B’daqshekk il-bastiment mhux ser jagħmel l-ilma.Billi tonfoq naqra iżjed flus f'xi ħaġa, m'intix ser tiżbanka.
Eħġem la ssib għax jasal ir-Randan.Faddal il-flus biex meta tiġi bżonnhom issibhom. Eħġem huwa l-imperattiv tal-verb ħeġem.
Barmil bla qiegħ, titfa’ kemm titfa’ ma timlieh.Hemm min mhux kapaċi jkun bil-għaqal fil-flus, malli jidħlu joħorġu.
Il-flus la jgħajtu u lanqas iwerżqu.Qatt ma tista’ tkun taf dak li jkun kemm għandu flus, jew kemm hu bniedem twajjeb.
