Tħallasx flus qabel ma tara l-oġġett f'idejk.
Bla spejjeż ma tagħmilx flejjes.
Trid tonfoq il-flus sabiex iddaħħal aktar flus.
Kategoriji: il-flus | in-negozju
Il-bejgħ konġunturi u ż-żwieġ bin-namuri.
Fin-negozju hemm element ta' xorti, iżda fiż-żwieġ jew hemm l-imħabba jew m'hemmx.
Fin-negozju moħħok irid ikun jilħaqlek.
Trid tħaddem moħħok u tkun makakk biex in-negozju li jkollok jirnexxi.
Kulħadd jiftaħar bil-bejgħa tiegħu.
Ħadd ma joqgħod iwaqqa' lilu nnifsu biex jidher agħar minn ħaddieħor.
Mill-ħabba ssir ċinkwina u miċ-ċinkwina jsir il-karlin.
Meta l-flus tħaddimhom tajjeb (f'investimenti, eċċ.) jiżdiedu. Ċinkwina kienet tiswa ħames ħabbiet u karlin kien jiswa għaxar ħabbiet; huma flus li kienu jintużaw Malta fi żmien il-ħakma Ingliża.
Mal-ħbieb m’hemmx negozju.
Il-ħbiberija mhix kumpatibbli man-negozju u l-flus.
L-għajta nofs il-bejgħ.
Li tirreklama s-servizzi jew in-negozju tiegħek ukoll importanti biex tirnexxi.
Il-kejl u l-għadd ma jistħu minn ħadd.
Kejjel u għodd bi preċiżjoni biex tkun taf l-affarijiet tiegħek u ma jqarrqux bik.
Fin-negozju m’hemmx ħbieb.
Fin-negozju l-flus jiġu qabel il-ħbieb.
Għall-bejjiegħ biżżejjed għajn waħda, għax-xerrej mitt għajn.
Min ibigħ jaf ikun irid jeħles mill-oġġett akkost ta’ kollox, u għalhekk ix-xerrej għandu joqgħod attent biex ma jitqarraqx.
L-għajta nofs il-bejgħ.
Li tirreklama s-servizzi jew in-negozju tiegħek ukoll importanti biex tirnexxi.
Il-bejgħ konġunturi u ż-żwieġ bin-namuri.
Fin-negozju hemm element ta' xorti, iżda fiż-żwieġ jew hemm l-imħabba jew m'hemmx.
Għand min jonqsu l-aħjar ma tistax issiblu aħjar.
Fin-negozju tixtrix mingħand min għandu reputazzjoni ħażina.
Fir-roħs ixtri, fil-għoli bigħ.
Fin-negozju, meta tixtri bl-irħis u tbigħ bl-għoli, tmur minn fuq.
Kulħadd jiftaħar bil-bejgħa tiegħu.
Ħadd ma joqgħod iwaqqa' lilu nnifsu biex jidher agħar minn ħaddieħor.
Kulħadd ifaħħar il-bejgħa tiegħu.
Ħadd ma joqgħod iwaqqa' lilu nnifsu biex jidher agħar minn ħaddieħor.
Bejjiegħ b’għajn waħda, xerrej b’seba’ għajnejn.
Min ibigħ jaf ikun irid jeħles mill-oġġett akkost ta' kollox, u għalhekk ix-xerrej għandu joqgħod attent biex ma jitqarraqx.
Il-ġobon Sqalli ftit qligħ iħalli.
Il-ġobon Sqalli kien jiswa ħafna biex jiġi impurtat, allura ftit li xejn kien iħallilu qligħ lil tal-ħanut. Dak li mhux vallapena, tagħmlux.
L-abjad xommu u erfgħu.
Drapp abjad malajr jitħammeġ, trid tieħu iżjed ħsiebu.
Bid-dieħel ħalli l-għanqbut jiddendel u bil-ħiereġ illustra l-post.
Meta tibda tagħmel il-flus tiftaħarx u meta tibda titlifhom ftaħar xi ftit biex ħadd ma jinduna.
Meta tixtri, ixtri għalik u għas-suq.
Meta tbigħ bl-ingrossa, jeħtieġ li tkun raġonevoli biex min jixtri mingħandek ikun jista' jaqla' xi ħaġa tal-flus wkoll.