Dari s-sajf kien ikun perjodu fejn min ma kellux biex kien ibati inqas, peress li t-temp ikun isbaħ. Kabozza hija għamla ta’ kowt.
Is-sinjur imutulu t-tfal u l-fqir imutlu l-ħmar.
Dari min ma kellux flus u kien imutlu l-ħmar, kienet xi ħaġa kbira - daqslikieku mietlu tifel. Normalment, is-sinjuri kienu jmutulhom it-tfal.
Għal min hu baħħ, aħjar iff inkella aħħ.
Min m'għandux jew ma jridx jonfoq flus (= baħħ), aħjar jeqred bis-sħana (= iff) milli bil-bard (= aħħ), għax il-ħwejjeġ jiswew il-flus.
L-irħis għali.
Ixtri oġġett ta' kwalità tajba u li jservi, għax tispiċċa tonfoq iżjed flus biex tibdel oġġett ta' kwalità inferjuri li jinkiser mill-ewwel.
Is-siegħ imlieh u li jibqa’ aħlih.
Trid l-ewwel tara kif ser tagħmel il-flus biex ikollok il-lussu tberbaqhom. Siegħ huwa unità ta' kejl tal-art (~187.4 m2).
Aħjar tkun tallab minn injorant.
Tallab forsi xi darba jsib xortih, l-injorant ma jitgħallem qatt.
Il-flus imorru u jiġu.
Jekk titlef il-flus, dejjem tista’ terġa’ taħdem għalihom.
Id fl-ilma ma tagħdirx id fin-nar.
Min huwa komdu fil-flus ma jagħdirx lil min forsi iżjed batut.
Meta tuża l-ħajta, qis li tkun tidħol f’ras il-labra.
Ara li tkun tiflaħ għall-ispiża li tkun dieħel fiha; b'mod ġenerali, ara li dak li tkun ser tagħmel tassew kapaċi għalih.
Jekk tħares lejn il-qamar u tmiss il-flus tul għomrok dejjem tbus.
Superstizzjoni fejn dari kienu jemmnu li jekk tħares lejn il-qamar u tmiss il-flus issib l-imħabba ta' ħajtek.
L-għani u l-fqir jeħtieġu ’l xulxin.
Is-sinjur jagħmel il-flus bis-saħħa tax-xogħol ta' min għandu inqas, u min għandu inqas jaqla' l-flus bis-saħħa tas-sinjur.
Bil-ġmiel biss ma nimlewx żaqqna.
Fl-antik il-flus tad-dota kienu importanti ħafna fiż-żwieġ; is-sbuħija tal-mara ma kenitx biżżejjed.
Il-flus u t-tjieba t-tnejn giddieba.
Qatt ma tista’ tkun taf dak li jkun kemm għandu flus, jew kemm hu bniedem twajjeb.
Il-flus ma ssibhomx fit-triq.
Il-flus trid taħdem għalihom.
Id fl-ilma ma tagħdirx id fin-nar.
Min huwa komdu fil-flus ma jagħdirx lil min forsi iżjed batut.
Meta l-qarnita ma ssibx aktar x’tiekol, iddur għal subgħajha.
Min ma jibqagħlux flus, ikollu jieħu minn ġewwa biex ikampa.
La tislifx lil min ma tistax tħarrek għax tinħan.
Issellifx flus lil min taf li ma jistax iroddhomlok lura, lanqas jekk tiftaħlu kawża l-qorti.
Jew iftaħ biebek u ftaħar, jew agħlqu u nsatar.
Jekk se tagħmel xi ħaġa, onfoq il-flus u agħmilha sew inkella tagħmel xejn.
Il-fqir sal-klieb jagħrfuh u jinbħu għalih.
Mill-ewwel tinduna li xi ħadd fqir minn ilbiesu.
Il-faqar iġib il-għaqar.
Min hu fqir ikompli jiftaqar. Għaqar tfisser miżerja.
Eħġem la ssib għax jiġi li jkollok issum bla ma trid.
Faddal il-flus biex meta tiġi bżonnhom issibhom. Eħġem huwa l-imperattiv tal-verb ħeġem.
Mingħajr xaħam ma tvarax.
Bla flus (= xaħam) ma tasal imkienl; ix-xaħam jirreferi b'mod indirett għat-tixħim, li mhux possibbli bla flus.