Min ir-regħba qiegħda ġo fih jinbidilx.
Kategorija: ir-regħba
Għawdxi żokrati l-gremxul ħasbu kavati.
L-Għawdxin rgħiba ħafna. Kavati tfisser ftira.
Għal ħabba jqaxxar qamla.
Min jitqammel jaqa’ fl-esaġerazzjoni.
Għal ħabba bżar tilef il-borma.
Meta tkun rgħib tirriskja li titlef aktar milli takkwista.
Għajnejh ikbar minn żaqqu.
Il-gula tagħmel bih li jitfa’ fil-platt iżjed milli jiflaħ jiekol.
Dejjem juri l-qoħta għad li għandu l-ġid.
Min hu rgħib dejjem jagħmel taparsi m’għandux biex jgħix, minkejja li jkollu l-ġid. Il-qoħta tfisser skarsezza.
Ċawl u għorab, af illi jiekol, ma jitmax.
Min hu xħiħ jieħu dejjem u ma jagħti qatt.
Bieqjet ir-rgħib dejjem imbidda / vojta.
Qatt ma tieħu xejn mingħand min hu rgħib.
Aktar ma tħaddan, inqas tagħfas.
Aktar ma tkun trid affarijiet f’daqqa u dak il-ħin, inqas ikollok saħħa ġġorrhom u inqas tgawdi.
Aktar m’għandek, aktar trid.
Il-bniedem qatt mhu kuntent, dejjem irid iżjed.