Sakemm għadek ħaj, aħseb fil-ħajja.
Il-mewt dejjem b’xi għilla.
Il-mewt tiġi wkoll minħabba l-mard. Għilla tfisser marda.
Il-mewt isserraħ u l-qawwa tferraħ.
La mmutu neħilsu mit-tbatija, imma sakemm jasal dak il-mument jeħtieġ ingawdu l-ħajja.
F’mewt ix-xiħ bħal fi dbiħ il-ħanżir; il-werrieta ferħana se jtiru.
Il-werrieta tax-xiħ, minflok jibkuh, jifirħu għaliex ser jirtuh. Dbiħ tfisser qtil.
B’riħ jew riefnu minn hawn għandna nsiefru.
Xi darba jew oħra rridu mmutu.
Aħna lkoll għal ġol-ħofra.
Il-mewt ma jaħrabha ħadd.
Aktar ma nikbru, aktar noqorbu.
Aktar ma jgħaddi ż-żmien, aktar noqorbu lejn il-mewt.
Bena u għalla, mar u ħalla.
Wara l-mewt, ikollok kemm ikollok trid tħallih warajk.
Il-mewt mixtieqa taqbeż mit-tieqa.
Aktar kemm tkun tixtieq lil xi ħadd mejjet, aktar idum ma jmut.
Ħadd ma mar u ġie.
Ħadd ma miet u reġa' lura.
Għasfur li daħal f’xibka qawwi li joħroġ minnha.
Fejn hemm il-ħajja għad hemm it-tama li l-affarijiet jitranġaw.
Aħjar is-safar mill-qabar.
Aħjar tkun taf li persuna ma tistax taraha għax siefret milli għax mietet.
Tiġieġa tal-furmarija jekk ma jmisshiex filgħodu, jmissha filgħaxija.
Kulħadd irid imut xi darba jew oħra. Il-furmarija tfisser l-isptar.
Il-mejjet joħroġ u s-sabar jidħol.
Wara mewtek, ħaddieħor jibda jinsiek bil-mod il-mod.
Aħna lkoll għal ġol-ħofra.
Il-mewt ma jaħrabha ħadd.
Ftakar x’kont u x’sejjer tkun u malajr tneħħi l-geddum.
Apprezza l-fatt li għadek ħaj u ħallik milli tagħmel id-dwejjaq.
Il-mejjet mal-mejjet u l-ħaj madwar l-imwejjed.
Sakemm għadek ħaj, aħseb fil-ħajja.
F’mewt ix-xiħ flok biki jkun hemm żfin.
Il-werrieta tax-xiħ, minflok jibkuh, jifirħu għaliex ser jirtuh.
Ħadd mhu għal hawn.
Ħadd ma jgħix għal dejjem.
Ftakar x’kont u x’sejjer tkun u malajr tneħħi l-geddum.
Apprezza l-fatt li għadek ħaj u ħallik milli tagħmel id-dwejjaq.
Tiknisx billejl biex ma teqridx l-ewwieħ it-tajba.
Superstizzjoni ta' dari fejn kienu jemmnu li jekk tiknes billejl iġġib il-mewt fil-familja.
Il-mewt mixtieqa taqbeż mit-tieqa.
Aktar kemm tkun tixtieq lil xi ħadd mejjet, aktar idum ma jmut.