Jeħtieġ li tieħu ħsieb saħħtek qabel ma timrad, u mhux wara meta jkun tard wisq.
kategorija
il-mard
Tistenniex li timrad biex tmur tiddewwa.
Il-ħażin li jista' jsir ħu ħsieb u ilqagħlu minn qabel, minflok tistenna li jseħħ u tipprova ssewwih.
Tisħitx il-qamar fl-art għax iġiblek għawġ u mard.
Superstizzjoni fejn kienu jemmnu li l-qamar għandu qawwiet misterjużi kbar, saħansitra li jġiblek ħafna mard u inkwiet jekk tisħtu.
Timxix ħafi għax il-flus taż-żarbun ma tfaddalhomx.
Il-flus onfoqhom biex tieħu ħsieb saħħtek, għax wara jkollok tonfoqhom fil-mediċini biex tfiq wara li jaqbdek xi ħaġa.
Tgħidx “Trid?” lill-marid.
Lil min hu marid għinu minn jeddek.
Tajtu pesta u tani ċmajra.
Tagħti kemm tiflaħ bl‑abbundanza iżda toħroġ diżappuntat meta tieħu lura bil‑wisq inqas milli stennejt.
Tajbin m’aħniex, ħżiena ma tantx u sejrin lura bħall-granċ.
Saħħitna tidher li sejra lura minflok tmur għall-aħjar.
Tagħti pesta u tieħu ċmajra.
Tagħti kemm tiflaħ bl-abbundanza iżda toħroġ diżappuntat meta tieħu lura bil-wisq inqas milli stennejt.
Riħ? Tlett ijiem biex jiġi, tlett ijiem sodda u tlett ijiem biex imur.
Meta jaqbdek riħ trid tieħu paċenzja u tħalli n-natura tieħu l-perkors tagħha biex jgħaddilek.
“M’isbaħ l-indafa,” qalet il-Maħmuġa.
L-indafa kulħadd japprezzaha, bl-istess mod li aħjar tevita l-inkwiet u ma tiċċappas b'xejn. M'isbaħ tfisser m'hemmx isbaħ minn.
Min jitbikkem, min jitbissem u min jiġġiddem.
Fi żmien il-kolera f'Malta, kien hemm min qabditu, min jinkwieta għal min qabditu u min hu kuntent li ma qabditux.
Min jiekol il-ħarrub jagħmel il-ħatab.
Min ma jikolx tajjeb, jagħmel ħsara kbira lil ġismu u jimrad.
Min imut jistrieħ u jserraħ.
Persuna tistrieħ f'mewtha u sserraħ lil dawk ta' madwarha li kellhom iduru biha.
Min ikun muġugħ jokrob.
Kulħadd għandu raġuni għaliex jilmenta.
Min għandu l-uġigħ ibati bl-irjieħ.
Min ikun marid ikun ibati iżjed bil-burdati (= l-irjieħ).
Mhux kull ħożża tostor il-bażwa.
Kull marda għandha l-kura speċifika tagħha, bħalma kull sitwazzjoni għandha s-soluzzjoni speċifika tagħha.
Meta l-marda tkun magħrufa, nofs il-kura lesta.
Meta tidentifika l-marda, tkun taf kif għandek tfejjaqha.
Meta jkollok xi kankru bil-mod teħles minnu.
Meta jkollok problemi kbar, fosthom dawk ta' saħħa, idumu biex jissolvew.
L-isbaħ l-indafa, qal Maħmuġa.
L-indafa kulħadd japprezzaha, bl-istess mod li aħjar tevita l-inkwiet u ma tiċċappas b'xejn.
Lill-marid tgħidlux “Tridx?”; flok issaqsih, aqbad u tih.
Lil min hu marid għinu minn jeddek.
Kull marid għandu d-duwa tiegħu.
Kull problema għandha bżonn soluzzjoni partikolari.
Kulħadd huwa t-tabib tiegħu nnifsu.
Ħadd ħliefek ma jkun jaf eżatt x'qed tħoss meta tkun marid, u jekk tkunx qed tfiq.
Kulħadd b’xi għilla, min bis-sabar u min bil-qilla.
Kulħadd għandu t-taqbida tiegħu fil-ħajja, hemm min jieħu paċenzja u hemm min jirrabja. Għilla tfisser mard.
Jekk il-pest irid fils minnek, tnejn agħtih inkella jieħdok.
Żomm 'il bogħod minn min iħobb jaqla' l-inkwiet. Pest hija l-marda tal-pesta u fils huwa tip ta' munita antika.
Jekk il-marda tidħol ’il ġewwa għalxejn tibgħat għat-tabib.
Meta timrad, qis li tieħu azzjoni fil-waqt biex tfiq malajr, għax wara jkun tard wisq.
Iż-żgħar ħobż u xuwa, il-kbar ħobż u duwa.
Meta jkollok it-tfal, ikollok isseffaq wiċċek mal-problemi tagħhom ħajtek kollha. Xuwa hija xi ħaġa pjaċevoli u duwa hija mediċina.
Ix-xorb raġel min ibigħu, mhux min jixorbu.
Min ibigħ ix-xorb jaqla' ħafna flus, iżda minn jikkunsmah ibati għax saħħtu tmur lura.
It-testment trid tagħmlu meta tkun għadek tiflaħ tiekol ir-ravjul.
Agħmel it-testment mill-aktar fis, meta tkun għadek fiżikament u mentalment f'saħħtek.
Ir-roqgħa u d-duwa fil-waqt tajbin.
Għandek traqqa' biċċa ħwejjeġ u tieħu l-mediċina fil-pront, għax wara jkun tard wisq.
Ir-riħ tax-xirokku jġiegħel lill-ernjużi jdoqqu.
Ir-riħ mix-Xlokk ma jagħmilx ġid lil dawk li jkunu morda bl-ernja (= il-bażwa). Idoqqu fis-sens ta' jilmentaw.
Ir-riġel irid is-sodda u l-id trid il-maktur.
Tipi differenti ta' wġigħ jeħtieġu tipi differenti ta' kura. Bl-istess mod, kull sitwazzjoni jeħtieġ li tissolva skont x'inhi.
Il-marid kollox idejqu.
Min hu marid ikun wisq iffukat fuq id-dwejjaq tiegħu.
Il-marid jgħid ajma.
Min hu marid ħallih jesprimi d-diqa tiegħu.
Il-mard ħallih jitqalleb.
Min hu marid ħallih jesprimi d-diqa tiegħu.
Il-marda li wieħed l-aktar jibża’ minnha x’aktarx imut biha.
Hemm min tant jibża' minn xi marda li jistħajjilha qabditu tassew.
Il-mard jidħol bid-debba u joħroġ bin-nemla.
Il-mard jiġi malajr u jdum biex jgħaddi.
Il-mard jidħol bl-irtal u joħroġ bl-uqija.
Il-mard jiġi meta ma tkunx qed tistennieh u jdum biex jgħaddi. "Irtal" (pl.ta' ratal) u "uqija" huma kejl tal-użin, fejn uqija hija 1⁄30 ta' ratal.
Il-mard irid iż-żmien u d-duwa.
Meta timrad għandek tieħu paċenzja u tagħtih ċans jgħaddilek, waqt li tieħu l-mediċini (duwa) li hemm bżonn.
Il-mard ikerrah u jbellah.
Il-mard jaffettwana fiżikament u mentalment.
Il-mard Alla jibagħtu.
Dari kienu jemmnu li Alla jibgħat il-mard biex napprezzaw iżjed is-saħħa.
Il-maħsus u l-imdejjaq ħajrhom batal.
Min jitlef saħħtu ma jkunx jista' jgawdi l-ħajja. Maħsus tfisser marid.
Il-kotra għal-Lazzarett, u mhux ħlief tara xi katalett.
Fi żmien il-kolera, kienu mardu ħafna nies biha u ttieħdu l-Lazzarett. Katalett kien karru li fl-antik kienu jinġarru fih il-morda u l-mejtin.
Il-ħmar ix-xiħ issa jorqos u issa jistrieħ.
Meta nixjieħu nibdew nimirdu iżjed u nitilfu saħħitna. Jorqos tfisser izappap.
L-hemm jiġi bil-ħemel u jmur bl-uqija.
L-inkwiet jitqabbel mal-mard, jiġi meta ma tkunx qed tistennieh u jdum biex jgħaddi. Ħemel tfisser tagħbija kbira. Uqija hija kejl tal-użin (ounce).
Il-fellieħ jobgħod is-sellieħ.
Min huwa b'saħħtu (fellieħ = wieħed li jiflaħ) ma jistax għal min huwa dgħajjef u marid (sellieħ = wieħed marid).
Il-bniedem mimli bl-għilla.
Il-bniedem mard u xorti ħażina għandu.
Il-bażwi jkun jaf x’riħ hu.
Dari kienu jemmnu li l-morda kienu jħossu r-riħ idur.
Il-bassas is-sogħla jonqsu.
Min ikun marid ikun diġà dgħajjef ħafna u bħal xejn jirkadi jew imur għall-agħar.
Jgħidu “Trid?” il-marid.
Għin lil min hu marid, iżda wkoll lil kull min tara fil-bżonn.
Id-duwa mhix xuwa.
Biex tfiq ikollok tieħu l-mediċina.
Id-duwa ogħla mix-xahar.
L-għajnuna soċjali li jagħti l-gvern kull xahar jaf ma tkunx biżżejjed biex tkopri l-ħtiġijiet ta' min m'għandux ħafna flus. Duwa tfisser mediċina.
Ħawsla tajba, ġewnaħ miksur.
Hemm min jimrad, iżda xorta ma jaqtax l-aptit.
Għal ruħek aħseb li qed tmut dejjem; għal ġismek aħseb li ma tmut qatt.
Jeħtieġ li tieħu ħsieb is-saħħa spiritwali daqs is-saħħa fiżika.
Għajnejn morda ma jridux dawl.
Xi ħadd konxju mid-difetti tiegħu toqgħodx issemmihomlu.
Aħjar bl-aptit inkella bit-tabib.
Meta tkun f’saħħtek tkun f’aptitek.
Aħjar f’aptitek inkella b’tabibek.
Meta tkun f’saħħtek tkun f’aptitek.
Aħjar tħallas lill-furnar milli lit-tabib.
Dejjem aħjar tonfoq flusek fl-ikel milli biex tmur għand it-tabib.
Agħmel ħbieb mat-tabib qabel ma tkun marid.
L-għażliet it-tajba għal saħħtek għandek tagħmilhom qabel timrad.
Is-saħħa tkun taf kemm tiswa meta titlifha.
Għandek toqgħod attent għal saħħtek, għad jasal mument fejn titlaqlek.
It-tfal bħall-ħabaq, jimirdu u jfiqu malajr.
It-tfal jimirdu spiss imma malajr jgħaddilhom.
Il-mewt dejjem b’xi għilla.
Il-mewt tiġi wkoll minħabba l-mard. Għilla tfisser marda.
Marzu, il-flissjonijiet komuni bħax-xebbiet.
F’Marzu ħafna taqbadhom il-flissjoni.
Dehxa ta’ Jannar fawra minn lewn in-nar.
Id-dehxa ta’ Jannar tirreferi għall-ħożba, li biha jitilgħulek ħafna tikek ħomor.
Alla jiftaħ u Alla jsewwi, in-nies rieqda u t-tabib idewwi.
It-tabib ma jistax ifejjaq nies mingħajr l-għajnuna t’Alla.
Il-qwiel kollha, f’post wieħed.