Min jaħli l-flus ikun qed jiftaqar.
Eħġem la ssib għax jasal ir-Randan.
Faddal il-flus biex meta tiġi bżonnhom issibhom. Eħġem huwa l-imperattiv tal-verb ħeġem.
Kategoriji: il-flus | ir-reliġjon
Dak minn xelin jonqsu ħdax-il sold, dejjem minn irbiegħi jonqsu dsatax-il ħabba.
Min m'għandux flus ma jistax jiddeverti. Xelin kien fih tnax-il sold u l-irbiegħi kien fih għoxrin ħabba - kienu l-flus Ingliżi li kienu jintużaw Malta fil-Perjodu Kolonjali.
Aħżen il-muna u mur ċeppuna.
Qabel ma tagħmel xi bluha li ħabba fiha tmur il-ħabs, qis li familtek ikollha l-mezzi biex tgħix.
Ħmar imgħobbi bil-flus imur bihom fil-miżbla fejn hu mdorri.
L-injorant ma jafx jiddistingwi bejn x'inhu ta' valur u x'mhux.
Il-flus qegħdin biex tonfoqhom.
Avolja jkollok il-flus, trid tkun taf tgawdihom.
Ilbieraħ ibigħ il-marinat u llum ta’ abbet għax it-trovatura sab.
Hemm min jirnexxilu jagħmel suċċess biż-żmien. Abbet tfisser sinjur u trovatura tfisser teżor.
Il-flus jagħmlu l-flus, u d-dud jagħmlu d-dud.
Min għandu l-flus jista’ jagħmel li jrid, u min m'għandux jibqa’ b’xejn.
Il-flus huma l-ħbieb tal-ħalliel.
In-nies ħżiena dejjem ikollhom iżjed flus min-nies twajba.
Il-flus imorru u jiġu.
Jekk titlef il-flus, dejjem tista’ terġa’ taħdem għalihom.
Drabi magħkus u drabi butu jagħmar il-flus.
Jiġu drabi fejn ikun komdu fil-flus u oħrajn fejn ibati.
Ħabib il-but.
Ibża' għal butek, tberbaqx flus.
Il-flus għandhom il-ġwienaħ.
Il-flus malajr jisparixxu malli tibda tonfoqhom.
Aħżen il-muna u mur ċeppuna.
Qabel ma tagħmel xi bluha li ħabba fiha tmur il-ħabs, qis li familtek ikollha l-mezzi biex tgħix.
Għall-fqir il-qamar musbieħ u l-basal tuffieħ.
Hemm min tant m'għandux biex li lanqas il-bażiku bħad-dawl (il-musbieħ) u l-ikel (it-tuffieħ) ma jaffordja.
Il-flus għandhom iċ-ċirku u għalhekk jaqbdu n-niżla.
Il-flus malajr jisparixxu malli tibda tonfoqhom.
Il-fqir kollox jara kbir.
Għall-fqir kollox jiswa wisq flus.
Is-sinjur imutulu t-tfal u l-fqir imutlu l-ħmar.
Dari min ma kellux flus u kien imutlu l-ħmar, kienet xi ħaġa kbira - daqslikieku mietlu tifel. Normalment, is-sinjuri kienu jmutulhom it-tfal.
Aħjar nagħmillek libsa nkella nitimgħek.
Lil min iħobb żaqqu tiffranka l-flus jekk tonfoqlu l-flus fil-ħwejjeġ milli fl-ikel.
Is-siba kien u jkun, imma l-ħlas fl-aħħar irid ikun.
Għalxejn tippostponi d-djun li għandek, xi darba jew oħra jridu jitħallsu. Siba (bl-aċċent fuq it-tieni sillaba) tfisser ħlas li jasal aktar tard.
Il-ħobż artab biex tieklu, iżda iebes biex taqilgħu.
Biex taqla' l-flus diffiċli, iżda biex tonfoqhom faċli ħafna.
Il-ġuħ iqabbeż lil kulħadd.
Meta ma jkollokx biex tixtri mqar x'tiekol, minn kollox tagħmel.