Il-fekruna tagħmel li għandha tagħmel minkejja kollox, u bl-istess mod il-bniedem għandu jaħdem u ma jitgħażżinx.
kategorija
l-għażż
Aħdem imqar ftit u għodd mal-battal.
Aħjar taħdem għal ftit flus milli toqgħod ma tagħmel xejn.
Aħjar disa’ rbajja’ u rieqed minn skud u mqajjem.
Min hu għażżien jippreferi jaħdem inqas għal ftit flus, milli jaħdem iżjed għal aktar flus.
Il-qtates għomja u l-ġrieden imeximxu.
Hemm min japprofitta ruħu mis-sitwazzjoni meta tiġih l-okkażjoni, bħall-ħaddiema li jillaxkaw malli jwarrab ta’ fuqhom.
Bis-swat u biż-żmien jitbiżżel l-għażżien.
Bit-tbatija li jġib fuqu nnifsu, l-għażżien ikollu jitgħallem ikun bieżel ukoll.
Dak bħas-siġra tal-luq, la tiekol minnha u lanqas idduq.
Min ma jridx jaħdem xejn ma tieħu mingħandu.
Fost l-ixirka min jaħdem u min għażżien.
Hemm min jaħdem u hemm min ma jrid jagħmel xejn.
Għal tal-aħħar m’hemmx palju.
Ma tistax tieħu l-mertu tax-xogħol li għamlu ta’ qablek.
Ħajja ta’ kul u ixrob, orqod u ttieraħ.
Min hu għażżien ma jagħmel xejn ħlief jiekol, jixrob u jorqod. Ittieraħ tfisser imtedd fuq is-sodda.
Ħobż il-bieżel jieklu l-għażżien.
Min hu għażżien japprofitta minn xogħol il-bieżel.
Dar il-għażżien tistgħalla l-brimba.
Min hu għażżien u ma jnaddafx ikollu l-ħmieġ fid-dar. Tistgħalla jiġifieri tgawdi.
F’dar il-għażżien kollox jibki.
Min hu għażżien ikollu l-ħmieġ u d-diżorganizzazzjoni f’daru.
Is-sawt u ż-żmien ibiżżlu l-għażżien.
Min hu għażżien jeħtieġ li tiddixxplinah fuq medda ta’ żmien twil biex jitgħallem imidd idejh.
Issieħeb mal-bieżel u aħrab ’l-għażżien.
In-nies bieżla moħħhom f’xogħolhom mentri l-għażżenin jaraw kif se japprofittaw ruħhom minnek, mela aħrabhom.
Ix-xemgħa tixgħel u l-purċissjoni wieqfa.
Hemm xi jsir iżda ħadd ma jrid jaħdem.
L-għażż missier il-vizzji.
L-għażż iwaqqgħek iżjed fit-tentazzjoni tal-vizzju.
L-għażżien dejjem għarwien.
L-għażżien ma jaħdem għalxejn u allura qatt m’għandu xejn.
L-għażżien jieklu l-qamel.
L-għażżien mhux bniedem nadif.
L-għażżien xogħlu għali.
Min jevita x-xogħol jispiċċa jgħaddi minn iżjed tbatija għax ix-xogħol ma jkunx għamlu sew mill-ewwel.
L-għażżien xogħlu tqil.
Min jevita x‑xogħol jispiċċa jgħaddi minn iżjed tbatija għax ix‑xogħol ma jkunx għamlu sew mill‑ewwel.
Mid-dar ma jiġix qamħ.
Min hu għażżien u joqgħod id-dar ma jagħmel xejn minflok jaħdem, ma jaqlax flus.
Min jaħdem jiekol sardina u min ma jaħdimx jiekol gallina.
L-għażżien jew min ma ħaqqux igawdi minn fuq dahar min jagħmel xogħlu sew.
Min jaħdem l-iżjed jiekol l-inqas.
L-għażżien jew min ma ħaqqux igawdi minn fuq dahar min jagħmel xogħlu sew.
Min jibża’ għal dahru, m’għandux xi jridu l-luħ.
L-għażżien għalxejn tafdah b’xi biċċa xogħol għax ma jagħmilhiex. Luħ huwa pala tal-injam.
Min jidra bis-sisija, la jrid xogħol u lanqas tbatija.
Mix kielu l-għażż u dara jgħix minn fuq dahar ħaddieħor, ma jkunx irid jaħdem u jbati. Is-sisija hija l-karità.
Min jidra l-qgħad, jidra l-għażż.
Mix kielu l-għażż u dara jgħix minn fuq dahar ħaddieħor, ma jkunx irid jaħdem u jbati.
Min jitrabba fl-għażż jitbiżżel fil-ħjieġ.
Min hu għażżien xorta waħda jiġi bżonn (= il-ħjieġ) il-flus u jkollu jaħdem (= jitbiżżel) bħal ħaddieħor.
Min ma jaħdimx ma jikolx.
Min ma jaħdimx, ma jaqlax flus u ma jkollux biex jimla żaqqu.
Mis-siġra tal-luq la tiekol u la dduq.
Mingħand l-għażżien tistenna xejn.
Sinjur, ipprovdi lill-għażżien għax il-bieżel jiddubbaha minn kullimkien.
Min jaħdem u jistinka jgawdi frott ħidmietu, mentri l-għażżien mix-xejn ma jgawdi xejn.
Tqabbilx il-ġnien lill-għażżien.
Tafdax affarijiet jew proġetti għal qalbek f’idejn min ma jrid jagħmel xejn.
Xejn ma jagħti xejn iżda x-xogħol iħalli xi fejda.
Ix-xogħol jagħtik il-flus u s-sodisfazzjon, iżda l-għażż ma jtik xejn.
Xogħol il‑bieżel jieklu l‑għażżien.
Min hu għażżien japprofitta minn xogħol il‑bieżel.
Xogħol il-bieżel jiswa tnejn, xogħol l-għażżien jisfa fix-xejn.
Ix-xogħol ta’ min hu bieżel isir tajjeb ħafna u jpatti għax-xogħol traskurat ta’ min hu għażżien, jew in-nuqqas tiegħu.
Xogħol il-għakrieki jiswa n-nofs tal-ħabrieki.
Ix‑xogħol ta’ min hu bieżel (il-ħabrieki) isir tajjeb ħafna u jpatti għax‑xogħol traskurat ta’ min hu għażżien (l-għakrieki), jew in‑nuqqas tiegħu.
Tifla ħudha minn dar ta’ nies jistgħu, u għalqa ħudha mingħand għażżien.
Dari ma kontx tiżżewweġ biss għall-imħabba iżda wkoll għad-dota tax-xebba - bl-istess mod, kien jaqbillek iżjed tikri għalqa li qatt ma tkun inħadmet.
Tiġieġa miblula mhix tajba għal qroqqa.
Min hu għażżien aħjar ma jiżżewweġ xejn, għax tbati l-familja kollha.
kategorija
l-għażż
“Jaħraq dinha l-għaġla,” qalet il-fekruna xħin telgħet tarġa u waqgħet tnejn.
Il-fekruna tagħmel li għandha tagħmel minkejja kollox, u bl-istess mod il-bniedem għandu jaħdem u ma jitgħażżinx.
Aħdem imqar ftit u għodd mal-battal.
Aħjar taħdem għal ftit flus milli toqgħod ma tagħmel xejn.
Aħjar disa’ rbajja’ u rieqed minn skud u mqajjem.
Min hu għażżien jippreferi jaħdem inqas għal ftit flus, milli jaħdem iżjed għal aktar flus.
Il-qtates għomja u l-ġrieden imeximxu.
Hemm min japprofitta ruħu mis-sitwazzjoni meta tiġih l-okkażjoni, bħall-ħaddiema li jillaxkaw malli jwarrab ta’ fuqhom.
Bis-swat u biż-żmien jitbiżżel l-għażżien.
Bit-tbatija li jġib fuqu nnifsu, l-għażżien ikollu jitgħallem ikun bieżel ukoll.
Dak bħas-siġra tal-luq, la tiekol minnha u lanqas idduq.
Min ma jridx jaħdem xejn ma tieħu mingħandu.
Fost l-ixirka min jaħdem u min għażżien.
Hemm min jaħdem u hemm min ma jrid jagħmel xejn.
Għal tal-aħħar m’hemmx palju.
Ma tistax tieħu l-mertu tax-xogħol li għamlu ta’ qablek.
Ħajja ta’ kul u ixrob, orqod u ttieraħ.
Min hu għażżien ma jagħmel xejn ħlief jiekol, jixrob u jorqod. Ittieraħ tfisser imtedd fuq is-sodda.
Ħobż il-bieżel jieklu l-għażżien.
Min hu għażżien japprofitta minn xogħol il-bieżel.
Dar il-għażżien tistgħalla l-brimba.
Min hu għażżien u ma jnaddafx ikollu l-ħmieġ fid-dar. Tistgħalla jiġifieri tgawdi.
F’dar il-għażżien kollox jibki.
Min hu għażżien ikollu l-ħmieġ u d-diżorganizzazzjoni f’daru.
Is-sawt u ż-żmien ibiżżlu l-għażżien.
Min hu għażżien jeħtieġ li tiddixxplinah fuq medda ta’ żmien twil biex jitgħallem imidd idejh.
Issieħeb mal-bieżel u aħrab ’l-għażżien.
In-nies bieżla moħħhom f’xogħolhom mentri l-għażżenin jaraw kif se japprofittaw ruħhom minnek, mela aħrabhom.
Ix-xemgħa tixgħel u l-purċissjoni wieqfa.
Hemm xi jsir iżda ħadd ma jrid jaħdem.
L-għażż missier il-vizzji.
L-għażż iwaqqgħek iżjed fit-tentazzjoni tal-vizzju.
L-għażżien dejjem għarwien.
L-għażżien ma jaħdem għalxejn u allura qatt m’għandu xejn.
L-għażżien jieklu l-qamel.
L-għażżien mhux bniedem nadif.
L-għażżien xogħlu għali.
Min jevita x-xogħol jispiċċa jgħaddi minn iżjed tbatija għax ix-xogħol ma jkunx għamlu sew mill-ewwel.
L-għażżien xogħlu tqil.
Min jevita x‑xogħol jispiċċa jgħaddi minn iżjed tbatija għax ix‑xogħol ma jkunx għamlu sew mill‑ewwel.
Mid-dar ma jiġix qamħ.
Min hu għażżien u joqgħod id-dar ma jagħmel xejn minflok jaħdem, ma jaqlax flus.
Min jaħdem jiekol sardina u min ma jaħdimx jiekol gallina.
L-għażżien jew min ma ħaqqux igawdi minn fuq dahar min jagħmel xogħlu sew.
Min jaħdem l-iżjed jiekol l-inqas.
L-għażżien jew min ma ħaqqux igawdi minn fuq dahar min jagħmel xogħlu sew.
Min jibża’ għal dahru, m’għandux xi jridu l-luħ.
L-għażżien għalxejn tafdah b’xi biċċa xogħol għax ma jagħmilhiex. Luħ huwa pala tal-injam.
Min jidra bis-sisija, la jrid xogħol u lanqas tbatija.
Mix kielu l-għażż u dara jgħix minn fuq dahar ħaddieħor, ma jkunx irid jaħdem u jbati. Is-sisija hija l-karità.
Min jidra l-qgħad, jidra l-għażż.
Mix kielu l-għażż u dara jgħix minn fuq dahar ħaddieħor, ma jkunx irid jaħdem u jbati.
Min jitrabba fl-għażż jitbiżżel fil-ħjieġ.
Min hu għażżien xorta waħda jiġi bżonn (= il-ħjieġ) il-flus u jkollu jaħdem (= jitbiżżel) bħal ħaddieħor.
Min ma jaħdimx ma jikolx.
Min ma jaħdimx, ma jaqlax flus u ma jkollux biex jimla żaqqu.
Mis-siġra tal-luq la tiekol u la dduq.
Mingħand l-għażżien tistenna xejn.
Sinjur, ipprovdi lill-għażżien għax il-bieżel jiddubbaha minn kullimkien.
Min jaħdem u jistinka jgawdi frott ħidmietu, mentri l-għażżien mix-xejn ma jgawdi xejn.
Tqabbilx il-ġnien lill-għażżien.
Tafdax affarijiet jew proġetti għal qalbek f’idejn min ma jrid jagħmel xejn.
Xejn ma jagħti xejn iżda x-xogħol iħalli xi fejda.
Ix-xogħol jagħtik il-flus u s-sodisfazzjon, iżda l-għażż ma jtik xejn.
Xogħol il‑bieżel jieklu l‑għażżien.
Min hu għażżien japprofitta minn xogħol il‑bieżel.
Xogħol il-bieżel jiswa tnejn, xogħol l-għażżien jisfa fix-xejn.
Ix-xogħol ta’ min hu bieżel isir tajjeb ħafna u jpatti għax-xogħol traskurat ta’ min hu għażżien, jew in-nuqqas tiegħu.
Xogħol il-għakrieki jiswa n-nofs tal-ħabrieki.
Ix‑xogħol ta’ min hu bieżel (il-ħabrieki) isir tajjeb ħafna u jpatti għax‑xogħol traskurat ta’ min hu għażżien (l-għakrieki), jew in‑nuqqas tiegħu.
Tifla ħudha minn dar ta’ nies jistgħu, u għalqa ħudha mingħand għażżien.
Dari ma kontx tiżżewweġ biss għall-imħabba iżda wkoll għad-dota tax-xebba - bl-istess mod, kien jaqbillek iżjed tikri għalqa li qatt ma tkun inħadmet.
Tiġieġa miblula mhix tajba għal qroqqa.
Min hu għażżien aħjar ma jiżżewweġ xejn, għax tbati l-familja kollha.
Il-qwiel kollha, f’post wieħed.