Inħobbok daqs nwar il-ful, issa li drajtek sejra tmur.Ir-relazzjoni jew iż-żwieġ ma jirnexxix jekk il-karattri tal-koppja ma jkunux jaqblu. Inħobbok daqs nwar il-ful tfisser nistmerrek.
Għal par għajnejn koroh hawn par għajnejn boloh.Kulħadd isib l-imħabba, anke min forsi mhux daqshekk sabiħ fiżikament.
Iddoqq lill-għarusa biex tiżfen il-qattusa.In-nies jippruvaw iġegħluk temmen li qed jagħmlu xi ħaġa għal skop, mentri fil-verità jkollhom skop ieħor f'moħħhom.
Il-musbieħ ġewwa l-imnara u l-għarusa ġewwa darha.Wara li tiżżewweġ, mara għandha tmur toqgħod ma' żewġha mhux tibqa' d-dar t'ommha u missierha.
L-imħabba bla dawl, il-mogħdrija bir-raġġi.Bniedem li tħobbu jagħmel kollox tajjeb, bniedem li tobogħdu jagħmel kollox ħażin.
