Min jagħmel wisq għal żaqqu jispiċċa b’kiftejh mikxufa.Min jonfoq ħafna flus għalxejn fl-ikel ma jkollux biex jagħmel affarijiet oħra.
Aħjar taqtagħlu libsa milli tistiednu.Lil min iħobb żaqqu tiffranka l-flus jekk tonfoqlu l-flus fil-ħwejjeġ milli fl-ikel.
Min iħallas biċ-ċekċik jiekol bir-riħa.Min iħallas ftit m'għandux jistenna oġġett jew servizz ta' kwalità tajba.
Min jagħmel għal żaqqu jibqa’ bi spallejh mikxufin.Min jonfoq ħafna flus għalxejn fl-ikel ma jkollux biex jagħmel affarijiet oħra.
Min joħroġ addoċċ mingħajr ma jkejjel, jiftaqar lanqas jinduna u jkun imdejjen.Min iberbaq flusu, jinduna bl-iżball tiegħu meta jkun tard wisq.
Geddumu fix-xgħir, ma jiftakarx f’meta kien fqir.Issa li stagħna, nesieh iż-żmien fejn kien fqir u m'għandux simpatija għal ħaddieħor. Jekk ix-xgħir jikber u jasal sa geddumek, mela għandek il-ġid.
