar iġib id-dwejjaq. Jiżrob ġejja minn żarab, li tfisser opprima.
Ir-raġel ġiebja u l-mara sieqja.
Ir-raġel jaħdem għall-flus u l-mara tberbaqhom.
F’mewt ix-xiħ flok biki jkun hemm żfin.
Il-werrieta tax-xiħ, minflok jibkuh, jifirħu għaliex ser jirtuh.
L-għani u l-fqir jeħtieġu ’l xulxin.
Is-sinjur jagħmel il-flus bis-saħħa tax-xogħol ta’ min għandu inqas, u min għandu inqas jaqla’ l-flus bis-saħħa tas-sinjur.
L-għażżien xogħlu għali.
Min jevita x-xogħol jispiċċa jgħaddi minn iżjed tbatija għax ix-xogħol ma jkunx għamlu sew mill-ewwel.
L-għani u l-ħanżir jitwieżnu fid-debħa.
Qatt ma tista’ tkun taf eżatt kemm għandu flus xi ħadd qabel mewtu, bl-istess mod li ma tistax tkun taf kemm se ddaħħal flus minn ħanżir qabel toqtlu. Debħa hija l-qatla.
L-għaqal flus u ma ġġibux bil-flus.
Jekk tkun bil-għaqal taqla’ l-flus, iżda l-għaqal ma tixtrihx bil-flus.
L-għaqal għandek u l-flus għandi, u biż-żmien għad teħodhomli.
Jekk tkun bil-għaqal taqla’ l-flus, iżda l-għaqal ma tixtrihx bil-flus.
It-tfal ikilhom ġbara u lbieshom ħsara.
Biex titma’ u tlibbes lit-tfal trid ħafna flus.
L-għażż missier il-faqar.
Min hu għażżien u bla ħeġġa jbati ħafna u jgħix fil-bżonn u fil-faqar.
L-imgħax itajjar in-ngħas.
Tagħmel iżjed kuraġġ fix-xogħol meta tara l-flus deħlin.
Li fis-sajf iġġorr in-nemla, fil-ħarifa tkaxkru l-ħamla.
Inti taħdem u tistinka biex tfaddal, u l-membri ingrati ta’ familtek iberbqulek kollox. Il-ħamla huwa dak kollu li jġorr miegħu l-ilma meta tagħmel ħafna xita.
Li ġġorr in-nemla tieklu l-ħemla.
Inti taħdem u tistinka biex tfaddal, u ħaddieħor iberbaqlek kollox. Il‑ħemla huwa dak kollu li jġorr miegħu l‑ilma meta tagħmel ħafna xita.
Li jonqos fil-qadd imur fiż-żaqq.
Min m’għandux flus irid jagħżel bejn jixtri x’jiekol u jixtri x’jilbes.
Libes żarbun f’daqqa u għandu karkur imraqqa’.
Sar sinjur f’daqqa waħda u issa donnu tilef moħħu.
L-iblah u flusu malajr jinfirdu.
Min hu iblah, iberbaq il-flus bl-addoċċ.
L-ikel ma jiġix mix-xejn.
L-ikel bil-flus jinxtara, u trid taħdem għalihom.
Lill-fqir tikrilux bil-gallarija.
Tistenniex affarijiet mingħand min taf li ma jistax jagħtihomlok, bħal min ma jiflaħx iħallas kera għolja.
Il-kliem żejjed qatt ma sewa flus.
Il-paroli fil-vojt ma jiswa xejn u ħsara biss jagħmel.
L-ilma fil-bir ma jaqtax l-għatx.
Min hu finanzjarjament batut għandu bżonn l-għajnuna, imqar biex jixtri x’jiekol u jixrob.
L-imgħakkes fqajjar, dak li fuqu senduqu.
Min m’għandux flus ma tantx għandu affarijiet oħra.
Iż-żgħir qatt ma jaħseb tajjeb fil-kbir.
Dawk li fis-soċjetà jgħixu modestament jew m’humiex imlaħħqin dejjem jaħsbu ħażin f’min għandu ħafna flus jew ikun imlaħħaq.
L-irħis għali.
Ixtri oġġett ta’ kwalità tajba u li jservi, għax tispiċċa tonfoq iżjed flus biex tibdel oġġett ta’ kwalità inferjuri li jinkiser mill-ewwel.
Ix-xemx issaħħan imma l-ebda borma ma tgħalli.
Trid taħdem u tistinka biex taqla’ l-flus.
Jekk ir-raġel jikxef karusu, il-mara tieħdu għal flusu.
Ir-raġel m’għandux juri lill-mara kemm għandu flus qabel jiżżewwiġha.
Id-destin ma tixtrihx b’karlin.
Id-destin tiegħek ma taħarbu b’xejn. Karlin huwa munita li kienet tintuża fi żmien l-Ingliżi.
Jekk jiena nibni kulħadd iweġibni.
Meta jkollok il-propjetà, ifisser li inti tal-flus u n-nies jibdew jirrispettawk iżjed.
L-ixkupi mill-ġummar isiru.
Imbilli titwieled f’ambjent ta’ faqar ma jfissirx li ma tistax tirnexxi xorta waħda fil-ħajja. Il-ġummar huwa tip ta’ siġra, Chamaerops humilis.
Il-paga għall-pjaga.
Il-paga mhix isservi biex il-familja tgħix komda.
Iż-żaqq bil-ħobż timtela.
Il-familja titmagħha bil-ħobż u l-ikel tajjeb, għalhekk jeħtieġ li tkun bil-għaqal u ma tberbaqx flusek.
Mal-ewwel tisfira ħalli t-tifkira.
Dari l-prostituti kien ikollhom raġel magħhom li malli jsaffrulu, jieħu ħsieb li l-klijent li jkun ħiereġ ikun ħallas. Tifkira tirreferi għall-flus.
But il-fqir ogħna minn rajh.
Min huwa b’edukazzjoni baxxa u m’għandux ħafna flus jispiċċa jonfoq aktar flus milli jdaħħal.
Min ma jgħixx bil-ftit, ma jgħixx bil-wisq.
Min mhux kapaċi japprezza l-affarijiet iż-żgħar, mhux kapaċi japprezza l-affarijiet il-kbar.
Marru ċ-ċrieket iżda baqgħu s-swaba’.
Ma jimpurtax jekk spiċċajt bla flus, erġa’ ibda aħdem għalihom.
Min iħabrek jaqlagħha.
Min jaħdem u jistinka jitħallas tajjeb ta’ xogħlu.
Marru l-ħwietem iżda baqgħu s-swaba’.
Ma jimpurtax jekk spiċċajt bla flus, erġa’ ibda aħdem għalihom. Il-ħwietem huma ċ-ċrieket.
Mejda tajba, testment ħażin.
Min jonfoq il-flus li jkollu, lill-werrieta tiegħu ma tantx iħallilhom.
Min irid igawdi jeħtieġ l-ewwel ibati.
Biex tgawdi trid taħdem u tistinka.
Faqar il-but minn faqar il-moħħ.
Il-bniedem injorant qatt ma jagħmel il-flus għax moħħu ma jasalx.
Meta għandek kulħadd jafek; meta m’għandekx kulħadd jinsiek.
Meta jkollok il-flus kulħadd irid ikun ħabib tiegħek, u meta ma jifdallek xejn kulħadd jabbandunak.
Min irid il-bajd frisk, ikollu jbati t-tlaqliq tat-tiġieġ.
Biex tgawdi trid taħdem, tistinka u tieħu paċenzja.
Min irid il-lillu jishar.
Biex tgawdi trid taħdem, tistinka u tieħu paċenzja. Jishar tfisser jaħdem overtime.
Meta l-bir ikun miksur, l-ilma fih jintilef u jmur.
Mhux biżżejjed li taqla’ l-flus, trid tkun kapaċi ma tberbaqhomx.
Iz-zalza ogħla mill-ħut.
Dak li qed tipprova tagħmel fih wisq spejjeż u ma jaqbillekx tagħmlu.
Min twiegħdu tagħmlu jsilek.
Oqgħod attent għax dak li twiegħed jorbtok. Isilek tfisser ikun il-kreditur tiegħek.
Meta l-missier jagħmel Karnival, l-ulied jagħmlu r-Randan.
Meta l-missier ma jkunx bil-għaqal fil-flus, tbati l-familja kollha.
Meta l-qarnita ma ssibx aktar x’tiekol, iddur għal subgħajha.
Min ma jibqagħlux flus, ikollu jieħu minn ġewwa biex ikampa.
Ma jistax ikun il-bettija mimlija u l-mara sakrana.
Ma jistax ikollok il-flus fil-but u tberbaqhom fl-istess ħin.
Meta tikkoppa l-bozza, l-għani bir-rota u l-bidwi bil-kabozza.
Min għandu l-flus dejjem jgħix iżjed komdu minn min m’għandux. Il-bozza hija kontenitur tas-silġ li jkessaħ l-ilma jew l-inbid, u kabozza hija għamla ta’ kowt.
Meta tuża l-ħajta, qis li tkun tidħol f’ras il-labra.
Ara li tkun tiflaħ għall-ispiża li tkun dieħel fiha; b’mod ġenerali, ara li dak li tkun ser tagħmel tassew kapaċi għalih.
Meta x-xott jixxarrab malajr jinxef.
Min hu fqir bil-ftit għajnuna li jingħata xorta ma jgħaddix.
Mhux billi twaħħal l-ixkaffa, trid tqiegħed il-ħobż fuqha wkoll.
Għall-għamara u t-tiżjin fid-dar ukoll irid ikollok il-flus.
Mhux min jiftaħar għandu l-flus.
Min għandu tassew il-flus, ma jippruvax jimpressjona bil-ftaħir għax m’għandux għalfejn.
Midd riġlejk skont friexek.
Qis li tkun tiflaħ tħallas għal xi ħaġa qabel ma tintriga biha.
Aħjar is-saħħa mill-flus.
Is-saħħa ma tixtrihiex bil-flus.
Miet in-naħal u spiċċa l-għasel.
Meta s-sors li minnu taqla’ l-flus jispiċċa, ma taqlax iżjed flus.
Min jerfa’ l-qatta qatt ma għandu biex jitgħatta.
Min jagħmel xogħol mhux imħallas tajjeb ma jgħixx komdu.
Aħjar tħallas lill-furnar milli lit-tabib.
Dejjem aħjar tonfoq flusek fl-ikel milli biex tmur għand it-tabib.
Mill-flus u mill-qdusija trid taqta’ ħamsin fil-mija.
Min jiftaħar bi flusu jew jilgħabha tal-qaddis temmnux, għax l-apparenza tqarraq bik.
Mill-imderri u mill-mitluf kulma tiġbor mirbuħ.
Jekk għandek tiġbor xi flus li tkun sellift, iġborhom illum qabel għada għax fil-futur jaf ma ssibhomx. Imderri tfisser imferrex.
Mill-mitluf ħu li tista’.
Jekk tkun qed titlef il-flus, qis li ssalva li tista’.
Mara li trabbi t-tjur, għall-kexxun iddur.
Mara li trabbi t-tjur, ftit li xejn kienet taqla’ flus.
Li taqla’ għalik u li tfaddal għat-tfal.
Trid tkun lest biex lil uliedek tagħtihom għajnuna finanzjarja meta jiġu bżonnha. Fuq kollox, huma jirtuk wara mewtek.
Min dari jagħti miet; baqa’ Qanċiċu li lanqas jagħti rmied.
Min kien imexxi qabel kien joħroġ iżjed flus minn dan ta’ bħalissa, li jqanċeċ biss. Dari tfisser qabel.
L-art tagħti kemm tagħmel magħha; ġid, hena u fuq kollox is-saħħa.
Il-bdiewa li jafu jaħdmu l-art igawdu sew; huma jittrattaw l-art tajjeb, u l-art tittrattahom tajjeb ukoll.
Min għandu jiswielu u min m’għadnux jibdielu.
Min m’għandux flus ma jkampax. Jibdielu jiġifieri jiddispjaċih.
Kemm hu iblah dak li lill-mara qabel il-waqt jikxfilha l-qargħa.
Raġel m’għandu qatt juri lill-mara kemm għandu flus qabel jiżżewweġ, biex me teħdux għall-flus. Il-qargħa tirreferi għall-kaxxa tal-flus.
Min għandu l-bżar ħa jroxxu fuq il-kromb.
Min għandu l-flus jiflaħ jagħmel il-kapriċċi kollha li jrid. Bżar jirreferi għad-demel.
Miskin, fqir u għakkar, u jrid iniggeż il-ħmar.
Qiegħed f’sitwazzjoni ħażina u xorta waħda jdejjaq lil ħaddieħor.
L-ilma tal-ħabel imur mal-ħabel.
Il-bdiewa qatt ma jaqblilhom iqabbdu lil ħaddieħor biex isaqqilhom l-għelieqi, għax tiġihom wisq għolja. Ħabel jiġifieri għalqa.
Min għandu l-flus għandu kollox.
Bil-flus tagħmel il-kapriċċi kollha li trid.
Min għandu tista’ tgħix miegħu.
Min għandu l-flus ikun jista’ jgħinek, tagħmlux l-għadu tiegħek.
L-isfiqa fil-but tajba.
Il-bidwi jkollu l-abbundanza u jagħmel kemxa flus ġmielha meta jħawwel u jiżra’ viċin xulxin.
Jekk il-pest irid fils minnek, tnejn agħtih inkella jieħdok.
Żomm ’il bogħod minn min iħobb jaqla’ l-inkwiet. Pest hija l-marda tal-pesta u fils huwa tip ta’ munita antika.
Min għandu ż-żejt ma jorqodx fid-dlam.
Min għandu l-flus ma jbatix, bħal min dari kien ikollu ż-żejt biex jixgħel il-lampa meta jidlam qabel daħlet il-luċelettrika.
L-użu tal-fies jiswa biex titma’ u tlibbes in-nies.
Jeħtieġ taħdem u tistinka għall-ġid tal-familja.
Min ifaddal isib.
Min ikun bil-għaqal u jfaddal il-flus, isibhom meta jiġi bżonnhom.
Id-duwa ogħla mix-xahar.
L-għajnuna soċjali li jagħti l-gvern kull xahar jaf ma tkunx biżżejjed biex tkopri l-ħtiġijiet ta’ min m’għandux ħafna flus. Duwa tfisser mediċina.
Min iħallas biċ-ċekċik jiekol bir-riħa.
Min iħallas ftit m’għandux jistenna oġġett jew servizz ta’ kwalità tajba.
Alla meta ħalaq il-flus qal: “Se noħloq ħaġa egħżeż minni!”
In-nies jagħmew bil-flus u jinsew lil Alla.
Min iħarbat u jqatta’ ma jibqagħlux biex jitgħatta.
Min iħarbat il-flus ma jsibhomx meta jiġi bżonnhom u jbati.
Lill-furnar ħobża islifhielu, għax jekk ma jroddhilekx issib kif teħodhielu.
Tħabbeb ma’ min għandu l-flus jew l-awtorità, tmur minn fuq tista’.
Il-mewt ma tinxtarax.
Kulħadd irid imut, sinjur u fqir.
Mara ta’ sultan dejjem tispiċċa fi ħdan.
In-nisa ta’ min hu sinjur dejjem jaqgħu fit-tentazzjoni.
Min ilembeb u jkattar isib fiex jitmattar.
Min ikun bil-għaqal fil-flus isibhom meta jiġi bżonnhom. Ilenbeb tfisser jiċċattja l-għaġina bil-lembuba.
Min ma jaħdimx ma jikolx.
Min ma jaħdimx, ma jaqlax flus u ma jkollux biex jimla żaqqu.
Mara tagħmillek sold dejn, u oħra tagħmillek sold tnejn.
Hemm nisa li jberbqu flus kemm jifilħu, u oħrajn li jibżgħu għalihom.
Min ippleġġa jkollu jħallas.
Bħal min ikun intrabat li jħallas pleġġ, hekk ukoll ikollok iżżomm kelmtek meta twiegħed jew tintrabat b’xi ħaġa.
Min iraqqa’ jogħla f’daqqa.
Min jagħti kas ħwejġu u jieħu ħsiebhom ifaddal iżjed flus minn min il-ħin kollu jixtri l-ġdid.
Min isielek sidek.
Min isellfek il-flus jispiċċa jikkontrollalek ħajtek għax ikollok id-dejn miegħu. Isielek tfisser isellfek.
Min iżoqq il-ħalq jintef il-leħja.
Xi nies jonfqu iżjed flus minn kemm jifilħu biex jippruvaw ilaħħqu ma’ ħaddieħor.
Min jagħmel għal żaqqu jibqa’ bi spallejh mikxufin.
Min jonfoq ħafna flus għalxejn fl-ikel ma jkollux biex jagħmel affarijiet oħra.
Min jagħmel wisq għal żaqqu jispiċċa b’kiftejh mikxufa.
Min jonfoq ħafna flus għalxejn fl-ikel ma jkollux biex jagħmel affarijiet oħra.
Min jiddejjen jiżżejjen.
Min irid ħafna affarijiet jiswew il-flus, ikollu jiddejjen biex ileħħaq.
Meta l-faqar jidħol mit-tieqa, l-imħabba toħroġ mill-bieb.
Il-faqar huwa sors ta’ xkiel għall-imħabba.
Min jiftaħar flusu f’butu, u min jiftaħar f’kexxuntu.
Min huwa tassew sinjur ma jiftaħarx bi flusu għax m’għandux għalfejn jimpressjona.
Meta s-siġra tal-armla ma toħroġx qamla, għan-namur tkun reġgħet ħemla.
B’mod speċjali dari, meta armla ma kenitx tkun trid titgħabba bir-responsabbiltà li tgħajjex lil uliedha, kienet tfittex raġel ieħor biex jgħajjex hu lilha u lil uliedha. Qamla tfisser rimja f’dan il-kuntest, bħallikieku l-armla hija siġra li ma tridx tagħmel frott, u...
Meta jilħaq il-fqir, agħmillu rixa ħalli jtir.
Meta xi ħadd li jkun ġej minn ambjent ta’ faqar jilħaq, jitkabbar u jxammar imnieħru.
Min jitolbok ħabba agħtih tnejn u keċċih.
Min jiffittak fuq xi ħaġa, ikkuntentah ħalli jitlaq ’l hemm u jħallik bi kwietek. Ħabba kienet munita li kienet tintuża Malta fi żmien il-ħakma Ingliża.
Pappi llum u pappi għada, iċċiċċi ħajt u tpappi ġebla.
Min ma jridx jaħdem issa għad jiddispjaċih fil-futur, meta jfittex il-flus u ma jsib xejn.
Meta jkollok issib il-ħbieb, meta ma jkollokx issib il-klieb.
In-natura tal-bniedem dik hi: meta jkollok il-flus iduru miegħek, u meta ma jkollokx jabbandunawk.
L-għali ma jħallasx dejn.
L-inkwiet ma jsolvix problemi, eħles minnu.
Kulħadd jidfen ’l ommu kif jista’.
Kulħadd jagħmel sa fejn jista’ f’sitwazzjonijiet diffiċli, anke finanzjarjament.
Min joħroġ addoċċ mingħajr ma jkejjel, jiftaqar lanqas jinduna u jkun imdejjen.
Min iberbaq flusu, jinduna bl-iżball tiegħu meta jkun tard wisq.
Mix-xħiħ tlaqqat xi ħaġa, mill-ħali ma tlaqqat xejn.
Min iberbaq il-flus ikun qed jagħmel iżjed ħsara minn min hu xħiħ.
Min ikollu tlieta ’l fuq jagħtu fil-buq.
Biex trabbi tlett itfal jew iżjed trid ħafna flus u enerġija.
Min m’għandu xejn m’għandux x’jitlef.
Min m’għandu xejn jgħix iżjed kuntent minn min għandu ħafna flus, proprjetà, investimenti, eċċ. li jkun spiċċa skjav tagħhom. Ogħna tfisser aktar għani.
Min jagħti ġidu f’ħajtu jaqla’ bil-mazza ta’ Kalabrajtu.
Min f’ħajtu jagħti ġidu kollu lil uliedu għandu jkun lest għal diżappunti kbar, għax uliedu jkunu ħadu li riedu u jinsewh.
Meta xebba għaż-żwieġ mixħuta, tixxabbat ma’ xi tuta biex biha tikseb f’butha.
Xebba li tkun tixtieq tiżżewweġ, jeħtieġ li taħdem biex taqla’ l-flus sabiex tgħajjex il-familja.
Min m’għandu xejn ogħna mir-re.
Min m’għandu xejn jgħix iżjed kuntent minn min għandu ħafna flus, proprjetà, investimenti, eċċ. li jkun spiċċa skjav tagħhom. Ogħna tfisser aktar għani.
Min m’għandux jgħix ma’ min għandu.
Qis li tgħin lil min hu inqas ixxurtjat minnek fil-flus, eċċ.
Min jibża’ mill-kera jmut fl-għera.
Min ma jonfoqx flus fil-kera jew fil-bini ma jkollu mkien sura fejn joqgħod.
Min jieħu lil ommna jsir għammna.
Napprezzaw lil dak ir-raġel li jiżżewweġ (= jieħu) lil ommna armla u jsir missierna tar-rispett (= għammna), għax jgħinna fil-flus. Dari n-nisa romol kienu jbatu ħafna meta jormlu.
Min m’għandux żejt fid-dlam jorqod.
Min m’għandux flus, ikollu jgħaddi mingħajr diversi affarijiet, bħal min dari ma kellux żejt biex jixgħel il-lampa filgħaxija qabel daħlet il-luċelettrika.
Min ma jibżax għal ħabba lanqas jibża’ għal skud.
Min kapaċi jberbaq ftit flus, kapaċi jberbaq ħafna flus. Ħabba u skud huma flus li kienu jintużaw Malta fi żmien il-ħakma Ingliża.
Meta tidħol il-qorti, inti tiekol sardina u l-avukat jiekol gallina.
L-avukati jagħmlu kemxa flus ġmielha minn fuq dahrek meta jkollok xi każ il-qorti.
Min ma jibżax għall-ftit, il- wisq ma jarah qatt.
Min kapaċi jberbaq ftit flus, kapaċi jberbaq ħafna flus.
Min jitlef lil ommu jirbaħ l-għera, min jitlef lil missieru jirbaħ il-ġuħ.
Dari kienu jbatu d-dar u t-tfal meta tmut l-omm, u kienu jbati fil-flus meta jmut il-missier.
L-imwiet għal kulħadd, għall-foqra u l-imwiel.
Fqir jew sinjur, xi darba tmut bħal ħaddieħor. Imwiel hu l-plural ta’ mula, u tfisser rikkezzi.
Min ma jraqqa’ jinħela f’daqqa.
Min ma jiħux ħsieb tal-affarijiet tiegħu fil-pront, wara jonfoq ħafna flus biex isewwi jew jibdel. Jinħela tfisser jiftaqar.
Min jitma f’ħutu la flus fil-kexxun u lanqas f’butu.
Min jafda wisq f’ħutu jispiċċa b’xejn għax kollox jeħdulu.
Imur il-ġid u l-ġidejn u tibqa’ l-ħidma tal-idejn.
Sakemm ikollok saħħtek, ma jkun ġara xejn jekk titlef ġidek kollu. Tista’ terġa’ tibda mill-bidu u taħdem għalih. Ġidejn tfisser ġid kbir.
L-imwiet għal kulħadd, għall-foqra u s-sinjuri.
Fqir jew sinjur, xi darba tmut bħal ħaddieħor.
Dejjem juri l-qoħta għad li għandu l-ġid.
Min hu rgħib dejjem jagħmel taparsi m'għandux biex jgħix, minkejja li jkollu l-ġid. Il-qoħta tfisser skarsezza.
L-għerf jgħajjar u l-flus ittajjar.
Il-bniedem jippreferi jkun sinjur milli jkun għaref.
Min ma jraqqax ma jkampax.
Min ma jiħux ħsieb tal-affarijiet tiegħu fil-pront, wara jonfoq ħafna flus biex isewwi jew jibdel.
Min xliefu twil ta’ butu lsir.
Is-sinjur huwa lsir ta’ flusu stess.
Ekonomija, ekonomija, imbagħad jiġi x-xitan jgħidlek dawn għalija.
Min hu rgħib ma jgawdix flusu għax ikollu jużahom għal xi ħaġa li ma stenniex.
Min f’rokontu għandu l-barrada, jaf jidħaq b’sena farrada.
Min jaħżen l-ikel ma jkollux għalfejn jinkwieta meta tiġi sena ħażina għar-raba’, bl-istess mod li min ifaddal il-flus isibhom meta jiġi żmien ħażin. Barrada hija ġarra.
Min ifittex il-ġhież ifittex l-uġigħ.
Id-dota (il-ġhież) hija simbolu tat-tbatijiet kollha li jġib miegħu ż-żwieġ.
Aħjar ħabib fis-suq minn mitt skud fis-senduq.
Fil-bżonn, ħabib li jaqilgħek jiswiek iżjed mill-flus.
Mingħajr xaħam ma tvarax.
Bla flus (= xaħam) ma tasal imkienl; ix-xaħam jirreferi b’mod indirett għat-tixħim, li mhux possibbli bla flus.
Min għandu n-naħal għandu r-riħ, min għandu n-nagħaġ għandu l-ġild.
Idaħħal iżjed flus min irabbi n-nagħaġ minn min irabbi n-naħal.
Minn fejn tkun ġejja n-nemla, flus ikun fiha l-ġebla.
Il-flus u l-ġid ta’ xi ħadd minn xi mkien żgur li jkunu ġejjin.
Aqbad u qabbad.
Tħallas mill-ewwel, għax jaf ma tarahom qatt dawk il-flus.
Għal ħabba jqaxxar qamla.
Min jitqammel jaqa' fl-esaġerazzjoni.
Minn midjien ħażin ħu, imqar weraq tat-tin.
Mingħand min jafek il-flus u taf li ma jistax iroddlok kollox lura, ħu li tista’.
Bid-dieħel ħalli l-għanqbut jiddendel u bil-ħiereġ illustra l-post.
Meta tibda tagħmel il-flus tiftaħarx u meta tibda titlifhom ftaħar xi ftit biex ħadd ma jinduna.
Għawdxi u Żebbuġi jagħmlu Lhudi.
L-Għawdxin u ż‑Żebbuġin għandhom reputazzjoni ta' nies makakki, li jagħmlu għall‑flus.
Minn surtek tidher għobortok.
Il-miżerja ta’ min ma jkollux flus biex jgħaddi tkun tidher anke f’persuntu. Għobortok tfisser il-miżerja tiegħek.
Jekk għandek jiswielek, u Alla jgħinek bi ġmielek.
Lil min għandu l-flus, id-dinja tidħaqlu.
Bla spejjeż ma tagħmilx flejjes.
Trid tonfoq il-flus sabiex iddaħħal aktar flus.
Mitt wieħed liebes ma jneżżgħux għarwien.
Mingħand bniedem li ma fadallux flus, xejn ma tista’ tieħu.
Jekk tagħti sold karità, Alla jipprovdilek lira.
Għal kull ftit flus li tagħti karità, Alla jagħtik ħafna iżjed lura.
Mix-xejn ma jsir xejn.
Mingħajr flus xejn ma jsir, hekk bħal fi kwalunkwe sitwazzjoni oħra.
Fin-negozju m’hemmx ħbieb.
Fin-negozju l-flus jiġu qabel il-ħbieb.
Min għandu ħafna ġid jista’ jiżdiedlu, min għandu ftit jista’ jonqsu, iżda l-għomor jonqos żgur lit-tnejn.
Ikollok kemm ikollok flus, il-mewt ma jirbħilha ħadd.
Muftieħ tad-deheb jaqbel ma’ kull qofol.
Bil-flus kollox tasal tagħmel. Qofol tfisser sokra.
Fin-negozju moħħok irid ikun jilħaqlek.
Trid tħaddem moħħok u tkun makakk biex in-negozju li jkollok jirnexxi.
Min jixtri l-bikrija jkollu jiżen il-ħamrija.
Min jixtri l-ħaxix bikri, ngħidu aħna l-patata, jiġih ogħla peress li jintiżen bil-ħamrija b’kollox minħabba li jkun żgħir.
Mhux dak biss li joħroġ jisraq billejl jissejjaħ ħalliel.
Hemm diversi modi kif tisraq, fosthom billi tbigħ jew tagħti servizz bi prezzijiet qarrieqa.
Muftieħ tad-deheb jiftaħ kull bieb.
Bil-flus kollox tasal tagħmel.
Fir-roħs ixtri, fil-għoli bigħ.
Fin-negozju, meta tixtri bl-irħis u tbigħ bl-għoli, tmur minn fuq.
Nies tal-flus f’senduqhom u tal-pont f’għarqubhom.
Hemm nies li tassew kapaċi l-flus ifaddluhom għal meta jiġu bżonnhom.
Min jitwieled fuq il-ward imut fuq ix-xewk.
Min jitwieled f’familja stabene ma jfissirx neċessarjament li jgħix fil-lussu ħajtu kollha.
Tifħir bla qligħ ma jimliex il-but.
Min joqgħod ifaħħrek ta’ xogħlok mhux biżżejjed, jeħtieġ ukoll titħallas tiegħu.
Ommok tħares lejn għajnejk u martek lejn idejk.
Ommok tinkwieta ġenwinament għalik u martek moħħha biss fi flusek.
Orqod fil-frugħa, oqgħod fid-djieq u min jirtek jistgħall ġidek sieq fuq sieq.
Flusek aħdem għalihom u gawdihom inti waqt li għadek ħaj, għax jekk le tkun qed tpaxxihom lill-werrieta. Fil-frugħa tfisser fit-tbatija, fid-djieq tfisser fin-nieqes u jistgħall tfisser igawdi.
Nhar l-Imnarja l-bajd itir fl-arja.
Dari l‑prezz tal‑bajd kien jiżdied ġmielu lejn l-aħħar ta’ Ġunju minħabba li kien ikun hemm inqas provvista. L-Imnarja tiġi fid-29 ta’ Ġunju.
Qatt ma għandek tmidd saqajk barra mill-friex.
Qis li tkun tiflaħ tħallas għal xi ħaġa qabel ma tintriga biha.
Min jitgħażżen f’żgħożitu jbati fi xjuħitu.
Min ikun għażżien f’żgħożitu jbati l-konsegwenzi fi xjuħitu, għax ma jkunx jiflaħ jaħdem u ma jkun faddal xejn.
Min jiżżewweġ u ma jibdilux, hemm mitt skud fil-bieb tal-Imdina mħejjija għalih biex imur għalihom.
Fiż-żwieġ dejjem jasal punt fejn dak li jkun jistaqsi lilu nnifsu għamilx id-deċiżjoni t-tajba.
Ir-regħba tal-flus hija l-għerq ta’ kull deni.
In-nies jagħmlu ħafna għall-flus, u dan iwassal għal għawġ kbir.
Il-ġobon Sqalli ftit qligħ iħalli.
Il-ġobon Sqalli kien jiswa ħafna biex jiġi impurtat, allura ftit li xejn kien iħallilu qligħ lil tal-ħanut. Dak li mhux vallapena, tagħmlux.
Qlajt sitta, onfoq ħamsa.
Tonfoqx il-flus kollha li taqla’, tgħallem faddal imqar ftit.
Mitt sena ħsieb ma jħallasx sena kera.
Għalxejn taħseb u tinkwieta għax imkien ma tasal.
Ħobż ix-xitan ma jxabbax.
Dak kollu li tkun akkwistajt bid-diżonestà ma tgawdihx.
Mar il-ġid u baqa’ l-ħidma tal-id.
Jekk titlef il-flus, dejjem tista’ terġa’ taħdem għalihom sakemm għandek saħħtek.
Sabiħ il-ħamiem għax jagħmel il-beċċun.
Ċerti affarijiet ikunu sbieħ għax irendulek il-flus.
Jarmi l-qoħta u jerfa’ l-ġid.
Min hu rgħib dejjem jagħmel taparsi m'għandux biex jgħix, minkejja li jkollu l-ġid. Il-qoħta tfisser skarsezza.
Senduq magħluq xħin jinfetaħ tkun taf x’fih.
Qatt ma tkun taf eżatt bniedem kemm għandu flus qabel issir tafu.
Trabba fil-għażż u tbiżżel fil-ħjieġ.
Huwa persuna li trabba f’ħafna fsied iżda meta fil-futur ġie fil-bżonn, xammar il-kmiem u ħadem. Ħjieġ tfisser bżonn.
Strina tajba, sena rgħiba.
Jekk tberbaq ħafna flus f’daqqa, tbati għall-bqija tas-sena għax ikollok toqgħod lura minn ħafna affarijiet oħra. Il-kelma "strina" ġejja mit-Taljan "strenna", li tfisser rigal mogħti fi żmien il-Milied, u din min-naħa tagħha ġejja mil-Latin "strena", li tfisser rigal...
Kien xħiħ iqis u jkejjel, biex ħaduh il-bhejjem u hemm ħallewh għal dejjem.
Li tkun xħiħ ma jservi għalxejn, għax trid tmut bħal kulħadd u kollox warajk tħalli. Ħaduh il-bhejjem tfisser li ġibduh il-bhejjem fuq il-karru tal-mejtin, kif kienu jagħmlu dari.
Ix-xorb raġel min ibigħu, mhux min jixorbu.
Min ibigħ ix-xorb jaqla’ ħafna flus, iżda minn jikkunsmah ibati għax saħħtu tmur lura.
Qabda trab, erba’ kaptelli u ħarja f’wiċċ kulma kelli.
L-affarijiet materjali li jkollna f’ħajjitna kollha jisfaxxaw fix-xejn meta niġu wiċċ imb wiċċ mal-mewt. Il-kaptelli huma dawk il-ġebliet twal li jgħattu wiċċ il-qabar.
Ta’ b’xejn anke t-tosku għasel.
Dak kollu li tieħu b’xejn huwa tajjeb. Ħudu u tistenniex iżjed.
Minn sinjorina ssir sinjura.
Dari mara bilfors kien ikollha tiżżewweġ biex iddaħħal il-flus tar-raġel.
Ix-xitan fuq il-gods il-kbir imur jagħmel.
Ix-xitan lis-sinjuri (il-gods) imur jagħtihom il-flus.
Xidd il-qorq u xammar kmiemek imbagħad ħajjitek.
Jeħtieġ li dak li jkun jitħallas b’mod xieraq tax-xogħol li jkun għamel, ir-rikonoxximent u l-gratitudni mhumiex biżżejjed.
Ta’ b’xejn anke t-tosku manna.
Dak kollu li tieħu b’xejn huwa tajjeb. Ħudu u tistenniex iżjed.
Ta’ Buleben la fih trab u lanqas ġebel.
L-impressjoni li jkollok ta’ xi ħadd li hu xi sinjur kbir, jista’ jkun tkun falza.
Mewt ix-xħiħ bħal dbiħ il-ħanżir, il-werrieta ferħana se ttir.
Il-mewt ta' min hu xħiħ iġġib magħha l-ferħ, hekk kif il-werrieta jsibu x'jirtu wara mewtu.
Sena għammiela tħallas il-qbiela.
Meta l-uċuħ tar-raba’ jirnexxu, il-bidwi jdaħħal biżżejjed flus biex iħallas il-qbiela, il-kera, eċċ.
Ta’ li taħdem titħallas.
Titħallas skont kif u kemm tagħmel xogħol.
Ta’ li tħallas tiekol.
Ixtri oġġett ta’ kwalità tajba u li jservi, għax tispiċċa tonfoq iżjed flus biex tibdel oġġett ta’ kwalità inferjuri li jinkiser mill‑ewwel.
Xogħol bla ħlas qisu raġel bla ras.
Ix-xogħol biex isir tajjeb irid jitħallas.
Min iħażżaq wisq ma jaqbad xejn.
Min irid wisq (flus, fama, eċċ.) jispiċċa ma jkollu xejn, bl-istess mod li min jidħol għal wisq xogħol jispiċċa ma jleħħaqx miegħu.
Min irid jaħfen kollox jispiċċa ma jaqbad xejn.
Min irid wisq (flus, fama, eċċ.) jispiċċa ma jkollu xejn, bl-istess mod li min jidħol għal wisq xogħol jispiċċa ma jleħħaqx miegħu. Jaħfen tfisser jaqbad.
Min jagħti lill-fqar ikun qed jislef lil Alla l-imbierek.
Min jagħmel karità mal-proxxmu jogħġob lil Alla.
San Martinek tajjeb, agħmel ħiltek biex il-lant ikunlek tajjeb.
Il-bidwi għandu jaħdem u jistinka f’Novembru biex igawdi wara. Il-lant jirreferi għan-negozju. San Martin jiġi fil-11 ta’ Novembru.
Taf x’qal Karabazza? “Min jagħtu ħwejġu f’ħajtu jtuh bil-mazza.”
Jekk tagħti dak kollu li għandek lil uliedek f’ħajtek minflok jirtuk wara mewtek, ma jkunux jafuhulek u jittrattawk ħażin.
Taħdem u tistinka u d-dublett dejjem bla ċinta.
Minkejja x‑xogħol kollu tagħmel, xorta waħda ma taqlax biżżejjed biex tgħix komdu.
F’Ġunju jsib il-ftiet, il-bidwi u s-sajjied.
F’Ġunju l-bdiewa u s-sajjieda jibdew jaqilgħu l-flus mill-prodott tagħhom.
L-ispirtu raġel min ibigħu, jgħid is-sakran.
L-alkoħol jagħmel ħsara kbira lil min għandu l-vizzju tiegħu, iżda jqalla’ ħafna flus lin-negozjant li jġibu.
Min jaħfen wisq iħażżaq ftit.
Min irid wisq (flus, fama, eċċ.) jispiċċa ma jkollu xejn, bl-istess mod li min jidħol għal wisq xogħol jispiċċa ma jleħħaqx miegħu. Jaħfen tfisser jaqbad.
Taħdem u tistinka u l-qalziet dejjem bla ċinta.
Minkejja x-xogħol kollu tagħmel, xorta waħda ma taqlax biżżejjed biex tgħix komdu.
F’Ġunju s-suq mimli ħut u s-sajjied bil-flus fil-but.
F’Ġunju l-bdiewa u s-sajjieda jibdew jaqilgħu l-flus mill-prodott tagħhom.
Mal-ħbieb m’hemmx negozju.
Il-ħbiberija mhix kumpatibbli man-negozju u l-flus.
Min jaħfen wisq ma jgħażżaż xejn.
Min irid wisq (flus, fama, eċċ.) jispiċċa ma jkollu xejn, bl-istess mod li min jidħol għal wisq xogħol jispiċċa ma jleħħaqx miegħu. Jgħażżaż tfisser imexmex.
Tajjeb għax tajjeb u tajjeb għax b’xejn.
Dak kollu li tieħu b’xejn huwa tajjeb. Ħudu u tistenniex iżjed.
Tallab qatt ma joħroġ fallut.
Min diġà qiegħed f’pożizzjoni żvantaġġata m’għandu xejn x’jitlef.
Meta raġel iżiegħed il-but, ħajtu dejjem f’xifer ix-xtut.
Meta tkun stabene u ġidek dejjem jiżdied (= iżiegħed il-but), dejjem għandek ir-riskju li jisirquk jew jagħmlulek xi tip ta’ vendikazzjoni.
Min jaħtaf bosta jibqa’ b’xejn.
Min irid wisq (flus, fama, eċċ.) jispiċċa ma jkollu xejn, bl-istess mod li min jidħol għal wisq xogħol jispiċċa ma jleħħaqx miegħu. Jgħażżaż tfisser imexmex.
Warrab minn fqir kburi, minn għani xiħ u minn xiħ żieni.
Warrab lil min m’għandu xejn u supperv, lil min hu xiħ b’ħafna flus u lil min hu xiħ iżda moħħu fis-sess.
Tħallix il-flus jirkbuk.
Tkunx skjav tal-flus: il-flus għandhom jaqdu lill-bniedem, mhux bil-kontra.
Meta tixtri, ixtri għalik u għas-suq.
Meta tbigħ bl-ingrossa, jeħtieġ li tkun raġonevoli biex min jixtri mingħandek ikun jista’ jaqla’ xi ħaġa tal-flus wkoll.
Min jaqbad ħafna ma jżomm xejn.
Min irid wisq (flus, fama, eċċ.) jispiċċa ma jkollu xejn, bl-istess mod li min jidħol għal wisq xogħol jispiċċa ma jleħħaqx miegħu. Jgħażżaż tfisser imexmex.
Tas-sinjur bis-suġġetta u tal-fqir bit-trumbetta.
Meta xi ħadd tal-flus jew b’awtorità jagħmel xi żball jippruvaw jgħattulu, iżda meta xi ħadd mhux ta’ ħafna flus u bla awtorità jagħmel l-istess imorru jxandruh. Is-suġġetta kienet siġġu sabiħ u mżejjen li kien jintuża biex iġorr lin-nies importanti (bħall-isqof,...
Jannar xott, il-bidwi għani.
Ħafna xita f’Jannar tirvina l-uċuħ tar-raba’, għalhekk aħjar ikun xott għall-bidwi.
Tibni u tgħolli, tmut u tħalli.
Jista’ mhux ikollok flus u tagħmel suċċess (bħall-kuntratturi l-kbar), għax bħal kulħadd trid tmut u tħalli kollox warajk.
Tieħu bla ma trodd is-swar tħott.
Jekk tonfoq biss u ma tfaddalx, xejn ma ssib meta tiġi bżonn; u dan japplika għal kollox, mhux għall-flus biss.
Mill-ħabba ssir ċinkwina u miċ-ċinkwina jsir il-karlin.
Meta l-flus tħaddimhom tajjeb (f’investimenti, eċċ.) jiżdiedu. Ċinkwina kienet tiswa ħames ħabbiet u karlin kien jiswa għaxar ħabbiet; huma flus li kienu jintużaw Malta fi żmien il-ħakma Ingliża.
Min jibża’ għall-ikel tal-qattusa jikluh il-ġrieden.
Min jibża' wisq għall-flus, xorta jispiċċa f'sitwazzjoni fejn jitlef kollox.
Min tagħmlu baħar ikun għadira.
Hemm min taħsbu bravu ħafna jew għandu ħafna flus, iżda ma jkun veru xejn.
Min jiekol b’ħafna ħluq fl‑aħħar jifga u jibqa’ b’xejn.
Min jagħmel wisq għall‑flus, xorta jispiċċa f'sitwazzjoni fejn jitlef kollox. Ħluq huwa l-plural ta' ħalq.
Toqgħodx fuq il-għatba u tistrieħx fuq senduq.
Qis li jkollok il-flus tiegħek u l-proprjetà tiegħek, biex ma tiddependix fuq ta’ ħaddieħor.
Min jiekol b’ixdqa tnejn fl-aħħar jifga u jibqa’ b’xejn.
Min jagħmel wisq għall-flus, xorta jispiċċa f'sitwazzjoni fejn jitlef kollox. Ixdqa huwa l-plural ta' xedaq.
Min iħallas qabel ħut jinten jiekol.
Tħallasx wisq flus minn qabel għal dak li tkun ordnajt għax ix-xogħol ma jagħmluhulekx sew.
Trid iddawwar idek biex tilqa’ l-ġid f’idek.
Mis-serq u l-abbuż jiġu flejjes kbar.
Trid tkun taf tbus biex it-tarka tgħabbi bil-flus.
Fl-antik il-prostituti kienu jħallu l-flus li jaqilgħu barra l-bieb biex juru kemm qed jagħmlu suċċess.
Min jirgħeb għall-flus jintemm minħabba fihom.
Min ikun mogħmi bil-flus jispiċċa jieħu deċiżjonijiet b'konsegwenzi koroh ħafna. Jirgħeb għall-flus tfisser jagħmel għall-flus.
Fix-xahar tar-rużarju aħrat u tenni biex meta taħsad ikollok biex tgħanni.
F’Ottubru l-bidwi jagħmel sew li jaħrat kemm jiflaħ il-ħamrija, biex meta jiġi biex jaħsad ikun kuntent.
Min iħallas qabel xogħol ħażin jieħu.
Tħallasx wisq flus minn qabel għal dak li tkun ordnajt għax ix-xogħol ma jagħmluhulekx sew.
Twaħħalx l-imsiemer f’dar is-sultan.
Tagħmilx xogħol f’post li tkun qed tikri, għax xejn ma tgawdi minnu u l‑flus li tkun infaqt.
Ix-xahar ta’ Awwissu s-sinjur u l-fqir iħissu.
Is-sħana ta’ Awwissu lil kulħadd taħqar.
Timxix ħafi għax il-flus taż-żarbun ma tfaddalhomx.
Il-flus onfoqhom biex tieħu ħsieb saħħtek, għax wara jkollok tonfoqhom fil-mediċini biex tfiq wara li jaqbdek xi ħaġa.
Wara l-ħlas jiġi l-qmas.
Wara li tħallas għal xi oġġett jew servizz, toqmos meta jinqalgħu il-problemi u tmur bihom għand min tkun ħallast.
Min ma jagħmilx kapital minn tibna, lanqas minn travu ma jagħmlu.
Min mhux kapaċi jħaddem il-flus, la jkun kapaċi jħaddimhom fiż-żgħir u lanqas fil-kbir.
Żwieġ bin-namur jispiċċa bid-dulur.
Koppja li tiżżewweġ għall-imħabba biss jisfaxxalha ż-żwieġ jekk ma tagħtix kas affarijiet oħra, bħall-flus.
Warrab mid-dnub u eħles mid-dejn.
Li tiċċappas bid-dejn huwa ħażin daqslikieku tiċċappas bid-dnub, mela eħles minnu.
Lulju l-ħajjatin jibdew jaqilgħu xi karlin.
F’Lulju jkun hemm iżjed domanda għall-ilbies tal-okkażjoni, u b’hekk il-ħajjata jkollhom iżjed xogħol. Karlin huwa munita antika li m’għadhiex tintuża.
Rabti u Żebbuġi jagħmlu Lhudi.
Ir-Rabtin u ż-Żebbuġin għandhom reputazzjoni ta' nies makakki, li jagħmlu għall-flus.
Wieħed jaqla’ u l-ieħor jaħli.
Wieħed jaħdem u jistinka għall-flus, biex dak kollu li jkun qala’ jgawdih ħaddieħor.
Wieħed u tnejn mhuma xejn, tnejn u tlieta logħob u ħlieqa, imma tlieta ’l fuq jagħtu fil-buq.
Iktar kemm ikollok tfal, iżjed trid flus biex trabbihom. Ħlieqa tfisser ċajta.
Taġen bla textex, naqra ma tgħallimx fih.
Min in-negozju jfallilu jkollu bżonn spinta finanzjarja ġmielha biex jerġa’ jiġi fuq saqajh, bħal taġen li jkollu bżonn ħafna żejt (= textex) biex jaqli.
Siġra tal-luq la tiekol minnha u lanqas idduq.
Qatt ma tara ġid mingħand min hu xħiħ, bl-istess mod li ma tarax xogħol minn min hu għażżien.
Xoqqa li tintiseġ maqjuma jxidduha n-nies meħjuma.
Mill-ilbies tinduna dak li jkun kemm ikun tal-flus. Maqjuma tfisser li tiswa l-flus u meħjuma tfisser imfissdin.
Żaqq mimlija ma tagħdirx oħra battala.
Min għandu l-flus ma jitħassarx lil min m’għandux.
kategorija
il-flus
Dak li għandek tirhan bigħu.
Jekk għandek xi ħaġa x’tagħmel agħmilha minnufih.
Għalija ċinkwina ħames ħabbiet.
Xorta għalija, mhix ser tagħmilli differenza.
Aħdem għal ħabba u għodd ruħek mal-battal.
Aħjar taħdem għal ftit flus milli toqgħod ma tagħmel xejn.
Aħdem imqar ftit u għodd mal-battal.
Aħjar taħdem għal ftit flus milli toqgħod ma tagħmel xejn.
Aħjar disa’ rbajja’ u rieqed minn skud u mqajjem.
Min hu għażżien jippreferi jaħdem inqas għal ftit flus, milli jaħdem iżjed għal aktar flus.
Aħjar ġerrejja tiġbor ġieħha milli fqir isir sinjur.
Aħjar il-ħażin li jsir tajjeb, milli l-fqir isir sinjur - il-flus jitilgħulu għal rasu.
Aħjar għandek tieħu mingħand ħalliel milli għandek tagħti lill-kappillan.
Dari kien hawn ħafna dejn mal-Knisja, li kellu jitħallas bilfors.
Aħjar għerfek minn mielek.
Aħjar tkun bniedem intelliġenti minn bniedem tal-flus. Mielek tfisser ġidek.
Aħjar ħobż u ġobon milli torta inkwiet.
Aħjar tgħix ħajja ta’ fqir milli tkun tal-flus u mifni bl-inkwiet.
Aħjar nagħmillek libsa nkella nitimgħek.
Lil min iħobb żaqqu tiffranka l-flus jekk tonfoqlu l-flus fil-ħwejjeġ milli fl-ikel.
Aħjar skud fil-but minn mija fis-senduq.
Aħjar ikollok iċ-ċertezza li xi ħaġa hija tiegħek, milli ma jkollok ebda ċertezza fuq ħafna affarijiet.
Aħjar taqtagħlu libsa milli tistiednu.
Lil min iħobb żaqqu tiffranka l-flus jekk tonfoqlu l-flus fil-ħwejjeġ milli fl-ikel.
Aħjar titwieled fqir u tmut sinjur.
Aħjar ma jkollok xejn u wara tagħmel suċċess, milli bil-kontra.
Aħjar torqod bil-ġuħ milli tkun midjun.
Il-ġuħ tissaportih, iżda l-għawġ li tidħol fih minħabba d-dejn diffiċli iżjed tissaportih.
Aħkem meta ssib għax jiġi r-Randan barra minn żmienu.
Faddal il-flus għax ma tafx x’għad tiġi bżonn.
Aħna niddejnuha biex ma nħallsuha.
Jingħad għan-nies li jiddejnu u ma jkunux kapaċi jħallsu wara.
Aħżen il-muna u mur ċeppuna.
Qabel ma tagħmel xi bluha li ħabba fiha tmur il-ħabs, qis li familtek ikollha l-mezzi biex tgħix.
Aħżen ix-xemx mis-sajf għax-xitwa.
Faddal il-flus għax ma tafx x’għad tiġi bżonn.
Aħżen la ssib għax jiġi żmien li ssum bla ma trid.
Faddal il-flus għax ma tafx x’għad tiġi bżonn.
Aktar għandna flus milli għomor.
Ngħiduh għaż-żgħażagħ fil-familji sinjuri li jkollhom ħafna flus f’idejhom u ma jkunux jafu jużawhom.
Aktar ma niekol, inqas nara.
Jekk tiekol l-ikel kollu li jkollok fil-platt ma tibqax tarah, bl-istess mod li jekk tonfoq ġidek kollu ma jifdallek xejn.
Anqas ma wieħed ikollu f’din id-dinja, aħjar.
Aktar kemm ikollok flus, aktar ikollok inwkiet. Mela aħjar ikollok inqas.
Aqla’ sold u onfoq sitta.
Tonfoqx iżjed flus milli taqla’.
Ara taqbadx awwista għax flus fil-but takkwista.
Dejjem agħżel l-aktar ħaġa ta’ valur.
B’daqshekk il-bastiment mhux ser jagħmel l-ilma.
Billi tonfoq naqra iżjed flus f’xi ħaġa, m’intix ser tiżbanka.
B’demm il-fqir ġid qatt ma jsir.
Mhux sew li tagħmel il-flus minn fuq dahar min m’għandux biex.
B’libsa waħda jiżfen u jidfen.
Dejjem bl-istess ħwejjeġ għax m’għandux flus.
B’xejn ma jsir xejn.
Bla flus ma tagħmel xejn.
Barmil bla qiegħ, titfa’ kemm titfa’ ma timlieh.
Hemm min mhux kapaċi jkun bil-għaqal fil-flus, malli jidħlu joħorġu.
Bewqet xaqqha biex żejnet żaqqha.
Tilfet ġieħha kollu għall-flus.
Il-karità qatt ma faqqret nies.
Att ta’ karità ġid biss jista’ jagħmel.
Bil-flus ħadd ma jixtri l-ġenna.
Il-flus importanti biss f’din il-ħajja, la tmut m’intix ser teħodhom miegħek.
Bil-flus tagħmel triq fil-baħar.
Bil-flus tagħmel kollox fid-dinja.
Bil-għaqal tħassel il-ġid.
Trid tkun bil-għaqal fil-flus biex tgħix bla inkwiet.
Bil-ġmiel biss ma nimlewx żaqqna.
Fl-antik il-flus tad-dota kienu importanti ħafna fiż-żwieġ; is-sbuħija tal-mara ma kenitx biżżejjed.
Is-self ħu t-telf.
Meta tislef oġġett jew il-flus lil xi ħadd, tistenniex li se jroddhomlok lura malajr jew fl-istess stat tajjeb li tkun slifthulhom int.
Bil-grazzi ma timliex żaqqek.
Meta tagħti servizz lil xi ħadd, tistenna li titħallas għax bil-grazzi biss ma tgħixx.
Il-lagħab dejjem tellief.
Min ikollu l-vizzju tal-logħob jispiċċa jitlef ħafna flus, anke meta jirbaħ, għax jerġa’ jilgħabhom.
Bil-pont tas-sahra żżomm il-ħmara.
Jekk il-mara tkun taf tħit, il-familja tiffranka l-flus.
Is-self wisq drabi jinbidel f’telf.
Meta tislef oġġett jew il-flus lil xi ħadd, tistenniex li se jroddhomlok lura malajr jew fl-istess stat tajjeb li tkun slifthulhom int.
Bla flus la tgħannaq u lanqas tbus.
Bla flus imkien ma tasal.
Dak li jħarbat u jqatta’ ma jibqagħlux biex jitgħatta.
Min iħarbat il-flus ma jifdallu xejn.
Dak minn xelin jonqsu ħdax-il sold, dejjem minn irbiegħi jonqsu dsatax-il ħabba.
Min m’għandux flus ma jistax jiddeverti. Xelin kien fih tnax-il sold u l-irbiegħi kien fih għoxrin ħabba - kienu l-flus Ingliżi li kienu jintużaw Malta fil-Perjodu Kolonjali.
Diqa u faqar agħar mill-mewt.
Aħjar tmut milli tgħix imdejjaq u bla flus.
Drabi magħkus u drabi butu jagħmar il-flus.
Jiġu drabi fejn ikun komdu fil-flus u oħrajn fejn ibati.
Il-midjun u d-dejjien ftit jaqblu flimkien.
In-nies li għandhom interessi opposti ftit li xejn jistgħu jaqblu.
Eħġem la ssib għax jasal ir-Randan.
Faddal il-flus biex meta tiġi bżonnhom issibhom. Eħġem huwa l-imperattiv tal-verb ħeġem.
Eħġem la ssib għax jiġi li jkollok issum bla ma trid.
Faddal il-flus biex meta tiġi bżonnhom issibhom. Eħġem huwa l-imperattiv tal-verb ħeġem.
Erfa’ u sorr għal meta tiġi bżonn.
Faddal il-flus għax ma tafx x’għad tiġi bżonn.
Fejn iżżarrad iċċarrat.
Min m’għandux flus kull ftit li jkollu jonfoq joħroġ minn qalbu.
Fejn m’hemmx bini u ħamrija m’hemmx sinjurija.
Min għandu l-artijiet u l-proprjetà għandu l-flus.
Fejn tqarrem il-mogħża jinsteħet.
Min m’għandux flus jaħtaf kulma jsib quddiemu. Tqarrem tfisser tgerrem.
Fid-diqa u fl-għaks tkun taf tajjeb id-daqs.
Min m’għandux flus ma jaħlix.
Fil-għaks u d-diqa tinġibed il-biqa.
Min m’għandux flus ma jaħlix. Il-biqa hija l-ħasil tal-ħaxix.
Fil-għoli kul ir-ross bil-labra.
Meta ma tleħħaqx mal-għoli tal-ħajja ibża’ għall-flus.
Fil-ħjieġ u d-diqa tinħall il-biqa.
Min m’għandux flus ma jaħlix. Il-biqa hija l-ħasil tal-ħaxix.
Fil-qorti r-rebbieħ tellief.
Tiftaħ kawża l-qorti tant fiha spejjeż li jekk tirbaħha xorta tkun tlift ħafna flus.
Flusek mitraħ tax-xewk.
Il-flus iġibuk f’inkwiet kbir. Mitraħ huwa saqqu.
Flusi mhux tal-ġild.
Tapprezza l-valur tal-flus meta tkun ħdimt għalihom.
Ftit drabi ftiehmu d-dejjien u l-midjun.
Nies li għandhom ideat opposti diffiċli jiftiehmu.
Geddumu fix-xgħir, ma jiftakarx f’meta kien fqir.
Issa li stagħna, nesieh iż-żmien fejn kien fqir u m’għandux simpatija għal ħaddieħor. Jekk ix-xgħir jikber u jasal sa geddumek, mela għandek il-ġid.
Għad li marru l-ħwietem baqgħu s-swaba’.
Ma jimpurtax jekk spiċċajt bla flus, erġa’ ibda aħdem għalihom. Il-ħwietem huma ċ-ċrieket.
Għal min hu baħħ, aħjar iff inkella aħħ.
Min m’għandux jew ma jridx jonfoq flus (= baħħ), aħjar jeqred bis-sħana (= iff) milli bil-bard (= aħħ), għax il-ħwejjeġ jiswew il-flus.
Għal min tagħmel tajjeb ħallas.
Ladarba tkun ħadt deċiżjoni, jeħtieġ li tkun responsabbli u żżomm magħha.
Għall-fqir il-qamar musbieħ u l-basal tuffieħ.
Hemm min tant m’għandux biex li lanqas il-bażiku bħad-dawl (il-musbieħ) u l-ikel (it-tuffieħ) ma jaffordja.
Għall-għera u għall-għar il-fqir jitrekken id-dar.
Min m’għandux flus jippreferi ma jurix billi ma joħroġx fid-deher. L-għera tissimbolizza l-faqar u għar tfisser mistħija.
Ġimgħa bla ħlas, ġisem bla ras.
Kulħadd jistenna li jitħallas ta’ xogħlu, bla paga ma tgħixx.
Ħabib il-but.
Ibża’ għal butek, tberbaqx flus.
Ħadd ma jkollu borża flus għat-telf.
Ħadd ma jagħmel apposta biex jitlef flusu.
It-tajjeb ħallas għalih.
Jeħtieġ li tħallas il-flus jekk trid il-kwalità.
Ħajja dejjem imxuma aħjar il-mewt minnha.
Aħjar tmut milli tgħix fil-miżerja. Imxuma tfisser miżerabbli.
Ħallas illum u ddejjen għada.
Xi nies jonfqu kulma jkollhom mingħajr ma jaħsbu fil-ġejjieni.
Ħlas bil-meher u t-tiġbid jieħu qligħ l-imgħax.
Jekk sellift il-flus qis li jħallsuk l-imgħax (= l-interessi) ukoll, u taċċettax l-iskużi ta’ min joqgħod iġebbed u jgħidlek li se jħallsek wara (=bil-meher).
Bix-xogħol ħotba tagħmel.
Hemm xi wħud li b’xogħolhom xorta waħda ma jleħħqux mal-ħajja, u jkollhom jaqilgħu l-flus minn xogħlijiet oħrajn.
Ħmar imgħobbi bil-flus imur bihom fil-miżbla fejn hu mdorri.
L-injorant ma jafx jiddistingwi bejn x’inhu ta’ valur u x’mhux.
Ħmar taqilgħu tikxiflux snienu biex tara kemm snin għandu.
Jekk xi ħadd għoġbu jagħtik xi ħaġa bla ħlas, irringrazzjah u toqgħodx tistaqsih ħafna mistoqsijiet dwarha.
Ħobż tax-xgħir, għasel f’dar il-fqir.
Min m’għandux flus ikollu jikkuntenta bi ftit.
Ħsieb il-fqir qatt ma jsir.
Min huwa fqir ma jista’ jippjana xejn, għax m’għandux mezzi.
Ibża’ għas-sold u ma tiġix fil-bżonn.
Min ma jberbaqx flusu jsibhom.
Id fl-ilma ma tagħdirx id fin-nar.
Min huwa komdu fil-flus ma jagħdirx lil min forsi iżjed batut.
Id-dar bħall-knisja, dejjem jonqosha.
Biex jinżammu fi stat tajjeb, id-djar u l-knejjes jeħtieġu ħafna flus.
Għajjur f’iklu, għajjur f’xogħlu.
Biex taqla’ x’tiekol trid taħdem u tistinka.
Id-dejn tħallsu darbtejn.
Id-dejn jiġi jiswiek ħafna fuq żmien twil.
Għajnejn sidha jimlewlha żaqqha l-baqra.
Kulħadd iqis li xogħlu jiswa ħafna flus.
Ilbieraħ ibigħ il-marinat u llum ta’ abbet għax it-trovatura sab.
Hemm min jirnexxilu jagħmel suċċess biż-żmien. Abbet tfisser sinjur u trovatura tfisser teżor.
Il-faqar iġib l-ulied fil-għaqar.
Min hu fqir ikompli jiftaqar. Għaqar tfisser miżerja.
Il-flus dominanti u lill-għorrief jagħmluhom injoranti.
Il-flus lil kulħadd jagħmew, anke lin-nies intelliġenti.
Il-flus fis-senduq merfugħa għall-ħalliel, u mħaddmin jagħtu l-għeliel.
Il-flus agħmel xi ħaġa utli bihom, terfagħhomx id-dar. Għeliel huma interessi.
Il-flus għandhom iċ-ċirku u għalhekk jaqbdu n-niżla.
Il-flus malajr jisparixxu malli tibda tonfoqhom.
Il-flus għandhom iċ-ċirku u malajr jaqbdu n-niżla.
Il-flus malajr jisparixxu malli tibda tonfoqhom.
Il-flus għandhom il-ġwienaħ.
Il-flus malajr jisparixxu malli tibda tonfoqhom.
Il-flus huma l-ħbieb tal-ħalliel.
In-nies ħżiena dejjem ikollhom iżjed flus min-nies twajba.
Aħjar taqta’ int jew jaqtgħulek.
Aħjar issolvi kwistjoni barra mill-qorti biex ma teħilx flus żejda jekk ikollok tort.
Il-flus huma mitraħ tax-xewk.
Il-flus iġibuk f’inkwiet kbir. Mitraħ huwa saqqu.
Il-flus huma passaport għall-infern.
Il-flus iġibuk f’inkwiet kbir. Mitraħ huwa saqqu.
Ħidma għal Alla ma titħallasx.
Azzjoni tajba kif irid Alla ma tistax titħallas bi flus materjali.
Aħjar tiswija ħażina milli sentenza tajba.
Aħjar issolvi kwistjoni barra mill-qorti biex ma teħilx flus żejda jekk ikollok tort.
Il-flus iġibu l-flus, u l-qamel iġib il-qamel.
Min għandu l-flus jista’ jagħmel li jrid, u min m’għandux jibqa’ b’xejn.
Il-flus imorru u jiġu.
Jekk titlef il-flus, dejjem tista’ terġa’ taħdem għalihom.
Aħjar mara ta’ baħri milli ta’ raġel jistad għall-kaħli.
Mara ta’ baħri kien ikollha iżjed xi troxx, peress li s-sajjied tal-kaħli mhux dejjem kien jaqbad ħafna ħut.
Il-flus isiru jew b’rebħa, jew b’xi wirta, jew b’xi sejba.
Issir sinjur huwa diffiċli ħafna sakemm ma tirbaħx xi lotterija, tiritx lil xi ħadd jew issibx il-flus xi mkien.
Il-flus jagħmlu l-flus u d-dud jagħmel id-dud.
Min hu għani jkompli jistagħna u min hu fqir ikompli jiftaqar.
Biex trabbi l-flieles trid it-tlieles.
Biex trabbi t-tjur trid ħafna flus. Tlieles huma xkejjer kbar.
Bil-ħabba l-ħabba tikber u titrabba.
Min jitwieled f’familja mhux tal-flus irid jagħmel iżjed sforz biex fis-soċjetà jsib postu.
Il-flus jagħmlu l-flus, u d-dud jagħmlu d-dud.
Min għandu l-flus jista’ jagħmel li jrid, u min m’għandux jibqa’ b’xejn.
Bl-ulied kollha jaqilgħu xi sold, il-missier jista’ jibni fil-fond.
Il-paga tal-ulied isservi wkoll għall-familji li jbatu finanzjarjament.
Il-flus la jgħajtu u lanqas iwerżqu.
Qatt ma tista’ tkun taf dak li jkun kemm għandu flus, jew kemm hu bniedem twajjeb.
Il-flus ma ssibhomx fit-triq.
Il-flus trid taħdem għalihom.
Ħobż il-fqir gerbubi u trid tiġri biex tilħqu.
Min ma jaqlax biżżejjed flus diffiċli jgħajjex il-familja. Gerbubi tfisser tond.
Dar ġdida ikriha lill-għadu tiegħek.
Trid ħafna flus biex timla dar ġdida.
Il-flus mhumiex kollox.
Il-kuntentizza tiegħek m’għandhiex tkun marbuta mal-flus.
Ċafċaflu papru la sibt l-ilma.
Fejn m’hemmx dixxiplina jkun hemm abbuż wara abbuż, bla rażan.
Il-flus mhumiex ta’ min jagħmilhom, iżda ta’ min igawdihom.
Avolja jkollok il-flus, trid tkun taf tgawdihom.
Dik il-ġezza ma tiġix minn dik il-mogħża.
Ħadd ma jagħmel xogħol bla ħlas.
Il-flus qegħdin biex tonfoqhom.
Avolja jkollok il-flus, trid tkun taf tgawdihom.
Fardgħalla għoli f’xogħlu.
Ir-raba’ b’wiċċ wieħed biss fis-sena (= fardgħalla) ma ddaħħalx flus minnu.
Il-flus u l-qdusija t-tnejn moħbija.
Qatt ma tista’ tkun taf dak li jkun kemm għandu flus, jew kemm hu bniedem twajjeb.
Il-flus u t-tjieba t-tnejn giddieba.
Qatt ma tista’ tkun taf dak li jkun kemm għandu flus, jew kemm hu bniedem twajjeb.
Il-flus urihom id-dlam biex juruk id-dawl.
Kun bil-għaqal biex meta tiġi bżonn il-flus issibhom.
Fart meżmieżi jew taqtgħu jew jaqtgħek.
Il-bhejjem tal-ifrat li ma jiklux ma jismnux, u ma ddaħħalx flus minnhom.
Il-flus żerriegħa rqiqa, ma ssibhomx f’idejk.
Il-flus malajr jisparixxu malli tibda tonfoqhom.
Il-fqir dejjem ilħiħ.
Il-fqir dejjem għandu bżonn min jgħinu. Ilħiħ tfisser rgħib.
Għall-ħwietem u għall-imsielet baqgħet bla ma kielet.
Xi nisa jaslu li jagħmlu minn kollox għall-flus. Il-ħwietem huma ċ-ċrieket.
Il-fqir dejjem irid.
Il-fqir dejjem għandu bżonn min jgħinu.
Fejn hemm is-susa, il-ġlied ma jonqosx.
Meta l-morali tas-soċjetà jibdew jiddgħajfu, jinqala’ l-inkwiet.
Il-ħalliel ma jneżżax għarwien.
Min m’għandux flus ma jistax jgħin lil min għandu.
Il-fqir kollox jara kbir.
Għall-fqir kollox jiswa wisq flus.
Il-ġuħ iqabbeż lil kulħadd.
Meta ma jkollokx biex tixtri mqar x’tiekol, minn kollox tagħmel.
Il-ġuħ itejjeb il-ħobż.
Meta tkun nieqes minn xi ħaġa, tapprezza ħafna iktar meta tasal.
F’marqad il-mogħoż ma ssibx sbul.
Min ma tantx għandu biex jgħaddi m’intix se ssiblu lussu.
Frott tajjeb, suq ħażin.
Aktar kemm jagħmel frott u jkun tajjeb, inqas iddaħħal flus tiegħu.
Il-ħela jfaqqar.
Min jaħli l-flus ikun qed jiftaqar.
Il-ħitan tal-ħaġar lebsin u l-iġsma għarwenin.
Jekk tberbaq flusek f’affarijiet bla bżonn, tispiċċa lanqas flus għall-bażiku ma jifdallek.
Il-ħlas bil-meher u t-tiġbid jieħu l-qligħ, l-imgħax u l-ġid.
Jekk sellift il-flus qis li jħallsuk l-imgħax (= l-interessi) ukoll, u taċċettax l-iskużi ta’ min joqgħod iġebbed u jgħidlek li se jħallsek wara (=bil-meher).
Il-ħobż artab biex tieklu, iżda iebes biex taqilgħu.
Biex taqla’ l-flus diffiċli, iżda biex tonfoqhom faċli ħafna.
Il-ħobż iebes jew is-sikkina ma taqtax.
Min ma jaqlax biżżejjed flus ma jistax jgħix komdu.
Il-ħobż tal-fqir iebes.
Min m’għandux flus jgħix ħajja ta’ tbatija.
Il-ħofra aktar ma tqatta’ minnha aktar tikber.
Aktar kemm tberbaq flus, aktar tiftaqar.
Il-kera jorqod miegħek u jqum qablek kuljum.
Il-kera aqbad u ħallasha biex ma jkollokx dejn.
Il-knisja qattara tieħu kemm tieħu qatt ma tara.
Il-knisja dejjem bżonn il-flus għall-manutenzjoni.
Ħrit bil-ħmar ma jagħtix sandar, ħrit bil-baqra jimla l-andar.
Meta l-bidwi jaħdem l-għalqa bil-baqra jaqla’ iżjed flus milli meta jaħdimha bil-ħmar, għax il-baqra iżjed b’saħħitha.
Il-midneb wara li jiekol jibred.
Min jibda mix-xejn u jagħmel suċċess, hemm ċans li jitlagħlu għal rasu u jitkabbar. Jibred hawn tfisser li ma jibqa’ jimpurtah minn xejn.
Ħut ta’ bla rjus fis-suq iġib il-flus.
Fl-istaġun tal-lampuki (jiġifieri f’Settembru u Ottubru) il-ħut iż-żgħir ikun imfittex u jġib il-flus.
Id-dar żgħira u l-qalb kbira.
Min m’għandux ħafna flus ikun umli u jkollu qalbu tajba.
Il-miġwieħ dejjem bla xaba’.
Min ma jkollux biex dejjem jonqsu xi ħaġa.
Il-prużuntuż għandu nofs flusu fil-kus.
Min jagħtih wiċċu jagħmel iżjed flus minn min joqgħod jistħi. Kus tfisser karus.
Is-sħana tax-xemx ma tgħallix patata.
Il-flus trid tbati u taħdem għalihom, bil-ftit ma jsir xejn.
Il-qies aqwa mill-qligħ.
Għalxejn taqla’ ħafna flus biex imbagħad tberbaqhom kollha.
Il-mara għad-dnub imdawra, m’għonqha dejjem imġawhra.
Prostituta kemm trid issib klijenti u b’hekk dejjem ikollha l-flus.
Imut il-għani, imut il-fqir u t-tnejn għal ġewwa l-bir.
Ikollok kemm ikollok flus, kulħadd iddestinat li jmut. Il-bir jirreferi għall-qabar.
Ibża’ mill-fqir li jsir sinjur u mill-qaħba li tiġbor l-unur.
Min jagħmel suċċess ikun bata u minħabba f’hekk, iwebbes qalbu.
Is-siba kien u jkun, imma l-ħlas fl-aħħar irid ikun.
Għalxejn tippostponi d-djun li għandek, xi darba jew oħra jridu jitħallsu. Siba (bl-aċċent fuq it-tieni sillaba) tfisser ħlas li jasal aktar tard.
Is-siegħ imlieh u li jibqa’ aħlih.
Trid l-ewwel tara kif ser tagħmel il-flus biex ikollok il-lussu tberbaqhom. Siegħ huwa unità ta’ kejl tal-art (~187.4 m2).
Is-sieqja tajba iżda l-bir miksur.
Il-ġenituri, speċjalment dawk stabene, jafdaw wisq flus f’idejn uliedhom u jonfquhom bl-addoċċ, bħal bir li ma jżommx ilma.
Is-silla kibret u l-ħmar tiegħi ma jsibx jirgħa.
Għal xi nies sfortunati, ta’ madwarhom ifuru bil-ġid u huma jibqgħu b’xejn.
Il-familja dejjem trid.
Biex trabbi familja spejjeż kbar.
Is-sinjur imutulu t-tfal u l-fqir imutlu l-ħmar.
Dari min ma kellux flus u kien imutlu l-ħmar, kienet xi ħaġa kbira - daqslikieku mietlu tifel. Normalment, is-sinjuri kienu jmutulhom it-tfal.
Il-mara mżejna minn butha mdejna.
Mara responsabbli ma tberbaqx flus.
Ix-xebgħan ma jagħdirx lill-ġewħan.
Min għandu ħafna flus (= ix-xebgħan, imxebba’ minn kollox) ma jagħdirx lil min m’għandux (= il-ġewħan, bil-ġuħ).
Ix-xewqat ma jimlewx il-but.
Bix-xewqat ma taqlax flus.
Ix-xita fil-baħar tinżel.
Aktar kemm ikollok flus, aktar tidħaqlek ix-xorti.
Il-mara ta’ fqajjar qatt ma tmur tittajjar.
Mara li trid tieħu ħsieb familja fqira m’għandhiex ċans għall-frivolitajiet.
Iż-żaqq ma fihiex ħġieġ.
Jekk trid ma tonfoqx ħafna flus l-ikel, ħadd mhu se jinduna.
Iż-żaqq tal-bniedem hija ħela.
Tonfoqx iżżejjed fl-ikel.
Iż-żaqq tieħu li tagħtiha.
Tonfoqx iżżejjed fl-ikel.
Miġja ta’ nutar, tajjeb jew ħażin, iġġib l-aħbar.
Dari n-nutar kien imur fid-dar tan-nies, u l-miġja tiegħu kienet tkun tfisser li ser jiġri xi ħaġa kbira, bħal xi wirt, testment, kuntratt, eċċ.
Jekk m’għandekx żejt fid-dlam torqod.
Bħalma jkollok id-dlam jekk ma jkunx hemm żejt fil-lampa, l-istess jiġrilek meta tkun bla flus.
Jekk min jinseġ iżomm il-miċċa, jitwi l-biċċa.
Meta tishar (= taħdem overtime) taqla’ iżjed flus. Miċċa hija ftila.
Jekk milli għandek tħalli, int qatt ma tista’ tfalli.
Jekk iġġemma’ l-flus u ma tberbaqx kollox, issibhom wara.
Il-mara tal-kaċċatur hi bħall-mara tal-furnar, bi driegħ wieħed.
Il-mara kemm tal-kaċċatur kif ukoll tal-furnar dejjem nieqsa mill-flus.
Jiekol bir-riħa u jħallas biċ-ċekċik.
Min ix-xogħol ma jagħmlux sew, ma jaqlax flus.
Jekk ta’ xejn aħslu u erfgħu.
Ħadd ma jagħmillek biċċa xogħol bla flus.
Il-mara tas-sajjied tagħġen b’id waħda, tas-suldat ma tagħġen xejn.
Il-mara tas-suldat tbati iżjed fil-flus mill-mara tas-sajjied.
Il-mara tgħabbi daqs bagħal, ir-raġel jimla daqs għar.
Sabiex il-mara jkollha x’tonfoq, ir-raġel irid ibati f’xogħlu.
Jekk tagħmel il-kont, il-borma ma ssajjarx.
Ma tridx tagħti kas kemm tonfoq fl-ikel, għax jiswa ħafna flus.
Min jagħmel għal żaqqu jbigħ xaqqu.
Min jipprostitwixxi ruħu jitlef ġieħu (= xaqqu) kollu.
Jekk tbigħ il-baqra ma tiħux ħalib.
Jekk titlef dak li jrendilek il-flus, ma jifdallek xejn.
Kollox sewwa sakemm il-ħobż ikun id-dar.
Sakemm għandek xogħol li qed iqallgħek x’tiekol, m’hemmx problema.
Jekk tħares lejn il-qamar u tmiss il-flus tul għomrok dejjem tbus.
Superstizzjoni fejn dari kienu jemmnu li jekk tħares lejn il-qamar u tmiss il-flus issib l-imħabba ta’ ħajtek.
Jekk tixtri kulma tara, iżżarma l-għamara.
Kun bil-għaqal u ibża’ għal flusek, għax xi darba jispiċċaw.
Jekk trid tirkeb ixtri bhima.
Irid ikollok il-flus biex tmexxi fil-ħajja.
Jew iftaħ biebek u ftaħar, jew agħlqu u nsatar.
Jekk se tagħmel xi ħaġa, onfoq il-flus u agħmilha sew inkella tagħmel xejn.
Jew iftaħ idejk u ftaħar, jew agħlaqhom u nsatar.
Jekk se tagħmel xi ħaġa, onfoq il-flus u agħmilha sew inkella tagħmel xejn.
Il-leħja tas-sinjur f’idejn is-seftur.
Dawk li jaħdmu għal min hu mleħħaq u sinjur igawdu wkoll.
Jew il-ħobż iebes jew is-sikkina ma taqtax.
Min ma tantx għandu flus, diffiċl jgħix komdu.
Kejjel il-borġ u ibża’ għall-għarma.
Aħdem kemm tiflaħ biex taqla’ l-flus iżda ibża’ għalihom. Borġ tfisser torri u għarma tfisser munzell, b’referenza għall-flus.
Kellu s-sħiħ u għamlu riħ.
Berbaq flusu kollha.
Bena u għalla, mar u ħalla.
Wara l-mewt, ikollok kemm ikollok trid tħallih warajk.
Kollox tajjeb u dritt dak li għal butek imidd.
Meta jkun hemm il-flus u l-interessi personali involuti, il-morali kollha jitwarrbu.
Faddal għal meta tixjieħ.
Faddal il-flus biex la tirtira ssibhom.
Kull min għandu ta’ Bulebel, id-dinja tagħtih widen.
Min għandu l-proprjetà u l-flus ikollu r-rispett tan-nies. Ta’ Bulebel tirreferi għall-proprjetà.
Faddal is-sold u onfoq lira, basta tkun ġa għażilt il-ħanina.
Tieġ jiswa ħafna flus u għalhekk jeħtieġ li tfaddal għalih.
La tislifx lil min ma tistax tħarrek għax tinħan.
Issellifx flus lil min taf li ma jistax iroddhomlok lura, lanqas jekk tiftaħlu kawża l-qorti.
La tislifx lil min ma tistax tħarrek għax titqarraq.
Issellifx flus lil min taf li ma jistax iroddhomlok lura, lanqas jekk tiftaħlu kawża l-qorti.
La twaħħalx musmar f’dar is-sultan.
Tagħmilx xogħol f’post li tkun qed tikri, għax xejn ma tgawdi minnu u l-flus li tkun infaqt.
Min jislef jitlef.
Meta tislef oġġett jew il-flus lil xi ħadd, tistenniex li se jroddhomlok lura malajr jew fl-istess stat tajjeb li tkun slifthulhom int.
Fiż-żwieġ min ifittex il-ġmiel u min ifittex il-miel.
Hemm min jiżżewweġ għad-dehra u hemm min jiżżewweġ għall-flus (= il-miel).
Labra f’dar l-għaref aħjar mid-deheb.
Dari, min kien jaf iħit kien jiffranka flus mhux ħażin.
Fittxu ħuduh ’il barra ħalli naqsmu dak li ħalla.
Il-werrieta ta’ min għandu l-flus, minflok jibkuh, jifirħu għaliex ser jirtuh.
Fiż-żwieġ tfittixx is-sorra, fittex xebba fqira u ħorra.
Fiż-żwieġ għandek tfittex l-onestà mhux il-flus. Is-sorra tfisser il-flus u ħorra tfisser onesta.
L-għaks f’dar il-fqir kwadri indurati.
Meta jkollok xi problema kbira jew serja, malajr issib mod kreattiv biex issolviha.
F’mewt ix-xiħ bħal fi dbiħ il-ħanżir; il-werrieta ferħana se jtiru.
Il-werrieta tax-xiħ, minflok jibkuh, jifirħu għaliex ser jirtuh. Dbiħ tfisser qtil.
L-għaks jiżrob il-qalb.
Il-faqar iġib id-dwejjaq. Jiżrob ġejja minn żarab, li tfisser opprima.
Ir-raġel ġiebja u l-mara sieqja.
Ir-raġel jaħdem għall-flus u l-mara tberbaqhom.
F’mewt ix-xiħ flok biki jkun hemm żfin.
Il-werrieta tax-xiħ, minflok jibkuh, jifirħu għaliex ser jirtuh.
L-għani u l-fqir jeħtieġu ’l xulxin.
Is-sinjur jagħmel il-flus bis-saħħa tax-xogħol ta’ min għandu inqas, u min għandu inqas jaqla’ l-flus bis-saħħa tas-sinjur.
L-għażżien xogħlu għali.
Min jevita x-xogħol jispiċċa jgħaddi minn iżjed tbatija għax ix-xogħol ma jkunx għamlu sew mill-ewwel.
L-għani u l-ħanżir jitwieżnu fid-debħa.
Qatt ma tista’ tkun taf eżatt kemm għandu flus xi ħadd qabel mewtu, bl-istess mod li ma tistax tkun taf kemm se ddaħħal flus minn ħanżir qabel toqtlu. Debħa hija l-qatla.
L-għaqal flus u ma ġġibux bil-flus.
Jekk tkun bil-għaqal taqla’ l-flus, iżda l-għaqal ma tixtrihx bil-flus.
L-għaqal għandek u l-flus għandi, u biż-żmien għad teħodhomli.
Jekk tkun bil-għaqal taqla’ l-flus, iżda l-għaqal ma tixtrihx bil-flus.
It-tfal ikilhom ġbara u lbieshom ħsara.
Biex titma’ u tlibbes lit-tfal trid ħafna flus.
L-għażż missier il-faqar.
Min hu għażżien u bla ħeġġa jbati ħafna u jgħix fil-bżonn u fil-faqar.
L-imgħax itajjar in-ngħas.
Tagħmel iżjed kuraġġ fix-xogħol meta tara l-flus deħlin.
Li fis-sajf iġġorr in-nemla, fil-ħarifa tkaxkru l-ħamla.
Inti taħdem u tistinka biex tfaddal, u l-membri ingrati ta’ familtek iberbqulek kollox. Il-ħamla huwa dak kollu li jġorr miegħu l-ilma meta tagħmel ħafna xita.
Li ġġorr in-nemla tieklu l-ħemla.
Inti taħdem u tistinka biex tfaddal, u ħaddieħor iberbaqlek kollox. Il‑ħemla huwa dak kollu li jġorr miegħu l‑ilma meta tagħmel ħafna xita.
Li jonqos fil-qadd imur fiż-żaqq.
Min m’għandux flus irid jagħżel bejn jixtri x’jiekol u jixtri x’jilbes.
Libes żarbun f’daqqa u għandu karkur imraqqa’.
Sar sinjur f’daqqa waħda u issa donnu tilef moħħu.
L-iblah u flusu malajr jinfirdu.
Min hu iblah, iberbaq il-flus bl-addoċċ.
L-ikel ma jiġix mix-xejn.
L-ikel bil-flus jinxtara, u trid taħdem għalihom.
Lill-fqir tikrilux bil-gallarija.
Tistenniex affarijiet mingħand min taf li ma jistax jagħtihomlok, bħal min ma jiflaħx iħallas kera għolja.
Il-kliem żejjed qatt ma sewa flus.
Il-paroli fil-vojt ma jiswa xejn u ħsara biss jagħmel.
L-ilma fil-bir ma jaqtax l-għatx.
Min hu finanzjarjament batut għandu bżonn l-għajnuna, imqar biex jixtri x’jiekol u jixrob.
L-imgħakkes fqajjar, dak li fuqu senduqu.
Min m’għandux flus ma tantx għandu affarijiet oħra.
Iż-żgħir qatt ma jaħseb tajjeb fil-kbir.
Dawk li fis-soċjetà jgħixu modestament jew m’humiex imlaħħqin dejjem jaħsbu ħażin f’min għandu ħafna flus jew ikun imlaħħaq.
L-irħis għali.
Ixtri oġġett ta’ kwalità tajba u li jservi, għax tispiċċa tonfoq iżjed flus biex tibdel oġġett ta’ kwalità inferjuri li jinkiser mill-ewwel.
Ix-xemx issaħħan imma l-ebda borma ma tgħalli.
Trid taħdem u tistinka biex taqla’ l-flus.
Jekk ir-raġel jikxef karusu, il-mara tieħdu għal flusu.
Ir-raġel m’għandux juri lill-mara kemm għandu flus qabel jiżżewwiġha.
Id-destin ma tixtrihx b’karlin.
Id-destin tiegħek ma taħarbu b’xejn. Karlin huwa munita li kienet tintuża fi żmien l-Ingliżi.
Jekk jiena nibni kulħadd iweġibni.
Meta jkollok il-propjetà, ifisser li inti tal-flus u n-nies jibdew jirrispettawk iżjed.
L-ixkupi mill-ġummar isiru.
Imbilli titwieled f’ambjent ta’ faqar ma jfissirx li ma tistax tirnexxi xorta waħda fil-ħajja. Il-ġummar huwa tip ta’ siġra, Chamaerops humilis.
Il-paga għall-pjaga.
Il-paga mhix isservi biex il-familja tgħix komda.
Iż-żaqq bil-ħobż timtela.
Il-familja titmagħha bil-ħobż u l-ikel tajjeb, għalhekk jeħtieġ li tkun bil-għaqal u ma tberbaqx flusek.
Mal-ewwel tisfira ħalli t-tifkira.
Dari l-prostituti kien ikollhom raġel magħhom li malli jsaffrulu, jieħu ħsieb li l-klijent li jkun ħiereġ ikun ħallas. Tifkira tirreferi għall-flus.
But il-fqir ogħna minn rajh.
Min huwa b’edukazzjoni baxxa u m’għandux ħafna flus jispiċċa jonfoq aktar flus milli jdaħħal.
Min ma jgħixx bil-ftit, ma jgħixx bil-wisq.
Min mhux kapaċi japprezza l-affarijiet iż-żgħar, mhux kapaċi japprezza l-affarijiet il-kbar.
Marru ċ-ċrieket iżda baqgħu s-swaba’.
Ma jimpurtax jekk spiċċajt bla flus, erġa’ ibda aħdem għalihom.
Min iħabrek jaqlagħha.
Min jaħdem u jistinka jitħallas tajjeb ta’ xogħlu.
Marru l-ħwietem iżda baqgħu s-swaba’.
Ma jimpurtax jekk spiċċajt bla flus, erġa’ ibda aħdem għalihom. Il-ħwietem huma ċ-ċrieket.
Mejda tajba, testment ħażin.
Min jonfoq il-flus li jkollu, lill-werrieta tiegħu ma tantx iħallilhom.
Min irid igawdi jeħtieġ l-ewwel ibati.
Biex tgawdi trid taħdem u tistinka.
Faqar il-but minn faqar il-moħħ.
Il-bniedem injorant qatt ma jagħmel il-flus għax moħħu ma jasalx.
Meta għandek kulħadd jafek; meta m’għandekx kulħadd jinsiek.
Meta jkollok il-flus kulħadd irid ikun ħabib tiegħek, u meta ma jifdallek xejn kulħadd jabbandunak.
Min irid il-bajd frisk, ikollu jbati t-tlaqliq tat-tiġieġ.
Biex tgawdi trid taħdem, tistinka u tieħu paċenzja.
Min irid il-lillu jishar.
Biex tgawdi trid taħdem, tistinka u tieħu paċenzja. Jishar tfisser jaħdem overtime.
Meta l-bir ikun miksur, l-ilma fih jintilef u jmur.
Mhux biżżejjed li taqla’ l-flus, trid tkun kapaċi ma tberbaqhomx.
Iz-zalza ogħla mill-ħut.
Dak li qed tipprova tagħmel fih wisq spejjeż u ma jaqbillekx tagħmlu.
Min twiegħdu tagħmlu jsilek.
Oqgħod attent għax dak li twiegħed jorbtok. Isilek tfisser ikun il-kreditur tiegħek.
Meta l-missier jagħmel Karnival, l-ulied jagħmlu r-Randan.
Meta l-missier ma jkunx bil-għaqal fil-flus, tbati l-familja kollha.
Meta l-qarnita ma ssibx aktar x’tiekol, iddur għal subgħajha.
Min ma jibqagħlux flus, ikollu jieħu minn ġewwa biex ikampa.
Ma jistax ikun il-bettija mimlija u l-mara sakrana.
Ma jistax ikollok il-flus fil-but u tberbaqhom fl-istess ħin.
Meta tikkoppa l-bozza, l-għani bir-rota u l-bidwi bil-kabozza.
Min għandu l-flus dejjem jgħix iżjed komdu minn min m’għandux. Il-bozza hija kontenitur tas-silġ li jkessaħ l-ilma jew l-inbid, u kabozza hija għamla ta’ kowt.
Meta tuża l-ħajta, qis li tkun tidħol f’ras il-labra.
Ara li tkun tiflaħ għall-ispiża li tkun dieħel fiha; b’mod ġenerali, ara li dak li tkun ser tagħmel tassew kapaċi għalih.
Meta x-xott jixxarrab malajr jinxef.
Min hu fqir bil-ftit għajnuna li jingħata xorta ma jgħaddix.
Mhux billi twaħħal l-ixkaffa, trid tqiegħed il-ħobż fuqha wkoll.
Għall-għamara u t-tiżjin fid-dar ukoll irid ikollok il-flus.
Mhux min jiftaħar għandu l-flus.
Min għandu tassew il-flus, ma jippruvax jimpressjona bil-ftaħir għax m’għandux għalfejn.
Midd riġlejk skont friexek.
Qis li tkun tiflaħ tħallas għal xi ħaġa qabel ma tintriga biha.
Aħjar is-saħħa mill-flus.
Is-saħħa ma tixtrihiex bil-flus.
Miet in-naħal u spiċċa l-għasel.
Meta s-sors li minnu taqla’ l-flus jispiċċa, ma taqlax iżjed flus.
Min jerfa’ l-qatta qatt ma għandu biex jitgħatta.
Min jagħmel xogħol mhux imħallas tajjeb ma jgħixx komdu.
Aħjar tħallas lill-furnar milli lit-tabib.
Dejjem aħjar tonfoq flusek fl-ikel milli biex tmur għand it-tabib.
Mill-flus u mill-qdusija trid taqta’ ħamsin fil-mija.
Min jiftaħar bi flusu jew jilgħabha tal-qaddis temmnux, għax l-apparenza tqarraq bik.
Mill-imderri u mill-mitluf kulma tiġbor mirbuħ.
Jekk għandek tiġbor xi flus li tkun sellift, iġborhom illum qabel għada għax fil-futur jaf ma ssibhomx. Imderri tfisser imferrex.
Mill-mitluf ħu li tista’.
Jekk tkun qed titlef il-flus, qis li ssalva li tista’.
Mara li trabbi t-tjur, għall-kexxun iddur.
Mara li trabbi t-tjur, ftit li xejn kienet taqla’ flus.
Li taqla’ għalik u li tfaddal għat-tfal.
Trid tkun lest biex lil uliedek tagħtihom għajnuna finanzjarja meta jiġu bżonnha. Fuq kollox, huma jirtuk wara mewtek.
Min dari jagħti miet; baqa’ Qanċiċu li lanqas jagħti rmied.
Min kien imexxi qabel kien joħroġ iżjed flus minn dan ta’ bħalissa, li jqanċeċ biss. Dari tfisser qabel.
L-art tagħti kemm tagħmel magħha; ġid, hena u fuq kollox is-saħħa.
Il-bdiewa li jafu jaħdmu l-art igawdu sew; huma jittrattaw l-art tajjeb, u l-art tittrattahom tajjeb ukoll.
Min għandu jiswielu u min m’għadnux jibdielu.
Min m’għandux flus ma jkampax. Jibdielu jiġifieri jiddispjaċih.
Kemm hu iblah dak li lill-mara qabel il-waqt jikxfilha l-qargħa.
Raġel m’għandu qatt juri lill-mara kemm għandu flus qabel jiżżewweġ, biex me teħdux għall-flus. Il-qargħa tirreferi għall-kaxxa tal-flus.
Min għandu l-bżar ħa jroxxu fuq il-kromb.
Min għandu l-flus jiflaħ jagħmel il-kapriċċi kollha li jrid. Bżar jirreferi għad-demel.
Miskin, fqir u għakkar, u jrid iniggeż il-ħmar.
Qiegħed f’sitwazzjoni ħażina u xorta waħda jdejjaq lil ħaddieħor.
L-ilma tal-ħabel imur mal-ħabel.
Il-bdiewa qatt ma jaqblilhom iqabbdu lil ħaddieħor biex isaqqilhom l-għelieqi, għax tiġihom wisq għolja. Ħabel jiġifieri għalqa.
Min għandu l-flus għandu kollox.
Bil-flus tagħmel il-kapriċċi kollha li trid.
Min għandu tista’ tgħix miegħu.
Min għandu l-flus ikun jista’ jgħinek, tagħmlux l-għadu tiegħek.
L-isfiqa fil-but tajba.
Il-bidwi jkollu l-abbundanza u jagħmel kemxa flus ġmielha meta jħawwel u jiżra’ viċin xulxin.
Jekk il-pest irid fils minnek, tnejn agħtih inkella jieħdok.
Żomm ’il bogħod minn min iħobb jaqla’ l-inkwiet. Pest hija l-marda tal-pesta u fils huwa tip ta’ munita antika.
Min għandu ż-żejt ma jorqodx fid-dlam.
Min għandu l-flus ma jbatix, bħal min dari kien ikollu ż-żejt biex jixgħel il-lampa meta jidlam qabel daħlet il-luċelettrika.
L-użu tal-fies jiswa biex titma’ u tlibbes in-nies.
Jeħtieġ taħdem u tistinka għall-ġid tal-familja.
Min ifaddal isib.
Min ikun bil-għaqal u jfaddal il-flus, isibhom meta jiġi bżonnhom.
Id-duwa ogħla mix-xahar.
L-għajnuna soċjali li jagħti l-gvern kull xahar jaf ma tkunx biżżejjed biex tkopri l-ħtiġijiet ta’ min m’għandux ħafna flus. Duwa tfisser mediċina.
Min iħallas biċ-ċekċik jiekol bir-riħa.
Min iħallas ftit m’għandux jistenna oġġett jew servizz ta’ kwalità tajba.
Alla meta ħalaq il-flus qal: “Se noħloq ħaġa egħżeż minni!”
In-nies jagħmew bil-flus u jinsew lil Alla.
Min iħarbat u jqatta’ ma jibqagħlux biex jitgħatta.
Min iħarbat il-flus ma jsibhomx meta jiġi bżonnhom u jbati.
Lill-furnar ħobża islifhielu, għax jekk ma jroddhilekx issib kif teħodhielu.
Tħabbeb ma’ min għandu l-flus jew l-awtorità, tmur minn fuq tista’.
Il-mewt ma tinxtarax.
Kulħadd irid imut, sinjur u fqir.
Mara ta’ sultan dejjem tispiċċa fi ħdan.
In-nisa ta’ min hu sinjur dejjem jaqgħu fit-tentazzjoni.
Min ilembeb u jkattar isib fiex jitmattar.
Min ikun bil-għaqal fil-flus isibhom meta jiġi bżonnhom. Ilenbeb tfisser jiċċattja l-għaġina bil-lembuba.
Min ma jaħdimx ma jikolx.
Min ma jaħdimx, ma jaqlax flus u ma jkollux biex jimla żaqqu.
Mara tagħmillek sold dejn, u oħra tagħmillek sold tnejn.
Hemm nisa li jberbqu flus kemm jifilħu, u oħrajn li jibżgħu għalihom.
Min ippleġġa jkollu jħallas.
Bħal min ikun intrabat li jħallas pleġġ, hekk ukoll ikollok iżżomm kelmtek meta twiegħed jew tintrabat b’xi ħaġa.
Min iraqqa’ jogħla f’daqqa.
Min jagħti kas ħwejġu u jieħu ħsiebhom ifaddal iżjed flus minn min il-ħin kollu jixtri l-ġdid.
Min isielek sidek.
Min isellfek il-flus jispiċċa jikkontrollalek ħajtek għax ikollok id-dejn miegħu. Isielek tfisser isellfek.
Min iżoqq il-ħalq jintef il-leħja.
Xi nies jonfqu iżjed flus minn kemm jifilħu biex jippruvaw ilaħħqu ma’ ħaddieħor.
Min jagħmel għal żaqqu jibqa’ bi spallejh mikxufin.
Min jonfoq ħafna flus għalxejn fl-ikel ma jkollux biex jagħmel affarijiet oħra.
Min jagħmel wisq għal żaqqu jispiċċa b’kiftejh mikxufa.
Min jonfoq ħafna flus għalxejn fl-ikel ma jkollux biex jagħmel affarijiet oħra.
Min jiddejjen jiżżejjen.
Min irid ħafna affarijiet jiswew il-flus, ikollu jiddejjen biex ileħħaq.
Meta l-faqar jidħol mit-tieqa, l-imħabba toħroġ mill-bieb.
Il-faqar huwa sors ta’ xkiel għall-imħabba.
Min jiftaħar flusu f’butu, u min jiftaħar f’kexxuntu.
Min huwa tassew sinjur ma jiftaħarx bi flusu għax m’għandux għalfejn jimpressjona.
Meta s-siġra tal-armla ma toħroġx qamla, għan-namur tkun reġgħet ħemla.
B’mod speċjali dari, meta armla ma kenitx tkun trid titgħabba bir-responsabbiltà li tgħajjex lil uliedha, kienet tfittex raġel ieħor biex jgħajjex hu lilha u lil uliedha. Qamla tfisser rimja f’dan il-kuntest, bħallikieku l-armla hija siġra li ma tridx tagħmel frott, u...
Meta jilħaq il-fqir, agħmillu rixa ħalli jtir.
Meta xi ħadd li jkun ġej minn ambjent ta’ faqar jilħaq, jitkabbar u jxammar imnieħru.
Min jitolbok ħabba agħtih tnejn u keċċih.
Min jiffittak fuq xi ħaġa, ikkuntentah ħalli jitlaq ’l hemm u jħallik bi kwietek. Ħabba kienet munita li kienet tintuża Malta fi żmien il-ħakma Ingliża.
Pappi llum u pappi għada, iċċiċċi ħajt u tpappi ġebla.
Min ma jridx jaħdem issa għad jiddispjaċih fil-futur, meta jfittex il-flus u ma jsib xejn.
Meta jkollok issib il-ħbieb, meta ma jkollokx issib il-klieb.
In-natura tal-bniedem dik hi: meta jkollok il-flus iduru miegħek, u meta ma jkollokx jabbandunawk.
L-għali ma jħallasx dejn.
L-inkwiet ma jsolvix problemi, eħles minnu.
Kulħadd jidfen ’l ommu kif jista’.
Kulħadd jagħmel sa fejn jista’ f’sitwazzjonijiet diffiċli, anke finanzjarjament.
Min joħroġ addoċċ mingħajr ma jkejjel, jiftaqar lanqas jinduna u jkun imdejjen.
Min iberbaq flusu, jinduna bl-iżball tiegħu meta jkun tard wisq.
Mix-xħiħ tlaqqat xi ħaġa, mill-ħali ma tlaqqat xejn.
Min iberbaq il-flus ikun qed jagħmel iżjed ħsara minn min hu xħiħ.
Min ikollu tlieta ’l fuq jagħtu fil-buq.
Biex trabbi tlett itfal jew iżjed trid ħafna flus u enerġija.
Min m’għandu xejn m’għandux x’jitlef.
Min m’għandu xejn jgħix iżjed kuntent minn min għandu ħafna flus, proprjetà, investimenti, eċċ. li jkun spiċċa skjav tagħhom. Ogħna tfisser aktar għani.
Min jagħti ġidu f’ħajtu jaqla’ bil-mazza ta’ Kalabrajtu.
Min f’ħajtu jagħti ġidu kollu lil uliedu għandu jkun lest għal diżappunti kbar, għax uliedu jkunu ħadu li riedu u jinsewh.
Meta xebba għaż-żwieġ mixħuta, tixxabbat ma’ xi tuta biex biha tikseb f’butha.
Xebba li tkun tixtieq tiżżewweġ, jeħtieġ li taħdem biex taqla’ l-flus sabiex tgħajjex il-familja.
Min m’għandu xejn ogħna mir-re.
Min m’għandu xejn jgħix iżjed kuntent minn min għandu ħafna flus, proprjetà, investimenti, eċċ. li jkun spiċċa skjav tagħhom. Ogħna tfisser aktar għani.
Min m’għandux jgħix ma’ min għandu.
Qis li tgħin lil min hu inqas ixxurtjat minnek fil-flus, eċċ.
Min jibża’ mill-kera jmut fl-għera.
Min ma jonfoqx flus fil-kera jew fil-bini ma jkollu mkien sura fejn joqgħod.
Min jieħu lil ommna jsir għammna.
Napprezzaw lil dak ir-raġel li jiżżewweġ (= jieħu) lil ommna armla u jsir missierna tar-rispett (= għammna), għax jgħinna fil-flus. Dari n-nisa romol kienu jbatu ħafna meta jormlu.
Min m’għandux żejt fid-dlam jorqod.
Min m’għandux flus, ikollu jgħaddi mingħajr diversi affarijiet, bħal min dari ma kellux żejt biex jixgħel il-lampa filgħaxija qabel daħlet il-luċelettrika.
Min ma jibżax għal ħabba lanqas jibża’ għal skud.
Min kapaċi jberbaq ftit flus, kapaċi jberbaq ħafna flus. Ħabba u skud huma flus li kienu jintużaw Malta fi żmien il-ħakma Ingliża.
Meta tidħol il-qorti, inti tiekol sardina u l-avukat jiekol gallina.
L-avukati jagħmlu kemxa flus ġmielha minn fuq dahrek meta jkollok xi każ il-qorti.
Min ma jibżax għall-ftit, il- wisq ma jarah qatt.
Min kapaċi jberbaq ftit flus, kapaċi jberbaq ħafna flus.
Min jitlef lil ommu jirbaħ l-għera, min jitlef lil missieru jirbaħ il-ġuħ.
Dari kienu jbatu d-dar u t-tfal meta tmut l-omm, u kienu jbati fil-flus meta jmut il-missier.
L-imwiet għal kulħadd, għall-foqra u l-imwiel.
Fqir jew sinjur, xi darba tmut bħal ħaddieħor. Imwiel hu l-plural ta’ mula, u tfisser rikkezzi.
Min ma jraqqa’ jinħela f’daqqa.
Min ma jiħux ħsieb tal-affarijiet tiegħu fil-pront, wara jonfoq ħafna flus biex isewwi jew jibdel. Jinħela tfisser jiftaqar.
Min jitma f’ħutu la flus fil-kexxun u lanqas f’butu.
Min jafda wisq f’ħutu jispiċċa b’xejn għax kollox jeħdulu.
Imur il-ġid u l-ġidejn u tibqa’ l-ħidma tal-idejn.
Sakemm ikollok saħħtek, ma jkun ġara xejn jekk titlef ġidek kollu. Tista’ terġa’ tibda mill-bidu u taħdem għalih. Ġidejn tfisser ġid kbir.
L-imwiet għal kulħadd, għall-foqra u s-sinjuri.
Fqir jew sinjur, xi darba tmut bħal ħaddieħor.
Dejjem juri l-qoħta għad li għandu l-ġid.
Min hu rgħib dejjem jagħmel taparsi m'għandux biex jgħix, minkejja li jkollu l-ġid. Il-qoħta tfisser skarsezza.
L-għerf jgħajjar u l-flus ittajjar.
Il-bniedem jippreferi jkun sinjur milli jkun għaref.
Min ma jraqqax ma jkampax.
Min ma jiħux ħsieb tal-affarijiet tiegħu fil-pront, wara jonfoq ħafna flus biex isewwi jew jibdel.
Min xliefu twil ta’ butu lsir.
Is-sinjur huwa lsir ta’ flusu stess.
Ekonomija, ekonomija, imbagħad jiġi x-xitan jgħidlek dawn għalija.
Min hu rgħib ma jgawdix flusu għax ikollu jużahom għal xi ħaġa li ma stenniex.
Min f’rokontu għandu l-barrada, jaf jidħaq b’sena farrada.
Min jaħżen l-ikel ma jkollux għalfejn jinkwieta meta tiġi sena ħażina għar-raba’, bl-istess mod li min ifaddal il-flus isibhom meta jiġi żmien ħażin. Barrada hija ġarra.
Min ifittex il-ġhież ifittex l-uġigħ.
Id-dota (il-ġhież) hija simbolu tat-tbatijiet kollha li jġib miegħu ż-żwieġ.
Aħjar ħabib fis-suq minn mitt skud fis-senduq.
Fil-bżonn, ħabib li jaqilgħek jiswiek iżjed mill-flus.
Mingħajr xaħam ma tvarax.
Bla flus (= xaħam) ma tasal imkienl; ix-xaħam jirreferi b’mod indirett għat-tixħim, li mhux possibbli bla flus.
Min għandu n-naħal għandu r-riħ, min għandu n-nagħaġ għandu l-ġild.
Idaħħal iżjed flus min irabbi n-nagħaġ minn min irabbi n-naħal.
Minn fejn tkun ġejja n-nemla, flus ikun fiha l-ġebla.
Il-flus u l-ġid ta’ xi ħadd minn xi mkien żgur li jkunu ġejjin.
Aqbad u qabbad.
Tħallas mill-ewwel, għax jaf ma tarahom qatt dawk il-flus.
Għal ħabba jqaxxar qamla.
Min jitqammel jaqa' fl-esaġerazzjoni.
Minn midjien ħażin ħu, imqar weraq tat-tin.
Mingħand min jafek il-flus u taf li ma jistax iroddlok kollox lura, ħu li tista’.
Bid-dieħel ħalli l-għanqbut jiddendel u bil-ħiereġ illustra l-post.
Meta tibda tagħmel il-flus tiftaħarx u meta tibda titlifhom ftaħar xi ftit biex ħadd ma jinduna.
Għawdxi u Żebbuġi jagħmlu Lhudi.
L-Għawdxin u ż‑Żebbuġin għandhom reputazzjoni ta' nies makakki, li jagħmlu għall‑flus.
Minn surtek tidher għobortok.
Il-miżerja ta’ min ma jkollux flus biex jgħaddi tkun tidher anke f’persuntu. Għobortok tfisser il-miżerja tiegħek.
Jekk għandek jiswielek, u Alla jgħinek bi ġmielek.
Lil min għandu l-flus, id-dinja tidħaqlu.
Bla spejjeż ma tagħmilx flejjes.
Trid tonfoq il-flus sabiex iddaħħal aktar flus.
Mitt wieħed liebes ma jneżżgħux għarwien.
Mingħand bniedem li ma fadallux flus, xejn ma tista’ tieħu.
Jekk tagħti sold karità, Alla jipprovdilek lira.
Għal kull ftit flus li tagħti karità, Alla jagħtik ħafna iżjed lura.
Mix-xejn ma jsir xejn.
Mingħajr flus xejn ma jsir, hekk bħal fi kwalunkwe sitwazzjoni oħra.
Fin-negozju m’hemmx ħbieb.
Fin-negozju l-flus jiġu qabel il-ħbieb.
Min għandu ħafna ġid jista’ jiżdiedlu, min għandu ftit jista’ jonqsu, iżda l-għomor jonqos żgur lit-tnejn.
Ikollok kemm ikollok flus, il-mewt ma jirbħilha ħadd.
Muftieħ tad-deheb jaqbel ma’ kull qofol.
Bil-flus kollox tasal tagħmel. Qofol tfisser sokra.
Fin-negozju moħħok irid ikun jilħaqlek.
Trid tħaddem moħħok u tkun makakk biex in-negozju li jkollok jirnexxi.
Min jixtri l-bikrija jkollu jiżen il-ħamrija.
Min jixtri l-ħaxix bikri, ngħidu aħna l-patata, jiġih ogħla peress li jintiżen bil-ħamrija b’kollox minħabba li jkun żgħir.
Mhux dak biss li joħroġ jisraq billejl jissejjaħ ħalliel.
Hemm diversi modi kif tisraq, fosthom billi tbigħ jew tagħti servizz bi prezzijiet qarrieqa.
Muftieħ tad-deheb jiftaħ kull bieb.
Bil-flus kollox tasal tagħmel.
Fir-roħs ixtri, fil-għoli bigħ.
Fin-negozju, meta tixtri bl-irħis u tbigħ bl-għoli, tmur minn fuq.
Nies tal-flus f’senduqhom u tal-pont f’għarqubhom.
Hemm nies li tassew kapaċi l-flus ifaddluhom għal meta jiġu bżonnhom.
Min jitwieled fuq il-ward imut fuq ix-xewk.
Min jitwieled f’familja stabene ma jfissirx neċessarjament li jgħix fil-lussu ħajtu kollha.
Tifħir bla qligħ ma jimliex il-but.
Min joqgħod ifaħħrek ta’ xogħlok mhux biżżejjed, jeħtieġ ukoll titħallas tiegħu.
Ommok tħares lejn għajnejk u martek lejn idejk.
Ommok tinkwieta ġenwinament għalik u martek moħħha biss fi flusek.
Orqod fil-frugħa, oqgħod fid-djieq u min jirtek jistgħall ġidek sieq fuq sieq.
Flusek aħdem għalihom u gawdihom inti waqt li għadek ħaj, għax jekk le tkun qed tpaxxihom lill-werrieta. Fil-frugħa tfisser fit-tbatija, fid-djieq tfisser fin-nieqes u jistgħall tfisser igawdi.
Nhar l-Imnarja l-bajd itir fl-arja.
Dari l‑prezz tal‑bajd kien jiżdied ġmielu lejn l-aħħar ta’ Ġunju minħabba li kien ikun hemm inqas provvista. L-Imnarja tiġi fid-29 ta’ Ġunju.
Qatt ma għandek tmidd saqajk barra mill-friex.
Qis li tkun tiflaħ tħallas għal xi ħaġa qabel ma tintriga biha.
Min jitgħażżen f’żgħożitu jbati fi xjuħitu.
Min ikun għażżien f’żgħożitu jbati l-konsegwenzi fi xjuħitu, għax ma jkunx jiflaħ jaħdem u ma jkun faddal xejn.
Min jiżżewweġ u ma jibdilux, hemm mitt skud fil-bieb tal-Imdina mħejjija għalih biex imur għalihom.
Fiż-żwieġ dejjem jasal punt fejn dak li jkun jistaqsi lilu nnifsu għamilx id-deċiżjoni t-tajba.
Ir-regħba tal-flus hija l-għerq ta’ kull deni.
In-nies jagħmlu ħafna għall-flus, u dan iwassal għal għawġ kbir.
Il-ġobon Sqalli ftit qligħ iħalli.
Il-ġobon Sqalli kien jiswa ħafna biex jiġi impurtat, allura ftit li xejn kien iħallilu qligħ lil tal-ħanut. Dak li mhux vallapena, tagħmlux.
Qlajt sitta, onfoq ħamsa.
Tonfoqx il-flus kollha li taqla’, tgħallem faddal imqar ftit.
Mitt sena ħsieb ma jħallasx sena kera.
Għalxejn taħseb u tinkwieta għax imkien ma tasal.
Ħobż ix-xitan ma jxabbax.
Dak kollu li tkun akkwistajt bid-diżonestà ma tgawdihx.
Mar il-ġid u baqa’ l-ħidma tal-id.
Jekk titlef il-flus, dejjem tista’ terġa’ taħdem għalihom sakemm għandek saħħtek.
Sabiħ il-ħamiem għax jagħmel il-beċċun.
Ċerti affarijiet ikunu sbieħ għax irendulek il-flus.
Jarmi l-qoħta u jerfa’ l-ġid.
Min hu rgħib dejjem jagħmel taparsi m'għandux biex jgħix, minkejja li jkollu l-ġid. Il-qoħta tfisser skarsezza.
Senduq magħluq xħin jinfetaħ tkun taf x’fih.
Qatt ma tkun taf eżatt bniedem kemm għandu flus qabel issir tafu.
Trabba fil-għażż u tbiżżel fil-ħjieġ.
Huwa persuna li trabba f’ħafna fsied iżda meta fil-futur ġie fil-bżonn, xammar il-kmiem u ħadem. Ħjieġ tfisser bżonn.
Strina tajba, sena rgħiba.
Jekk tberbaq ħafna flus f’daqqa, tbati għall-bqija tas-sena għax ikollok toqgħod lura minn ħafna affarijiet oħra. Il-kelma "strina" ġejja mit-Taljan "strenna", li tfisser rigal mogħti fi żmien il-Milied, u din min-naħa tagħha ġejja mil-Latin "strena", li tfisser rigal...
Kien xħiħ iqis u jkejjel, biex ħaduh il-bhejjem u hemm ħallewh għal dejjem.
Li tkun xħiħ ma jservi għalxejn, għax trid tmut bħal kulħadd u kollox warajk tħalli. Ħaduh il-bhejjem tfisser li ġibduh il-bhejjem fuq il-karru tal-mejtin, kif kienu jagħmlu dari.
Ix-xorb raġel min ibigħu, mhux min jixorbu.
Min ibigħ ix-xorb jaqla’ ħafna flus, iżda minn jikkunsmah ibati għax saħħtu tmur lura.
Qabda trab, erba’ kaptelli u ħarja f’wiċċ kulma kelli.
L-affarijiet materjali li jkollna f’ħajjitna kollha jisfaxxaw fix-xejn meta niġu wiċċ imb wiċċ mal-mewt. Il-kaptelli huma dawk il-ġebliet twal li jgħattu wiċċ il-qabar.
Ta’ b’xejn anke t-tosku għasel.
Dak kollu li tieħu b’xejn huwa tajjeb. Ħudu u tistenniex iżjed.
Minn sinjorina ssir sinjura.
Dari mara bilfors kien ikollha tiżżewweġ biex iddaħħal il-flus tar-raġel.
Ix-xitan fuq il-gods il-kbir imur jagħmel.
Ix-xitan lis-sinjuri (il-gods) imur jagħtihom il-flus.
Xidd il-qorq u xammar kmiemek imbagħad ħajjitek.
Jeħtieġ li dak li jkun jitħallas b’mod xieraq tax-xogħol li jkun għamel, ir-rikonoxximent u l-gratitudni mhumiex biżżejjed.
Ta’ b’xejn anke t-tosku manna.
Dak kollu li tieħu b’xejn huwa tajjeb. Ħudu u tistenniex iżjed.
Ta’ Buleben la fih trab u lanqas ġebel.
L-impressjoni li jkollok ta’ xi ħadd li hu xi sinjur kbir, jista’ jkun tkun falza.
Mewt ix-xħiħ bħal dbiħ il-ħanżir, il-werrieta ferħana se ttir.
Il-mewt ta' min hu xħiħ iġġib magħha l-ferħ, hekk kif il-werrieta jsibu x'jirtu wara mewtu.
Sena għammiela tħallas il-qbiela.
Meta l-uċuħ tar-raba’ jirnexxu, il-bidwi jdaħħal biżżejjed flus biex iħallas il-qbiela, il-kera, eċċ.
Ta’ li taħdem titħallas.
Titħallas skont kif u kemm tagħmel xogħol.
Ta’ li tħallas tiekol.
Ixtri oġġett ta’ kwalità tajba u li jservi, għax tispiċċa tonfoq iżjed flus biex tibdel oġġett ta’ kwalità inferjuri li jinkiser mill‑ewwel.
Xogħol bla ħlas qisu raġel bla ras.
Ix-xogħol biex isir tajjeb irid jitħallas.
Min iħażżaq wisq ma jaqbad xejn.
Min irid wisq (flus, fama, eċċ.) jispiċċa ma jkollu xejn, bl-istess mod li min jidħol għal wisq xogħol jispiċċa ma jleħħaqx miegħu.
Min irid jaħfen kollox jispiċċa ma jaqbad xejn.
Min irid wisq (flus, fama, eċċ.) jispiċċa ma jkollu xejn, bl-istess mod li min jidħol għal wisq xogħol jispiċċa ma jleħħaqx miegħu. Jaħfen tfisser jaqbad.
Min jagħti lill-fqar ikun qed jislef lil Alla l-imbierek.
Min jagħmel karità mal-proxxmu jogħġob lil Alla.
San Martinek tajjeb, agħmel ħiltek biex il-lant ikunlek tajjeb.
Il-bidwi għandu jaħdem u jistinka f’Novembru biex igawdi wara. Il-lant jirreferi għan-negozju. San Martin jiġi fil-11 ta’ Novembru.
Taf x’qal Karabazza? “Min jagħtu ħwejġu f’ħajtu jtuh bil-mazza.”
Jekk tagħti dak kollu li għandek lil uliedek f’ħajtek minflok jirtuk wara mewtek, ma jkunux jafuhulek u jittrattawk ħażin.
Taħdem u tistinka u d-dublett dejjem bla ċinta.
Minkejja x‑xogħol kollu tagħmel, xorta waħda ma taqlax biżżejjed biex tgħix komdu.
F’Ġunju jsib il-ftiet, il-bidwi u s-sajjied.
F’Ġunju l-bdiewa u s-sajjieda jibdew jaqilgħu l-flus mill-prodott tagħhom.
L-ispirtu raġel min ibigħu, jgħid is-sakran.
L-alkoħol jagħmel ħsara kbira lil min għandu l-vizzju tiegħu, iżda jqalla’ ħafna flus lin-negozjant li jġibu.
Min jaħfen wisq iħażżaq ftit.
Min irid wisq (flus, fama, eċċ.) jispiċċa ma jkollu xejn, bl-istess mod li min jidħol għal wisq xogħol jispiċċa ma jleħħaqx miegħu. Jaħfen tfisser jaqbad.
Taħdem u tistinka u l-qalziet dejjem bla ċinta.
Minkejja x-xogħol kollu tagħmel, xorta waħda ma taqlax biżżejjed biex tgħix komdu.
F’Ġunju s-suq mimli ħut u s-sajjied bil-flus fil-but.
F’Ġunju l-bdiewa u s-sajjieda jibdew jaqilgħu l-flus mill-prodott tagħhom.
Mal-ħbieb m’hemmx negozju.
Il-ħbiberija mhix kumpatibbli man-negozju u l-flus.
Min jaħfen wisq ma jgħażżaż xejn.
Min irid wisq (flus, fama, eċċ.) jispiċċa ma jkollu xejn, bl-istess mod li min jidħol għal wisq xogħol jispiċċa ma jleħħaqx miegħu. Jgħażżaż tfisser imexmex.
Tajjeb għax tajjeb u tajjeb għax b’xejn.
Dak kollu li tieħu b’xejn huwa tajjeb. Ħudu u tistenniex iżjed.
Tallab qatt ma joħroġ fallut.
Min diġà qiegħed f’pożizzjoni żvantaġġata m’għandu xejn x’jitlef.
Meta raġel iżiegħed il-but, ħajtu dejjem f’xifer ix-xtut.
Meta tkun stabene u ġidek dejjem jiżdied (= iżiegħed il-but), dejjem għandek ir-riskju li jisirquk jew jagħmlulek xi tip ta’ vendikazzjoni.
Min jaħtaf bosta jibqa’ b’xejn.
Min irid wisq (flus, fama, eċċ.) jispiċċa ma jkollu xejn, bl-istess mod li min jidħol għal wisq xogħol jispiċċa ma jleħħaqx miegħu. Jgħażżaż tfisser imexmex.
Warrab minn fqir kburi, minn għani xiħ u minn xiħ żieni.
Warrab lil min m’għandu xejn u supperv, lil min hu xiħ b’ħafna flus u lil min hu xiħ iżda moħħu fis-sess.
Tħallix il-flus jirkbuk.
Tkunx skjav tal-flus: il-flus għandhom jaqdu lill-bniedem, mhux bil-kontra.
Meta tixtri, ixtri għalik u għas-suq.
Meta tbigħ bl-ingrossa, jeħtieġ li tkun raġonevoli biex min jixtri mingħandek ikun jista’ jaqla’ xi ħaġa tal-flus wkoll.
Min jaqbad ħafna ma jżomm xejn.
Min irid wisq (flus, fama, eċċ.) jispiċċa ma jkollu xejn, bl-istess mod li min jidħol għal wisq xogħol jispiċċa ma jleħħaqx miegħu. Jgħażżaż tfisser imexmex.
Tas-sinjur bis-suġġetta u tal-fqir bit-trumbetta.
Meta xi ħadd tal-flus jew b’awtorità jagħmel xi żball jippruvaw jgħattulu, iżda meta xi ħadd mhux ta’ ħafna flus u bla awtorità jagħmel l-istess imorru jxandruh. Is-suġġetta kienet siġġu sabiħ u mżejjen li kien jintuża biex iġorr lin-nies importanti (bħall-isqof,...
Jannar xott, il-bidwi għani.
Ħafna xita f’Jannar tirvina l-uċuħ tar-raba’, għalhekk aħjar ikun xott għall-bidwi.
Tibni u tgħolli, tmut u tħalli.
Jista’ mhux ikollok flus u tagħmel suċċess (bħall-kuntratturi l-kbar), għax bħal kulħadd trid tmut u tħalli kollox warajk.
Tieħu bla ma trodd is-swar tħott.
Jekk tonfoq biss u ma tfaddalx, xejn ma ssib meta tiġi bżonn; u dan japplika għal kollox, mhux għall-flus biss.
Mill-ħabba ssir ċinkwina u miċ-ċinkwina jsir il-karlin.
Meta l-flus tħaddimhom tajjeb (f’investimenti, eċċ.) jiżdiedu. Ċinkwina kienet tiswa ħames ħabbiet u karlin kien jiswa għaxar ħabbiet; huma flus li kienu jintużaw Malta fi żmien il-ħakma Ingliża.
Min jibża’ għall-ikel tal-qattusa jikluh il-ġrieden.
Min jibża' wisq għall-flus, xorta jispiċċa f'sitwazzjoni fejn jitlef kollox.
Min tagħmlu baħar ikun għadira.
Hemm min taħsbu bravu ħafna jew għandu ħafna flus, iżda ma jkun veru xejn.
Min jiekol b’ħafna ħluq fl‑aħħar jifga u jibqa’ b’xejn.
Min jagħmel wisq għall‑flus, xorta jispiċċa f'sitwazzjoni fejn jitlef kollox. Ħluq huwa l-plural ta' ħalq.
Toqgħodx fuq il-għatba u tistrieħx fuq senduq.
Qis li jkollok il-flus tiegħek u l-proprjetà tiegħek, biex ma tiddependix fuq ta’ ħaddieħor.
Min jiekol b’ixdqa tnejn fl-aħħar jifga u jibqa’ b’xejn.
Min jagħmel wisq għall-flus, xorta jispiċċa f'sitwazzjoni fejn jitlef kollox. Ixdqa huwa l-plural ta' xedaq.
Min iħallas qabel ħut jinten jiekol.
Tħallasx wisq flus minn qabel għal dak li tkun ordnajt għax ix-xogħol ma jagħmluhulekx sew.
Trid iddawwar idek biex tilqa’ l-ġid f’idek.
Mis-serq u l-abbuż jiġu flejjes kbar.
Trid tkun taf tbus biex it-tarka tgħabbi bil-flus.
Fl-antik il-prostituti kienu jħallu l-flus li jaqilgħu barra l-bieb biex juru kemm qed jagħmlu suċċess.
Min jirgħeb għall-flus jintemm minħabba fihom.
Min ikun mogħmi bil-flus jispiċċa jieħu deċiżjonijiet b'konsegwenzi koroh ħafna. Jirgħeb għall-flus tfisser jagħmel għall-flus.
Fix-xahar tar-rużarju aħrat u tenni biex meta taħsad ikollok biex tgħanni.
F’Ottubru l-bidwi jagħmel sew li jaħrat kemm jiflaħ il-ħamrija, biex meta jiġi biex jaħsad ikun kuntent.
Min iħallas qabel xogħol ħażin jieħu.
Tħallasx wisq flus minn qabel għal dak li tkun ordnajt għax ix-xogħol ma jagħmluhulekx sew.
Twaħħalx l-imsiemer f’dar is-sultan.
Tagħmilx xogħol f’post li tkun qed tikri, għax xejn ma tgawdi minnu u l‑flus li tkun infaqt.
Ix-xahar ta’ Awwissu s-sinjur u l-fqir iħissu.
Is-sħana ta’ Awwissu lil kulħadd taħqar.
Timxix ħafi għax il-flus taż-żarbun ma tfaddalhomx.
Il-flus onfoqhom biex tieħu ħsieb saħħtek, għax wara jkollok tonfoqhom fil-mediċini biex tfiq wara li jaqbdek xi ħaġa.
Wara l-ħlas jiġi l-qmas.
Wara li tħallas għal xi oġġett jew servizz, toqmos meta jinqalgħu il-problemi u tmur bihom għand min tkun ħallast.
Min ma jagħmilx kapital minn tibna, lanqas minn travu ma jagħmlu.
Min mhux kapaċi jħaddem il-flus, la jkun kapaċi jħaddimhom fiż-żgħir u lanqas fil-kbir.
Żwieġ bin-namur jispiċċa bid-dulur.
Koppja li tiżżewweġ għall-imħabba biss jisfaxxalha ż-żwieġ jekk ma tagħtix kas affarijiet oħra, bħall-flus.
Warrab mid-dnub u eħles mid-dejn.
Li tiċċappas bid-dejn huwa ħażin daqslikieku tiċċappas bid-dnub, mela eħles minnu.
Lulju l-ħajjatin jibdew jaqilgħu xi karlin.
F’Lulju jkun hemm iżjed domanda għall-ilbies tal-okkażjoni, u b’hekk il-ħajjata jkollhom iżjed xogħol. Karlin huwa munita antika li m’għadhiex tintuża.
Rabti u Żebbuġi jagħmlu Lhudi.
Ir-Rabtin u ż-Żebbuġin għandhom reputazzjoni ta' nies makakki, li jagħmlu għall-flus.
Wieħed jaqla’ u l-ieħor jaħli.
Wieħed jaħdem u jistinka għall-flus, biex dak kollu li jkun qala’ jgawdih ħaddieħor.
Wieħed u tnejn mhuma xejn, tnejn u tlieta logħob u ħlieqa, imma tlieta ’l fuq jagħtu fil-buq.
Iktar kemm ikollok tfal, iżjed trid flus biex trabbihom. Ħlieqa tfisser ċajta.
Taġen bla textex, naqra ma tgħallimx fih.
Min in-negozju jfallilu jkollu bżonn spinta finanzjarja ġmielha biex jerġa’ jiġi fuq saqajh, bħal taġen li jkollu bżonn ħafna żejt (= textex) biex jaqli.
Siġra tal-luq la tiekol minnha u lanqas idduq.
Qatt ma tara ġid mingħand min hu xħiħ, bl-istess mod li ma tarax xogħol minn min hu għażżien.
Xoqqa li tintiseġ maqjuma jxidduha n-nies meħjuma.
Mill-ilbies tinduna dak li jkun kemm ikun tal-flus. Maqjuma tfisser li tiswa l-flus u meħjuma tfisser imfissdin.
Żaqq mimlija ma tagħdirx oħra battala.
Min għandu l-flus ma jitħassarx lil min m’għandux.
Il-qwiel kollha, f’post wieħed.