Settembru
Dak li jagħqad sa San Mikiel jidħol fil-miżien.
Dak li jinħasad sal-aħħar ta’ Settembru (eż. l-patata) tajjeb ukoll u tista’ tbigħu.
F’Settembru għas-salarju jmur kull membru.
F’Settembru jkun wasal iż-żmien li l-ħaddiema jitħallsu tax-xogħol li jkunu għamlu fix-xhur ta’ qabel (fil-biedja speċjalment).
F’Tal-Vitorja l-baħar jitla’ fl-għolja.
Il-baħar jibda jitqawwa fil-Vitorja, li tiġi fit-8 ta’ Settembru.
Ir-rimi tal-berwieq u t-tewm safi f’werqu.
Il-berwieq (Asphodelus ramosus) u t-tewm tarahom jinbtu f’Marzu u jilħqu f’Settembru.
Ix-xahar tal-Vitorja l-ħalib itir fl-arja.
Dari l-prezz tal-ħalib kien jiżdied ġmielu f’Settembru minħabba li kien ikun hemm inqas provvista. Ix-xahar tal-Vitorja jirreferi għal Settembru.
Jekk il-qamar ta’ Settembru jimla bix-Xlokk, jagħmel ix-Xlokk seba’ xhur fis-sena.
Jekk f’Settembru jkun qamar kwinta bir-riħ mix-Xlokk, jibqa’ jagħmel riħ mix-Xlokk seba’ xhur wara.
Konz ta’ Settembru jgħabbi bil-gziez, konz ta’ Diċembru hu wisq bil-qies.
Jinqabdu ħafna iżjed lampuki f’Settembru milli f’Diċembru.
Li jagħqad f’San Mikiel jidħol fil-miżien.
Dak li jinħasad sal-aħħar ta’ Settembru (eż. l-patata) tajjeb ukoll u tista’ tbigħu.
Qamar Settembru jiġbed sebgħa warajh.
Il-qamar ta’ Settembru juri x’temp ser jagħmel fix-xhur li ġejjin.
Settembru Settembrina, jibdlilna s-sala mal-kantina.
Dari kienu jinżlu fil-kantina biex jaħarbu mir-riħ isfel ta’ Settembru.
Wara l-beraq jiġi l-meraq.
Ix-xita li tagħmel f’Settembru tgħin biex iħaxxen ir-rummien.
Xahar tal-għeneb, xahar ta’ riħ isfel; l-għassara jitolbu għalih.
Ix-xahar ta’ Settembru jkun bir-riħ isfel u huwa wkoll ix-xahar ideali biex tagħsar l-għeneb.
Xemx ta’ Settembru tiftaħ il-bibien u r-rixtellu.
F’Settembru jagħmel ħafna riħ qawwi mix-Xlokk.
Xita f’Settembru meraq tajjeb f’Novembru.
Ix-xita ta’ Settembru tħaxxen il-frott f’Novembru.
Il-qwiel kollha, f’post wieħed.