Is-silla kibret u l-ħmar tiegħi ma jsibx jirgħa.Għal xi nies sfortunati, ta' madwarhom ifuru bil-ġid u huma jibqgħu b'xejn.
Għall-għera u għall-għar il-fqir jitrekken id-dar.Min m'għandux flus jippreferi ma jurix billi ma joħroġx fid-deher. L-għera tissimbolizza l-faqar u għar tfisser mistħija.
Bil-flus ħadd ma jixtri l-ġenna.Il-flus importanti biss f'din il-ħajja, la tmut m'intix ser teħodhom miegħek.
Aktar ma niekol, inqas nara.Jekk tiekol l-ikel kollu li jkollok fil-platt ma tibqax tarah, bl-istess mod li jekk tonfoq ġidek kollu ma jifdallek xejn.
Jekk milli għandek tħalli, int qatt ma tista’ tfalli.Jekk iġġemma' l-flus u ma tberbaqx kollox, issibhom wara.
