Il-flus mhumiex ta’ min jagħmilhom, iżda ta’ min igawdihom.Avolja jkollok il-flus, trid tkun taf tgawdihom.
Aħjar għandek tieħu mingħand ħalliel milli għandek tagħti lill-kappillan.Dari kien hawn ħafna dejn mal-Knisja, li kellu jitħallas bilfors.
Dak minn xelin jonqsu ħdax-il sold, dejjem minn irbiegħi jonqsu dsatax-il ħabba.Min m'għandux flus ma jistax jiddeverti. Xelin kien fih tnax-il sold u l-irbiegħi kien fih għoxrin ħabba - kienu l-flus Ingliżi li kienu jintużaw Malta fil-Perjodu Kolonjali.
