Qatt ma tista’ tkun taf dak li jkun kemm għandu flus, jew kemm hu bniedem twajjeb.
B’demm il-fqir ġid qatt ma jsir.
Mhux sew li tagħmel il-flus minn fuq dahar min m'għandux biex.
Dak minn xelin jonqsu ħdax-il sold, dejjem minn irbiegħi jonqsu dsatax-il ħabba.
Min m'għandux flus ma jistax jiddeverti. Xelin kien fih tnax-il sold u l-irbiegħi kien fih għoxrin ħabba - kienu l-flus Ingliżi li kienu jintużaw Malta fil-Perjodu Kolonjali.
Aħjar ħobż u ġobon milli torta inkwiet.
Aħjar tgħix ħajja ta' fqir milli tkun tal-flus u mifni bl-inkwiet.
Il-ħobż iebes jew is-sikkina ma taqtax.
Min ma jaqlax biżżejjed flus ma jistax jgħix komdu.
Il-flus għandhom iċ-ċirku u malajr jaqbdu n-niżla.
Il-flus malajr jisparixxu malli tibda tonfoqhom.
Il-flus żerriegħa rqiqa, ma ssibhomx f’idejk.
Il-flus malajr jisparixxu malli tibda tonfoqhom.
Ħmar imgħobbi bil-flus imur bihom fil-miżbla fejn hu mdorri.
L-injorant ma jafx jiddistingwi bejn x'inhu ta' valur u x'mhux.
Aħdem imqar ftit u għodd mal-battal.
Aħjar taħdem għal ftit flus milli toqgħod ma tagħmel xejn.
Il-flus fis-senduq merfugħa għall-ħalliel, u mħaddmin jagħtu l-għeliel.
Il-flus agħmel xi ħaġa utli bihom, terfagħhomx id-dar. Għeliel huma interessi.
Aħjar torqod bil-ġuħ milli tkun midjun.
Il-ġuħ tissaportih, iżda l-għawġ li tidħol fih minħabba d-dejn diffiċli iżjed tissaportih.
Il-flus u l-qdusija t-tnejn moħbija.
Qatt ma tista’ tkun taf dak li jkun kemm għandu flus, jew kemm hu bniedem twajjeb.
Il-flus għandhom iċ-ċirku u għalhekk jaqbdu n-niżla.
Il-flus malajr jisparixxu malli tibda tonfoqhom.
Bil-flus tagħmel triq fil-baħar.
Bil-flus tagħmel kollox fid-dinja.
Il-ħofra aktar ma tqatta’ minnha aktar tikber.
Aktar kemm tberbaq flus, aktar tiftaqar.
Aktar ma niekol, inqas nara.
Jekk tiekol l-ikel kollu li jkollok fil-platt ma tibqax tarah, bl-istess mod li jekk tonfoq ġidek kollu ma jifdallek xejn.
Id-dar bħall-knisja, dejjem jonqosha.
Biex jinżammu fi stat tajjeb, id-djar u l-knejjes jeħtieġu ħafna flus.
Aħdem imqar ftit u għodd mal-battal.
Aħjar taħdem għal ftit flus milli toqgħod ma tagħmel xejn.
Il-kera jorqod miegħek u jqum qablek kuljum.
Il-kera aqbad u ħallasha biex ma jkollokx dejn.
Il-miġwieħ dejjem bla xaba’.
Min ma jkollux biex dejjem jonqsu xi ħaġa.
Ħmar imgħobbi bil-flus imur bihom fil-miżbla fejn hu mdorri.
L-injorant ma jafx jiddistingwi bejn x'inhu ta' valur u x'mhux.
Jew iftaħ idejk u ftaħar, jew agħlaqhom u nsatar.
Jekk se tagħmel xi ħaġa, onfoq il-flus u agħmilha sew inkella tagħmel xejn.