Id-divorzju u s-separazzjoni jġibu magħhom ħafna dwejjaq.
Riżultati għal {phrase} ({results_count} minn {results_count_total})
Qed tara {results_count} riżultati minn {results_count_total}
Kategorija: l-imħabba
Min jitbellah għal mara jkun wasal għall-ħala.
Raġel li jiblieh għal mara jagħmel affarijiet tal-ġenn.
Min jinħabb ma jitgawdiex.
Il-ħajja kiefra u teħodlok lil dawk li l-aktar tħobb.
Min iħobbok jista’ jkollok fommok jinten.
Min tassew iħobbok, jibqa' jħobbok minkejja d-difetti tiegħek.
Min iħobbok ikun irid jisolħok.
Qis li toqgħod attent minn min irid iqarraq bik billi jġiegħlek temmen li jħobbok.
Min iħobbok fih xi tħobb.
Min jurik li jħobbok għandek turih li tħobbu inti wkoll.
Min iħobbok biex tħobbu, u dak li tħobbu biex iħobbok.
L-imħabba minn naħa waħda ma tistax tkun, trid tiġi miż-żewġ naħat.
Min iħobbok jhennik, biss xi darba jbikkik.
Min iħobbok iferrħek, iżda xi darba jasal biex iweġġagħlek qalbek ukoll.
Min iħobb, ibati.
L-imħabba ġġib magħha ħafna wġigħ ta' qalb.
Min fit-triq jiekol figolla lil żewġu jsib qalb il-folla.
Dari kienu jemmnu li jekk tiekol figolla fit-triq, issib l-imħabba ta' ħajtek.
Miġja ta’ ħabibtek, risq iġġiblek.
Meta tiġi l-maħbuba tiegħek, tnessik id-dwejjaq kollha li jkollok.
Meta tobrom il-ġiżimina, l-Għarbija għan-namra fina.
Dari kienu jemmnu li l-ġiżimina (fjura tal-ispeċi Jasminum officinale) daħħluha Malta l-Għarab ta' Tuneż u li fi żmienha, jiġifieri bejn Ġunju u Novembru, it-tfajliet Għarab kienu jingħataw iżjed għan-namra.
Meta s-siġra tal-armla ma toħroġx qamla, għan-namur tkun reġgħet ħemla.
B'mod speċjali dari, meta armla ma kenitx tkun trid titgħabba bir-responsabbiltà li tgħajjex lil uliedha, kienet tfittex raġel ieħor biex jgħajjex hu lilha u lil uliedha. Qamla tfisser rimja f'dan il-kuntest, bħallikieku l-armla hija siġra li ma tridx tagħmel frott, u...
Meta l-faqar jidħol mit-tieqa, l-imħabba toħroġ mill-bieb.
Il-faqar huwa sors ta' xkiel għall-imħabba.
Meta l-bajd isir imsielet, rasu għan-namur tkun mielet.
Meta s-subien jibdew jiżviluppaw fi żmien il-pubertà, jibdew jieħdu interess fis-sess. Il-bajd tfisser it-testikoli, li fi żmien il-pubertà jikbru.
Meta bewsa tagħtik mara, imbagħad trid tara xi jkun ġara.
In-nisa manipulattivi u jiġu jinħabbu miegħek għax ikollhom bżonn xi ħaġa.
M’hemmx għalfejn tkun ħażin biex idduq it-tin.
Ir-relazzjonijiet sesswali mhumiex biss promiskwità. It-tin jirreferi għall-warrani.
Lil min tħobbu u tamah, dak li jagħmel ma tarahx.
Ġeneralment ma narawx id-difetti ta' min inkunu nħobbu. Tamah huwa sinonimu ta' tħobbu.
Laqgħa tal-Vitorja toħroġ bil-bandiera u glorja, laqgħa tal-Kunċizzjoni xi darba taqa’ fil-kwistjoni.
Superstizzjoni fejn kienu jemmnu li jekk koppja tiltaqa' fil-Vitorja, ir-relazzjoni tirnexxi; jekk tiltaqa' fil-Kunċizzjoni, ma tirnexxix. Il-Vitorja tiġi fit-8 ta' Settembru u l-Kunċizzjoni tiġi fit-8 ta' Diċembru.
Kulħadd jifraħ bl-għarusa tiegħu.
Kulħadd jifraħ b'dak li għandu - l-għarus(a), ix-xogħol, id-dar, il-familja, eċċ.
Jekk tħares lejn il-qamar u tmiss il-flus tul għomrok dejjem tbus.
Superstizzjoni fejn dari kienu jemmnu li jekk tħares lejn il-qamar u tmiss il-flus issib l-imħabba ta' ħajtek.
Ix-xemgħa torbot u l-qniepen tħoll.
Iż-żwieġ isir bix-xemgħat fil-knisja u jinħall biss malli tasal il-mewt.
Inħobbok daqs nwar il-ful, issa li drajtek sejra tmur.
Ir-relazzjoni jew iż-żwieġ ma jirnexxix jekk il-karattri tal-koppja ma jkunux jaqblu. Inħobbok daqs nwar il-ful tfisser nistmerrek.
Il-qamar jimla meta l-qalb tkun ħimla.
Meta l-qamar ikun qed jimla', tiżdied l-attrazzjoni sesswali. Ħimla tirreferi għall-emozzjonijiet.
Il-qamar jekk tfittxu jfittxek, jekk ma tfittxux ma jfittxekx.
Superstizzjoni ta' dari fejn kienu jemmnu li l-qamar jaffettwa l-aptit sesswali tal-mara, iżda jekk il-mara ma turix interess fir-raġel il-qamar m'għandux setgħa.
Il-passjoni l-bniedem iġġennu.
L-imħabba ġġiegħlek titlef kull sens ta' raġuni.
Il-grazzja aqwa mill-ġmiel.
Il-ġibda lejn il-karattru ta' persuna hija akbar mill-ġibda lejn is-sbuħija fiżika tagħha.
Il-bews bħal-lewż, ma jxebbgħek qatt.
Il-bews irriduh il-ħin kollu.
Il-bejgħ konġunturi u ż-żwieġ bin-namuri.
Fin-negozju hemm element ta' xorti, iżda fiż-żwieġ jew hemm l-imħabba jew m'hemmx.
Ħu raġel ikbar minnek u mhux żagħżugħ jixba’ minnek.
Sib raġel li jkun ikbar minnek fl-età għax jibqa' jridek.
Ħotba f’San Mark tpoġġik taħt l-art.
Superstizzjoni ta' dari fejn kienu jemmnu li bħalma f'San Mark tagħmel ħafna xita li teqred l-uċuħ tar-raba', bl-istess mod il-ħotba (meta kienu jlaqqgħu mara u raġel) kien hemm ċans kbir li ma tirnexxix.
Ħmar tajjeb jinbiegħ f’pajjiżu.
L-imħabba sibha ma' xi ħadd li jkun mill-istess raħal tiegħek, ikollok inqas problemi.
Għarusa ġdida kulma tmiss ifuħ.
Meta tkun għadek kemm iżżewwiġt kollox ikun għadu ġdid u sabiħ.
Għal ratal laħam ma jaqbilx tixtri baqra.
Fiż-żwieġ is-sitwazzjonijiet diffiċli huma ħafna iżjed komuni minn dawk faċli, mela tagħżilx lil martek jew żewġek skont l-apparenza biss.
Għal par għajnejn koroh hawn par għajnejn boloh.
Kulħadd isib l-imħabba, anke min forsi mhux daqshekk sabiħ fiżikament.
Għajn ma tara, qalb ma tuġa’.
Inqas ma tara lil xi ħadd, iktar tinsieh malajr.
Għad li kerha s-sura, sabiħa l-avventura.
Anke persuna li mhix daqstant sabiħa ssib lil min iridha.
Faddal is-sold u onfoq lira, basta tkun ġa għażilt il-ħanina.
Tieġ jiswa ħafna flus u għalhekk jeħtieġ li tfaddal għalih.
Bħal tal-ewwel la tiżra’ u lanqas tħawwel.
L-ewwel imħabba ta' ħajtek dejjem tkun l-iżjed speċjali.
Bewsa tan-nanna ħelwa manna, bewsa ta’ missier iżżommok ilsir.
Il-missier dejjem iġib sudizzjoni mill-membri l-oħrajn tal-familja.
Bewsa ta’ żewġek xħin tiftakar fiha terġa’ tmewġek.
Il-bewsa tal-mara jew ir-raġel tiegħek tqanqlek.
Bewsa mingħajr tgħanniqa donnha warda mingħajr fwieħa.
Bewsa tkun tfisser iżjed meta tiġi b'tgħanniqa.
Tifla ħudha minn dar ta’ nies jistgħu, u għalqa ħudha mingħand għażżien.
Dari ma kontx tiżżewweġ biss għall-imħabba iżda wkoll għad-dota tax-xebba - bl-istess mod, kien jaqbillek iżjed tikri għalqa li qatt ma tkun inħadmet.
B’ferħa kbira qbadtek u b’oħra ħallejtek.
Hemm relazzjonijiet ta' mħabba li malajr jisfaxxaw fix-xejn.
Armla bla tfal, żejt fin-nar.
Mara armla li ma jkollhiex tfal faċli terġa' ssib l-imħabba.
Armla bħal ġemel: għaliha ż-żwieġ mimli nemel.
In-nisa romol ikunu diġà għaddew minn ħafna tbatija u ma tkunx faċli għalihom li jerġgħu jiżżewġu.
Armel u mrabbab ma fiex xi ttellet.
In-nisa ma jkunux iridu rġiel romol li diġà jkollhom it-tfal.
Aqra xortik u ara mħabbtek kemm ittik.
Fl-imħabba jaf tkun xortik tajba jew xortik ħażina.
Ħobb lil ġarek iżda ddaħħlux f’darek.
M’hemmx kunfidenzi żejda mal-ġirien.
Ħobb lil għajrek, qarib u għarib.
Ħobb lil kulħadd bl-istess mod. Għarib tfisser barrani.
Raġel ħalliel, mhux tifel sinċier.
Il-mewt tar-raġel, f’ħajjet martu tħalli vojt li l-imħabba u s-sinċerità ta’ wliedha ma jkunux kapaċi jimlew.
Ir-raġel qalbu qaqoċċa; jagħti werqa lil kulħadd imma l-qalba jagħtiha lill-mara.
Il-mara dejjem għandha post speċjali f’qalb żewġha.
Tifla sabiħa tagħtihiex imħabbtek mal-mument għax issir iebsa daqs is-siment.
Lin-nisa turihomx imħabbtek mill-ewwel għax jagħtuk bis-sieq.
Aħjar id-duda f’tamla milli f’qalb ta’ armla.
Mara armla tibqa' tħoss in-nuqqas ta' żewġha ħafna wara mewtu.
Agħti ruħek għan-namur u d-dinja ħalliha ddur.
Ħobb lil min trid u ħalli n-nies jgħidu.
Agħti l-għanja ta’ mħabbtek qabel ma d-dinja tibda tħabbtek.
Fittex l-imħabba meta tkun għadek żagħżugħ, u ma tkunx taf x’inhu l-inwkiet.
Meta l-faqar jidħol mit-tieqa, l-imħabba toħroġ mill-bieb.
Il-faqar jaf ikisser l-imħabba.
Il-gdim imħabba u l-qris mibegħda.
Hemm min jemmen li l-gdim juri l-imħabba, u l-qris juri l-mibegħda.
Ċanfira li tidher aħjar mill-imħabba moħbija.
Min tassew iħobbok, iċanfrek għall-ġid tiegħek.
L-imħabba twaħħad il-fehma mal-qalb.
Bl-imħabba tgħix kuntent.
L-imħabba tal-ingarżament tegħleb lil tas-sagrament.
L-adulterju xorta jsir, minkejja l-għoti tal-wegħdiet taż-żwieġ fuq l-altar.
L-imħabba żejda telf id-dehen.
L-imħabba ġġiegħlek tagħmel il-ġennati.
L-imħabba oħt il-ġenn.
L-imħabba ġġiegħlek tagħmel il-ġennati.
L-imħabba għamja.
L-imħabba m’għandhiex loġika.
L-imħabba bla dawl, il-mogħdrija bir-raġġi.
Bniedem li tħobbu jagħmel kollox tajjeb, bniedem li tobogħdu jagħmel kollox ħażin.
Fejn tħobb il-qalb jiġbdu r-riġlejn.
Minn kollox tagħmel għal min tħobb.
Marzu Marzellu, itajjar ix-xebbiet b’dellu.
Dari x-xebbiet kienu jinnamraw f’Marzu.
Alla fettieħi, Alla għajjur; Alla nebbieħi u ma’ kulħadd idur.
Alla juri mħabba kbira lejn kulħadd.
Alla jaħseb f’kulħadd.
Alla lil ħadd ma jinsa.
Alla b’waħda jagħtina u bl-oħra jżiegħel bina.
Alla jikkastigana daqs kemm iħenn għalina.