Il-fqir dejjem għandu bżonn min jgħinu. Ilħiħ tfisser rgħib.
Fil-għaks u d-diqa tinġibed il-biqa.
Min m'għandux flus ma jaħlix. Il-biqa hija l-ħasil tal-ħaxix.
L-ikel ma jiġix mix-xejn.
L-ikel bil-flus jinxtara, u trid taħdem għalihom.
Aħdem għal ħabba u għodd ruħek mal-battal.
Aħjar taħdem għal ftit flus milli toqgħod ma tagħmel xejn.
Kull min għandu ta’ Bulebel, id-dinja tagħtih widen.
Min għandu l-proprjetà u l-flus ikollu r-rispett tan-nies. Ta' Bulebel tirreferi għall-proprjetà.
Il-ħitan tal-ħaġar lebsin u l-iġsma għarwenin.
Jekk tberbaq flusek f'affarijiet bla bżonn, tispiċċa lanqas flus għall-bażiku ma jifdallek.
Meta tikkoppa l-bozza, l-għani bir-rota u l-bidwi bil-kabozza.
Min għandu l-flus dejjem jgħix iżjed komdu minn min m'għandux. Il-bozza hija kontenitur tas-silġ li jkessaħ l-ilma jew l-inbid, u kabozza hija għamla ta' kowt.
Il-ħofra aktar ma tqatta’ minnha aktar tikber.
Aktar kemm tberbaq flus, aktar tiftaqar.
La twaħħalx musmar f’dar is-sultan.
Tagħmilx xogħol f'post li tkun qed tikri, għax xejn ma tgawdi minnu u l-flus li tkun infaqt.
La tislifx lil min ma tistax tħarrek għax tinħan.
Issellifx flus lil min taf li ma jistax iroddhomlok lura, lanqas jekk tiftaħlu kawża l-qorti.
Ix-xita fil-baħar tinżel.
Aktar kemm ikollok flus, aktar tidħaqlek ix-xorti.
Il-kera jorqod miegħek u jqum qablek kuljum.
Il-kera aqbad u ħallasha biex ma jkollokx dejn.
Il-miġwieħ dejjem bla xaba’.
Min ma jkollux biex dejjem jonqsu xi ħaġa.
Għall-għera u għall-għar il-fqir jitrekken id-dar.
Min m'għandux flus jippreferi ma jurix billi ma joħroġx fid-deher. L-għera tissimbolizza l-faqar u għar tfisser mistħija.
Ħajja dejjem imxuma aħjar il-mewt minnha.
Aħjar tmut milli tgħix fil-miżerja. Imxuma tfisser miżerabbli.
Il-ħlas bil-meher u t-tiġbid jieħu l-qligħ, l-imgħax u l-ġid.
Jekk sellift il-flus qis li jħallsuk l-imgħax (= l-interessi) ukoll, u taċċettax l-iskużi ta’ min joqgħod iġebbed u jgħidlek li se jħallsek wara (=bil-meher).
Fil-qorti r-rebbieħ tellief.
Tiftaħ kawża l-qorti tant fiha spejjeż li jekk tirbaħha xorta tkun tlift ħafna flus.
Ibża’ għas-sold u ma tiġix fil-bżonn.
Min ma jberbaqx flusu jsibhom.
Aħjar is-sisija mill-ħrit biż-żewġ fil-Ħemsija.
Aħjar minn jittallab għall-flus u jiddobba hekk, minn min irid ibati biex jaħdem ir-raba'. Sisija tirreferi għall-ġbir tal-flus.
Anqas ma wieħed ikollu f’din id-dinja, aħjar.
Aktar kemm ikollok flus, aktar ikollok inwkiet. Mela aħjar ikollok inqas.
Ġimgħa bla ħlas, ġisem bla ras.
Kulħadd jistenna li jitħallas ta' xogħlu, bla paga ma tgħixx.
Biex il-fqir jara xi faraġ il-fekruna trid titla’ t-taraġ.
Diffiċli ħafna li l-fqir isir sinjur, ix-xorti mhux dejjem tidħaqlu.