Min għandu l-flus jista’ jagħmel li jrid, u min m'għandux jibqa’ b’xejn.
Il-flus għandhom iċ-ċirku u għalhekk jaqbdu n-niżla.
Il-flus malajr jisparixxu malli tibda tonfoqhom.
Kategoriji: il-flus
Il-flus mhumiex ta’ min jagħmilhom, iżda ta’ min igawdihom.
Avolja jkollok il-flus, trid tkun taf tgawdihom.
Meta l-bir ikun miksur, l-ilma fih jintilef u jmur.
Mhux biżżejjed li taqla' l-flus, trid tkun kapaċi ma tberbaqhomx.
Flusek mitraħ tax-xewk.
Il-flus iġibuk f’inkwiet kbir. Mitraħ huwa saqqu.
Fejn tqarrem il-mogħża jinsteħet.
Min m'għandux flus jaħtaf kulma jsib quddiemu. Tqarrem tfisser tgerrem.
Il-ħofra aktar ma tqatta’ minnha aktar tikber.
Aktar kemm tberbaq flus, aktar tiftaqar.
Jew il-ħobż iebes jew is-sikkina ma taqtax.
Min ma tantx għandu flus, diffiċl jgħix komdu.
Id-dar bħall-knisja, dejjem jonqosha.
Biex jinżammu fi stat tajjeb, id-djar u l-knejjes jeħtieġu ħafna flus.
Aħjar ġerrejja tiġbor ġieħha milli fqir isir sinjur.
Aħjar il-ħażin li jsir tajjeb, milli l-fqir isir sinjur - il-flus jitilgħulu għal rasu.
Meta tikkoppa l-bozza, l-għani bir-rota u l-bidwi bil-kabozza.
Min għandu l-flus dejjem jgħix iżjed komdu minn min m'għandux. Il-bozza hija kontenitur tas-silġ li jkessaħ l-ilma jew l-inbid, u kabozza hija għamla ta' kowt.
Ħallas illum u ddejjen għada.
Xi nies jonfqu kulma jkollhom mingħajr ma jaħsbu fil-ġejjieni.
Geddumu fix-xgħir, ma jiftakarx f’meta kien fqir.
Issa li stagħna, nesieh iż-żmien fejn kien fqir u m'għandux simpatija għal ħaddieħor. Jekk ix-xgħir jikber u jasal sa geddumek, mela għandek il-ġid.
Aħkem meta ssib għax jiġi r-Randan barra minn żmienu.
Faddal il-flus għax ma tafx x'għad tiġi bżonn.
Il-fqir ħajtu kollha tinqir.
Il-fqir ikollu jlaqqat minn hawn u minn hemm biex ikampa.
Il-ħobż iebes jew is-sikkina ma taqtax.
Min ma jaqlax biżżejjed flus ma jistax jgħix komdu.
Is-sinjur imutulu t-tfal u l-fqir imutlu l-ħmar.
Dari min ma kellux flus u kien imutlu l-ħmar, kienet xi ħaġa kbira - daqslikieku mietlu tifel. Normalment, is-sinjuri kienu jmutulhom it-tfal.
Erfa’ u sorr għal meta tiġi bżonn.
Faddal il-flus għax ma tafx x'għad tiġi bżonn.
Ħmar imgħobbi bil-flus imur bihom fil-miżbla fejn hu mdorri.
L-injorant ma jafx jiddistingwi bejn x'inhu ta' valur u x'mhux.
Meta x-xott jixxarrab malajr jinxef.
Min hu fqir bil-ftit għajnuna li jingħata xorta ma jgħaddix.
Bil-ġmiel biss ma nimlewx żaqqna.
Fl-antik il-flus tad-dota kienu importanti ħafna fiż-żwieġ; is-sbuħija tal-mara ma kenitx biżżejjed.
Il-ħobż iebes jew is-sikkina ma taqtax.
Min ma jaqlax biżżejjed flus ma jistax jgħix komdu.