Il-flus malajr jisparixxu malli tibda tonfoqhom.
Is-silla kibret u l-ħmar tiegħi ma jsibx jirgħa.
Għal xi nies sfortunati, ta' madwarhom ifuru bil-ġid u huma jibqgħu b'xejn.
Il-ħobż artab biex tieklu, iżda iebes biex taqilgħu.
Biex taqla' l-flus diffiċli, iżda biex tonfoqhom faċli ħafna.
Il-flus mhumiex ta’ min jagħmilhom, iżda ta’ min igawdihom.
Avolja jkollok il-flus, trid tkun taf tgawdihom.
Ix-xewqat ma jimlewx il-but.
Bix-xewqat ma taqlax flus.
B’xejn ma jsir xejn.
Bla flus ma tagħmel xejn.
Is-sieqja tajba iżda l-bir miksur.
Il-ġenituri, speċjalment dawk stabene, jafdaw wisq flus f'idejn uliedhom u jonfquhom bl-addoċċ, bħal bir li ma jżommx ilma.
Eħġem la ssib għax jiġi li jkollok issum bla ma trid.
Faddal il-flus biex meta tiġi bżonnhom issibhom. Eħġem huwa l-imperattiv tal-verb ħeġem.
L-ixkupi mill-ġummar isiru.
Imbilli titwieled f'ambjent ta' faqar ma jfissirx li ma tistax tirnexxi xorta waħda fil-ħajja. Il-ġummar huwa tip ta' siġra, Chamaerops humilis.
Erfa’ u sorr għal meta tiġi bżonn.
Faddal il-flus għax ma tafx x'għad tiġi bżonn.
Il-flus la jgħajtu u lanqas iwerżqu.
Qatt ma tista’ tkun taf dak li jkun kemm għandu flus, jew kemm hu bniedem twajjeb.
Id-dejn tħallsu darbtejn.
Id-dejn jiġi jiswiek ħafna fuq żmien twil.
Bil-għaqal tħassel il-ġid.
Trid tkun bil-għaqal fil-flus biex tgħix bla inkwiet.
Il-ħela jfaqqar.
Min jaħli l-flus ikun qed jiftaqar.
Jekk ta’ xejn aħslu u erfgħu.
Ħadd ma jagħmillek biċċa xogħol bla flus.
Fejn m’hemmx bini u ħamrija m’hemmx sinjurija.
Min għandu l-artijiet u l-proprjetà għandu l-flus.
Flusek mitraħ tax-xewk.
Il-flus iġibuk f’inkwiet kbir. Mitraħ huwa saqqu.
Aħdem għal ħabba u għodd ruħek mal-battal.
Aħjar taħdem għal ftit flus milli toqgħod ma tagħmel xejn.
Aħjar taqtagħlu libsa milli tistiednu.
Lil min iħobb żaqqu tiffranka l-flus jekk tonfoqlu l-flus fil-ħwejjeġ milli fl-ikel.
Il-fqir dejjem irid.
Il-fqir dejjem għandu bżonn min jgħinu.
L-għaks jiżrob il-qalb.
Il-faqar iġib id-dwejjaq. Jiżrob ġejja minn żarab, li tfisser opprima.