Meta kollox ikun sejjer sew iduru miegħek il-ħbieb, u meta kollox jibda sejjer ħażin jabbandunawk.
Aħjar taqta’ int jew jaqtgħulek.
Aħjar issolvi kwistjoni barra mill-qorti biex ma teħilx flus żejda jekk ikollok tort.
Kategoriji: il-flus | ir-relazzjonijiet
Il-ħaġa tiegħi titkellem u minn tal-ġara mank tissellem.
Meta titlob l-għajnuna lill-ġirien ma tasalx, iżda meta jkollhom bżonn l-għajnuna huma jistennewha mingħandek.
Dak li ma tridx lilek lanqas tridu ‘l għajrek.
Ġib ruħek ma' ħaddieħor bl-istess mod li tixtieq li ħaddieħor iġib ruħu miegħek.
Fin-niket u l-ħmum jidhru l-ħbieb u l-għemum.
Il-ħbieb ta' veru tagħrafhom meta tkun fil-bżonn. Ħmum tfisser għawġ u l-għemum huma l-ħbieb.
Min jibża’ jibqa’ d-dar.
Min ma jridx ikollu x'jaqsam man-nies ma jidhirx fil-pubbliku.
Il-ħbieb sal-bieb.
Il-kunfidenzi żejda m'għandekx xi tridhom, għax inkwiet iġibu magħhom.
Kif tkejjel ikejluk.
Kif iġġib ruħek man-nies inti, hekk iġibu ruħhom huma miegħek.
Fid-dinja lkoll niġu bżonn xulxin.
Itlob l-għajnuna meta jkollok bżonnha u għin meta jitolbuk l-għajnuna.
Jekk il-bniedem tagħtih il-kunfidenza idaħħlek fil-gradenza.
Il-kunfidenza żejda man-nies m'għandekx xi tridha, għax jistgħu jabbużaw minnek eż. billi jisirquk f'darek stess.
Bieb ma’ ġenbek aħjar minn waħdek.
F'każ li jinqala' xi ħaġa, taf li għandek il-ġirien ħdejk.
Ftehima bejn tnejn isseħħ f’jumejn, bejn tlieta tieħu xahrejn.
Tnejn min-nies jiftiehmu malajr u aktar kemm iżżid nies, aktar isir diffiċli tiftiehem.
Ħabib fil-bżonn, ħabib tal-kunjom.
Il-ħbieb ta' veru huma dawk li ssibhom meta tiġi bżonnhom.
Anke fost l-appostli kien hemm Ġuda.
Dejjem ser issib min jittradik.
Dejjem jagħtu donnhom kelb u qattus.
Ma jiqfux jiġġieldu.
Dak li jkun tagħmillu mitt pjaċir u tonqsu darba kollox jispiċċa.
Għax tiżbalja mqar darba, in-nies jinsew il-pjaċiri kollha li tkun għamiltilhom qabel.
Ħadd ma jaħraq il-kamra li joqgħod fiha.
Meta xi ħadd ikun kompliċi f'xi ħaġa ħażina, mhux ser jikxef lill-kompliċi l-oħrajn għax ibati hu.
Il-ġara tgħallmek tgħammar.
In-nies ta' madwarek jgħallmuk kif tħares l-interessi tiegħek.
Ħobb lil ġarek iżda ddaħħlux f’darek.
M’hemmx kunfidenzi żejda mal-ġirien.
Aħjar tiswija ħażina milli sentenza tajba.
Aħjar issolvi kwistjoni barra mill-qorti biex ma teħilx flus żejda jekk ikollok tort.
Li kieku l-għira kienet bażwija, kieku kulħadd bażwi.
Min jgħir ħafna għalik, jasal biex saħansitra jgħir ukoll għall-ħażin tiegħek.
Ħares tajjeb lil darek u la tħallilx lil ġarek.
Ħu ħsieb l-affarijiet tiegħek u twaqqax lil ħaddieħor fit-tentazzjoni billi tħalli oġġetti ta' valur fid-deher.