Ara li tkun tiflaħ għall-ispiża li tkun dieħel fiha; b'mod ġenerali, ara li dak li tkun ser tagħmel tassew kapaċi għalih.
Fil-għaks u d-diqa tinġibed il-biqa.
Min m'għandux flus ma jaħlix. Il-biqa hija l-ħasil tal-ħaxix.
Mejda tajba, testment ħażin.
Min jonfoq il-flus li jkollu, lill-werrieta tiegħu ma tantx iħallilhom.
Ara taqbadx awwista għax flus fil-but takkwista.
Dejjem agħżel l-aktar ħaġa ta' valur.
Miet in-naħal u spiċċa l-għasel.
Meta s-sors li minnu taqla' l-flus jispiċċa, ma taqlax iżjed flus.
Aktar ma niekol, inqas nara.
Jekk tiekol l-ikel kollu li jkollok fil-platt ma tibqax tarah, bl-istess mod li jekk tonfoq ġidek kollu ma jifdallek xejn.
Flusi mhux tal-ġild.
Tapprezza l-valur tal-flus meta tkun ħdimt għalihom.
Il-fqir dejjem irid.
Il-fqir dejjem għandu bżonn min jgħinu.
Bil-flus tagħmel triq fil-baħar.
Bil-flus tagħmel kollox fid-dinja.
Aħjar torqod bil-ġuħ milli tkun midjun.
Il-ġuħ tissaportih, iżda l-għawġ li tidħol fih minħabba d-dejn diffiċli iżjed tissaportih.
Il-flus qegħdin biex tonfoqhom.
Avolja jkollok il-flus, trid tkun taf tgawdihom.
Lill-fqir tikrilux bil-gallarija.
Tistenniex affarijiet mingħand min taf li ma jistax jagħtihomlok, bħal min ma jiflaħx iħallas kera għolja.
Il-flus u t-tjieba t-tnejn giddieba.
Qatt ma tista’ tkun taf dak li jkun kemm għandu flus, jew kemm hu bniedem twajjeb.
L-ilma fil-bir ma jaqtax l-għatx.
Min hu finanzjarjament batut għandu bżonn l-għajnuna, imqar biex jixtri x'jiekol u jixrob.
Aktar ma niekol, inqas nara.
Jekk tiekol l-ikel kollu li jkollok fil-platt ma tibqax tarah, bl-istess mod li jekk tonfoq ġidek kollu ma jifdallek xejn.
Meta x-xott jixxarrab malajr jinxef.
Min hu fqir bil-ftit għajnuna li jingħata xorta ma jgħaddix.
Mill-flus u mill-qdusija trid taqta’ ħamsin fil-mija.
Min jiftaħar bi flusu jew jilgħabha tal-qaddis temmnux, għax l-apparenza tqarraq bik.
Aħjar taqtagħlu libsa milli tistiednu.
Lil min iħobb żaqqu tiffranka l-flus jekk tonfoqlu l-flus fil-ħwejjeġ milli fl-ikel.
Kollox tajjeb u dritt dak li għal butek imidd.
Meta jkun hemm il-flus u l-interessi personali involuti, il-morali kollha jitwarrbu.
Aħjar nagħmillek libsa nkella nitimgħek.
Lil min iħobb żaqqu tiffranka l-flus jekk tonfoqlu l-flus fil-ħwejjeġ milli fl-ikel.
Midd riġlejk skont friexek.
Qis li tkun tiflaħ tħallas għal xi ħaġa qabel ma tintriga biha.
Il-ġuħ itejjeb il-ħobż.
Meta tkun nieqes minn xi ħaġa, tapprezza ħafna iktar meta tasal.