Mill-ewwel tinduna li xi ħadd fqir minn ilbiesu.
Il-flus żerriegħa rqiqa, ma ssibhomx f’idejk.
Il-flus malajr jisparixxu malli tibda tonfoqhom.
Kategoriji: il-flus
Eħġem la ssib għax jasal ir-Randan.
Faddal il-flus biex meta tiġi bżonnhom issibhom. Eħġem huwa l-imperattiv tal-verb ħeġem.
Aħjar għandek tieħu mingħand ħalliel milli għandek tagħti lill-kappillan.
Dari kien hawn ħafna dejn mal-Knisja, li kellu jitħallas bilfors.
Li jonqos fil-qadd imur fiż-żaqq.
Min m'għandux flus irid jagħżel bejn jixtri x'jiekol u jixtri x'jilbes.
Ġimgħa bla ħlas, ġisem bla ras.
Kulħadd jistenna li jitħallas ta' xogħlu, bla paga ma tgħixx.
Il-fqir dejjem maħqur u b’rasu kollox idur.
Il-fqir jgħix ħajja ta' tbatija.
Il-ħela jfaqqar.
Min jaħli l-flus ikun qed jiftaqar.
Jekk ta’ xejn aħslu u erfgħu.
Ħadd ma jagħmillek biċċa xogħol bla flus.
L-ikel ma jiġix mix-xejn.
L-ikel bil-flus jinxtara, u trid taħdem għalihom.
Aħjar is-sisija mill-ħrit biż-żewġ fil-Ħemsija.
Aħjar minn jittallab għall-flus u jiddobba hekk, minn min irid ibati biex jaħdem ir-raba'. Sisija tirreferi għall-ġbir tal-flus.
Il-fqir kollox jara kbir.
Għall-fqir kollox jiswa wisq flus.
Aħjar taqtagħlu libsa milli tistiednu.
Lil min iħobb żaqqu tiffranka l-flus jekk tonfoqlu l-flus fil-ħwejjeġ milli fl-ikel.
Aktar ma niekol, inqas nara.
Jekk tiekol l-ikel kollu li jkollok fil-platt ma tibqax tarah, bl-istess mod li jekk tonfoq ġidek kollu ma jifdallek xejn.
Il-fqir sal-klieb jagħrfuh u jinbħu għalih.
Mill-ewwel tinduna li xi ħadd fqir minn ilbiesu.
Ibża’ għas-sold u ma tiġix fil-bżonn.
Min ma jberbaqx flusu jsibhom.
Il-ħela jfaqqar.
Min jaħli l-flus ikun qed jiftaqar.
Għall-għera u għall-għar il-fqir jitrekken id-dar.
Min m'għandux flus jippreferi ma jurix billi ma joħroġx fid-deher. L-għera tissimbolizza l-faqar u għar tfisser mistħija.
Ħobż tax-xgħir, għasel f’dar il-fqir.
Min m'għandux flus ikollu jikkuntenta bi ftit.
Il-knisja qattara tieħu kemm tieħu qatt ma tara.
Il-knisja dejjem bżonn il-flus għall-manutenzjoni.
Il-ħobż artab biex tieklu, iżda iebes biex taqilgħu.
Biex taqla' l-flus diffiċli, iżda biex tonfoqhom faċli ħafna.
Aħjar is-sisija mill-ħrit biż-żewġ fil-Ħemsija.
Aħjar minn jittallab għall-flus u jiddobba hekk, minn min irid ibati biex jaħdem ir-raba'. Sisija tirreferi għall-ġbir tal-flus.