Tiftaħ kawża l-qorti tant fiha spejjeż li jekk tirbaħha xorta tkun tlift ħafna flus.
Anqas ma wieħed ikollu f’din id-dinja, aħjar.
Aktar kemm ikollok flus, aktar ikollok inwkiet. Mela aħjar ikollok inqas.
Għal min tagħmel tajjeb ħallas.
Ladarba tkun ħadt deċiżjoni, jeħtieġ li tkun responsabbli u żżomm magħha.
Is-silla kibret u l-ħmar tiegħi ma jsibx jirgħa.
Għal xi nies sfortunati, ta' madwarhom ifuru bil-ġid u huma jibqgħu b'xejn.
Fejn iżżarrad iċċarrat.
Min m'għandux flus kull ftit li jkollu jonfoq joħroġ minn qalbu.
Il-ġuħ itejjeb il-ħobż.
Meta tkun nieqes minn xi ħaġa, tapprezza ħafna iktar meta tasal.
Il-flus u t-tjieba t-tnejn giddieba.
Qatt ma tista’ tkun taf dak li jkun kemm għandu flus, jew kemm hu bniedem twajjeb.
Il-faqar iġib il-għaqar.
Min hu fqir ikompli jiftaqar. Għaqar tfisser miżerja.
Is-siba kien u jkun, imma l-ħlas fl-aħħar irid ikun.
Għalxejn tippostponi d-djun li għandek, xi darba jew oħra jridu jitħallsu. Siba (bl-aċċent fuq it-tieni sillaba) tfisser ħlas li jasal aktar tard.
Il-ħlas bil-meher u t-tiġbid jieħu l-qligħ, l-imgħax u l-ġid.
Jekk sellift il-flus qis li jħallsuk l-imgħax (= l-interessi) ukoll, u taċċettax l-iskużi ta’ min joqgħod iġebbed u jgħidlek li se jħallsek wara (=bil-meher).
Il-qies aqwa mill-qligħ.
Għalxejn taqla' ħafna flus biex imbagħad tberbaqhom kollha.
Ftit drabi ftiehmu d-dejjien u l-midjun.
Nies li għandhom ideat opposti diffiċli jiftiehmu.
Aħjar torqod bil-ġuħ milli tkun midjun.
Il-ġuħ tissaportih, iżda l-għawġ li tidħol fih minħabba d-dejn diffiċli iżjed tissaportih.
Il-flus u t-tjieba t-tnejn giddieba.
Qatt ma tista’ tkun taf dak li jkun kemm għandu flus, jew kemm hu bniedem twajjeb.
Il-ġuħ qabel ir-ruħ.
Ir-reliġjon mhix biżżejjed meta tkun f'sitwazzjoni finanzjarja miżerabbli.
Il-flus għandhom iċ-ċirku u għalhekk jaqbdu n-niżla.
Il-flus malajr jisparixxu malli tibda tonfoqhom.
Is-sinjur imutulu t-tfal u l-fqir imutlu l-ħmar.
Dari min ma kellux flus u kien imutlu l-ħmar, kienet xi ħaġa kbira - daqslikieku mietlu tifel. Normalment, is-sinjuri kienu jmutulhom it-tfal.
Il-miġwieħ dejjem bla xaba’.
Min ma jkollux biex dejjem jonqsu xi ħaġa.
Biex il-fqir jara xi faraġ il-fekruna trid titla’ t-taraġ.
Diffiċli ħafna li l-fqir isir sinjur, ix-xorti mhux dejjem tidħaqlu.
Dak li jibża’ mill-kera għandu jmut fl-għera.
Min m'għandux biex iħallas il-kera m'għandux fejn joqgħod.
Aħjar katavru d-dar milli bil-bwiet vojta.
Aħjar tmut milli tkun bla flus.
Id-dar bħall-knisja, dejjem jonqosha.
Biex jinżammu fi stat tajjeb, id-djar u l-knejjes jeħtieġu ħafna flus.