M’hemmx għalfejn tkun ħażin biex idduq it-tin.Ir-relazzjonijiet sesswali mhumiex biss promiskwità. It-tin jirreferi għall-warrani.
Għors bla għarusa u newwieħa bla mejta qishom mistednin bla mejda.L-għarusa dejjem tkun iċ-ċentru tal-attenzjoni f'tieġ.
Iż-żwieġ bħall-ħjar.Ma tistax tkun taf minn qabel kemm se jirnexxi ż-żwieġ, bħal meta ma tkunx taf kemm hi tajba ħjara qabel taqsamha.
L-imħabba tal-ingarżament tegħleb lil tas-sagrament.L-adulterju xorta jsir, minkejja l-għoti tal-wegħdiet taż-żwieġ fuq l-altar.
Kulħadd jifraħ bl-għarusa tiegħu.Kulħadd jifraħ b'dak li għandu - l-għarus(a), ix-xogħol, id-dar, il-familja, eċċ.
