Ix-xebgħan ma jagħdirx lill-ġewħan.Min għandu ħafna flus (= ix-xebgħan, imxebba' minn kollox) ma jagħdirx lil min m'għandux (= il-ġewħan, bil-ġuħ).
Mhux billi twaħħal l-ixkaffa, trid tqiegħed il-ħobż fuqha wkoll.Għall-għamara u t-tiżjin fid-dar ukoll irid ikollok il-flus.
Lill-fqir tikrilux bil-gallarija.Tistenniex affarijiet mingħand min taf li ma jistax jagħtihomlok, bħal min ma jiflaħx iħallas kera għolja.
Il-flus jagħmlu l-flus u d-dud jagħmel id-dud.Min hu għani jkompli jistagħna u min hu fqir ikompli jiftaqar.
