Min hu rgħib ma jkunx jaf meta għandu jieqaf u jispiċċa jinqered.
kategorija
ir-regħba
Min jirgħeb għall-flus jintemm minħabba fihom.
Min ikun mogħmi bil-flus jispiċċa jieħu deċiżjonijiet b'konsegwenzi koroh ħafna. Jirgħeb għall-flus tfisser jagħmel għall-flus.
Min jiekol b’ixdqa tnejn fl-aħħar jifga u jibqa’ b’xejn.
Min jagħmel wisq għall-flus, xorta jispiċċa f'sitwazzjoni fejn jitlef kollox. Ixdqa huwa l-plural ta' xedaq.
Min jibża’ għall-ikel tal-qattusa jikluh il-ġrieden.
Min jibża' wisq għall-flus, xorta jispiċċa f'sitwazzjoni fejn jitlef kollox.
Min jaqbad ħafna ma jżomm xejn.
Min irid wisq (flus, fama, eċċ.) jispiċċa ma jkollu xejn, bl-istess mod li min jidħol għal wisq xogħol jispiċċa ma jleħħaqx miegħu. Jgħażżaż tfisser imexmex.
Min jaħtaf bosta jibqa’ b’xejn.
Min irid wisq (flus, fama, eċċ.) jispiċċa ma jkollu xejn, bl-istess mod li min jidħol għal wisq xogħol jispiċċa ma jleħħaqx miegħu. Jgħażżaż tfisser imexmex.
Min jaħfen wisq ma jgħażżaż xejn.
Min irid wisq (flus, fama, eċċ.) jispiċċa ma jkollu xejn, bl-istess mod li min jidħol għal wisq xogħol jispiċċa ma jleħħaqx miegħu. Jgħażżaż tfisser imexmex.
Min jaħfen wisq iħażżaq ftit.
Min irid wisq (flus, fama, eċċ.) jispiċċa ma jkollu xejn, bl-istess mod li min jidħol għal wisq xogħol jispiċċa ma jleħħaqx miegħu. Jaħfen tfisser jaqbad.
Min irid jaħfen kollox jispiċċa ma jaqbad xejn.
Min irid wisq (flus, fama, eċċ.) jispiċċa ma jkollu xejn, bl-istess mod li min jidħol għal wisq xogħol jispiċċa ma jleħħaqx miegħu. Jaħfen tfisser jaqbad.
Min iħażżaq wisq ma jaqbad xejn.
Min irid wisq (flus, fama, eċċ.) jispiċċa ma jkollu xejn, bl-istess mod li min jidħol għal wisq xogħol jispiċċa ma jleħħaqx miegħu.
Min għandu aktar irid.
Dejjem irridu aktar anke meta diġà għandna ħafna, għax qatt m'aħna kuntenti.
Min dari jagħti miet; baqa’ Qanċiċu li lanqas jagħti rmied.
Min kien imexxi qabel kien joħroġ iżjed flus minn dan ta' bħalissa, li jqanċeċ biss. Dari tfisser qabel.
Mewt ix-xħiħ bħal dbiħ il-ħanżir, il-werrieta ferħana se ttir.
Il-mewt ta' min hu xħiħ iġġib magħha l-ferħ, hekk kif il-werrieta jsibu x'jirtu wara mewtu.
Meta x-xħiħ jiftaħ idu, il-kemm ma tistax tgħidu.
Meta x-xħiħ jiddeċiedi li jagħti, qatt ma tista' tgħid kemm se jagħti għax mhux soltu tiegħu.
L-ilħiħ jegħleb lix-xħiħ.
In-nies wiċċhom tost idejquk iżjed min-nies rgħiba.
Kien xħiħ iqis u jkejjel, biex ħaduh il-bhejjem u hemm ħallewh għal dejjem.
Li tkun xħiħ ma jservi għalxejn, għax trid tmut bħal kulħadd u kollox warajk tħalli. Ħaduh il-bhejjem tfisser li ġibduh il-bhejjem fuq il-karru tal-mejtin, kif kienu jagħmlu dari.
Jarmi l-qoħta u jerfa’ l-ġid.
Min hu rgħib dejjem jagħmel taparsi m'għandux biex jgħix, minkejja li jkollu l-ġid. Il-qoħta tfisser skarsezza.
Ix-xħiħ għal ħabba jqaxxar qamla.
Ikollu kemm ikollu, ix-xħiħ jibqa' dejjem irid.
Ix-xħiħ għal ħabba jqalleb suq.
Ikollu kemm ikollu, ix-xħiħ jibqa' dejjem irid.
Ir-regħba tal-flus hija l-għerq ta’ kull deni.
In-nies jagħmlu ħafna għall-flus, u dan iwassal għal għawġ kbir.
Il-lħiħ jegħleb ix-xħiħ.
Aħjar ikollok x'taqsam ma' bniedem xħiħ milli ma' bniedem fitt. Lħiħ tfisser fitt.
Il-leħħa tegħleb ix-xeħħa.
Aħjar ikollok x'taqsam ma' bniedem xħiħ milli ma' bniedem fitt. Leħħa tfisser fittaġni.
Il-kelb tal-basal la jiekol u la jħalli min jiekol.
La ma nistax ingawdi xi ħaġa, mhux se nħalli lil ħaddieħor igawdiha lanqas.
Il-fqir dejjem irid.
Il-fqir dejjem għandu bżonn min jgħinu.
Il-fqir dejjem ilħiħ.
Il-fqir dejjem għandu bżonn min jgħinu. Ilħiħ tfisser rgħib.
Il-bniedem m’għandux xaba’.
Ir-regħba tal-bniedem hija kbira.
Iċ-ċawl u l-għorab jiekol u ma jitma’.
Dawn l-għasafar jieklu u jiġbdu lejhom biss, bħal min hu xħiħ.
Ħadd ma jgħid li għandu żżejjed.
Aktar kemm ikollok, aktar tkun trid. Qatt mhu biżżejjed.
Għorb u ċawl ma jġibu ebda risq.
Min ir-regħba qiegħda ġo fih jinbidilx.
Għawdxi żokrati l-gremxul ħasbu kavati.
L-Għawdxin rgħiba ħafna. Kavati tfisser ftira.
Għal ħabba jqaxxar qamla.
Min jitqammel jaqa' fl-esaġerazzjoni.
Għal ħabba bżar tilef il-borma.
Meta tkun rgħib tirriskja li titlef aktar milli takkwista.
Għajnejh ikbar minn żaqqu.
Il-gula tagħmel bih li jitfa' fil-platt iżjed milli jiflaħ jiekol.
Dejjem juri l-qoħta għad li għandu l-ġid.
Min hu rgħib dejjem jagħmel taparsi m'għandux biex jgħix, minkejja li jkollu l-ġid. Il-qoħta tfisser skarsezza.
Ċawl u għorab, af illi jiekol, ma jitmax.
Min hu xħiħ jieħu dejjem u ma jagħti qatt.
Bieqjet ir-rgħib dejjem imbidda / vojta.
Qatt ma tieħu xejn mingħand min hu rgħib.
Aktar ma tħaddan, inqas tagħfas.
Aktar ma tkun trid affarijiet f'daqqa u dak il-ħin, inqas ikollok saħħa ġġorrhom u inqas tgawdi.
Aktar m’għandek, aktar trid.
Il-bniedem qatt mhu kuntent, dejjem irid iżjed.