Il-flus jagħmlu l-flus, u d-dud jagħmlu d-dud.Min għandu l-flus jista’ jagħmel li jrid, u min m'għandux jibqa’ b’xejn.
Il-flus u l-qdusija t-tnejn moħbija.Qatt ma tista’ tkun taf dak li jkun kemm għandu flus, jew kemm hu bniedem twajjeb.
Bil-grazzi ma timliex żaqqek.Meta tagħti servizz lil xi ħadd, tistenna li titħallas għax bil-grazzi biss ma tgħixx.
Ix-xebgħan ma jagħdirx lill-ġewħan.Min għandu ħafna flus (= ix-xebgħan, imxebba' minn kollox) ma jagħdirx lil min m'għandux (= il-ġewħan, bil-ġuħ).
