Ma tistax tagħmel żewġ affarijiet opposti fl-istess ħin.
kategorija
ix-xitan
L-imżattat sa mix-xitan mibgħud.
In-nies prużuntużi lil kulħadd idejqu.
L-għaġuża eħżen mix-xitan.
L-anzjani makakki u ma tagħmilx bihom li trid. Għaġuża hija mara xiħa.
Kif tagħlaq iċ-ċinkwanta, ix-xitan jibda jittanta.
Malli tagħlaq ħamsin sena, jibda ġej ħafna mard.
Ix-xitan li jdoqq it-trumbetta jaqbad miegħek lambranzetta.
Ħabib wiċċ b’ieħor ixandrek ma’ kulħadd u wara jiġi jilgħabha ta’ ħabibek.
Is-supperv lanqas ix-xitan ma jaħmlu.
In-nies suppervi tant jimbuttawk li saħansitra anke lix-xitan idejqu.
Il-ħbiberija tax-xitan twassal sal-bieb tal-ħabs.
Jekk tippreferi tagħmel il-ħażin, xi darba għad tieħu l-kastig li jkun ħaqqek.
L-għaġla mix-xitan.
L-għaġla bħax-xitan, iġġegħelna nagħmlu l-affarijiet ħażin.
Il-ġenna ma jidħlux xjaten.
Ix-xitan jagħmel li jrid bil-bniedem, iżda mhux b'Alla. Dan ifisser li xi darba t-tajjeb għad jirbaħ fuq il-ħażin.
Id-dinja rota, in-nies imgħażel u x-xitan jagħżel.
Tul il-ħajja dejjem insibu xi ħaġa tittanta. Imgħażel huwa għodda għall-insiġ.
Ħobż ix-xitan ma jxabbax.
Dak kollu li tkun akkwistajt bid-diżonestà ma tgawdihx.
Ekonomija, ekonomija, imbagħad jiġi x-xitan jgħidlek dawn għalija.
Min hu rgħib ma jgawdix flusu għax ikollu jużahom għal xi ħaġa li ma stenniex.
Aħjar tikkmanda x-xjaten milli jikkmandawk l-anġli.
Aħjar tikkmanda inti u b'mod forsi mhux daqshekk tajjeb, milli jkollok issegwi l-kmand ta' ħaddieħor.
Raġel id-dar, xitan fuq xkaffa.
Raġel li joqgħod id-dar, joqgħod jindaħal lil martu.
In-nisa xibka tax-xitan.
In-nisa kapaċi jqarrqu bik daqs ix-xitan.
Il-mara li tilbes imqaċċat, max-xitan għamlet rabta.
Mara tal-affari tagħha dejjem tilbes deċenti.
Viva San Filep, la x-xitan irid hekk.
Ngħiduha lil xi ħadd li jkollna naqblu miegħu, anke jekk ma rridux.
Ix-xitan jibża’ mill-ilma mbierek.
Il-ħażin trid tiġġilidlu bit-tajjeb.
Ix-xitan ġie għal sehmu.
Xi ħaġa ħażina bilfors trid tinqala’ meta kollox ikun sejjer sew.
Ix-xitan jgħabbik, irikkbek u jħallik.
Wara li jkun waqqgħek fit-tentazzjoni, ix-xitan iħallek tbati l-konsegwenzi ta’ għemilek waħdek.
Aħjar nagħmilha mal-kbir milli miegħek.
Aħjar ikolli x’naqsam max-xitan milli miegħek.
Ix-xitan jaħleb bla mogħża.
Ix-xitan joħloq problemi li qatt ma tkun immaġinajt.
Ix-xitan l-ewwel jagħtik imbagħad idoqq it-trumbetta bik.
Wara li jkun waqqgħek fit-tentazzjoni, ix-xitan iħallek tbati l-konsegwenzi ta’ għemilek waħdek.
Ix-xitan jaf jagħmillek borma iżda ma jagħmillekx l-għatu.
Meta kollox ikun miexi sew, jinqalgħu problemi li ma tkunx qed tistenna.
Ix-xitan mhux ikrah daqs kemm ipinġuh.
In-nies iħobbu jesaġeraw il-ħażin.
Ix-xitan m’għandux ħalib u jagħmel il-ġbejniet.
Meta kollox ikun miexi sew, jinqalgħu problemi li ma tkunx qed tistenna.
Viva San Filep, la x-xitan irid hekk.
Ngħiduha lil xi ħadd li jkollna naqblu miegħu, anke jekk ma rridux.
Ix-xitan kelb u tgħidx kemm iħobb jinki.
Ix-xitan jgħir għall-bniedem u għalhekk jinkih u joħloqlu ħafna problemi.
Ix-xitan fuq il-gods il-kbir imur jagħmel.
Ix-xitan lis-sinjuri (il-gods) imur jagħtihom il-flus.
Ix-xitan ma jħalli lil ħadd bi kwietu.
Meta kollox ikun miexi sew, jinqalgħu problemi li ma tkunx qed tistenna.
Ix-xitan m’għandux ħalib u jrid iradda’.
Meta kollox ikun miexi sew, jinqalgħu problemi li ma tkunx qed tistenna.
Ix-xitan l-ewwel jagħmillek maskra, imbagħad ineħħihielek.
Wara li jkun waqqgħek fit-tentazzjoni, ix-xitan iħallek tbati l-konsegwenzi ta’ għemilek waħdek.
Alla fi lsienu u x-xitan f’qalbu.
In-nies wiċċ b’ieħor isemmu lil Alla, imma f’qalbhom ikun hemm il-ħażen.
Alla jibni knisja, ix-xitan itella’ kappella.
Il-ħażin dejjem lest biex jirbaħ fuq it-tajjeb.
Alla jagħti l-għama u x-xitan jaħbi l-ixkora.
Aktar ma tkun magħkus, aktar jgħakksuk.
Il-qwiel kollha, f’post wieħed.