Bla flus ma tagħmel xejn.
Is-sinjur imutulu t-tfal u l-fqir imutlu l-ħmar.
Dari min ma kellux flus u kien imutlu l-ħmar, kienet xi ħaġa kbira - daqslikieku mietlu tifel. Normalment, is-sinjuri kienu jmutulhom it-tfal.
Aħjar ġerrejja tiġbor ġieħha milli fqir isir sinjur.
Aħjar il-ħażin li jsir tajjeb, milli l-fqir isir sinjur - il-flus jitilgħulu għal rasu.
Kull min għandu ta’ Bulebel, id-dinja tagħtih widen.
Min għandu l-proprjetà u l-flus ikollu r-rispett tan-nies. Ta' Bulebel tirreferi għall-proprjetà.
Fejn iżżarrad iċċarrat.
Min m'għandux flus kull ftit li jkollu jonfoq joħroġ minn qalbu.
Il-ħela jfaqqar.
Min jaħli l-flus ikun qed jiftaqar.
Il-flus urihom id-dlam biex juruk id-dawl.
Kun bil-għaqal biex meta tiġi bżonn il-flus issibhom.
Bil-grazzi ma timliex żaqqek.
Meta tagħti servizz lil xi ħadd, tistenna li titħallas għax bil-grazzi biss ma tgħixx.
Il-flus għandhom il-ġwienaħ.
Il-flus malajr jisparixxu malli tibda tonfoqhom.
Biex il-fqir jara xi faraġ il-fekruna trid titla’ t-taraġ.
Diffiċli ħafna li l-fqir isir sinjur, ix-xorti mhux dejjem tidħaqlu.
Aħdem għal ħabba u għodd ruħek mal-battal.
Aħjar taħdem għal ftit flus milli toqgħod ma tagħmel xejn.
Barmil bla qiegħ, titfa’ kemm titfa’ ma timlieh.
Hemm min mhux kapaċi jkun bil-għaqal fil-flus, malli jidħlu joħorġu.
Il-flus iġibu l-flus, u l-qamel iġib il-qamel.
Min għandu l-flus jista’ jagħmel li jrid, u min m'għandux jibqa’ b’xejn.
Il-flus għandhom iċ-ċirku u għalhekk jaqbdu n-niżla.
Il-flus malajr jisparixxu malli tibda tonfoqhom.
Is-siegħ imlieh u li jibqa’ aħlih.
Trid l-ewwel tara kif ser tagħmel il-flus biex ikollok il-lussu tberbaqhom. Siegħ huwa unità ta' kejl tal-art (~187.4 m2).
Il-fqir dejjem maħqur u b’rasu kollox idur.
Il-fqir jgħix ħajja ta' tbatija.
L-ilma fil-bir ma jaqtax l-għatx.
Min hu finanzjarjament batut għandu bżonn l-għajnuna, imqar biex jixtri x'jiekol u jixrob.
Aħjar għandek tieħu mingħand ħalliel milli għandek tagħti lill-kappillan.
Dari kien hawn ħafna dejn mal-Knisja, li kellu jitħallas bilfors.
Fejn iżżarrad iċċarrat.
Min m'għandux flus kull ftit li jkollu jonfoq joħroġ minn qalbu.
Biex il-fqir jara xi faraġ il-fekruna trid titla’ t-taraġ.
Diffiċli ħafna li l-fqir isir sinjur, ix-xorti mhux dejjem tidħaqlu.
Li fis-sajf iġġorr in-nemla, fil-ħarifa tkaxkru l-ħamla.
Inti taħdem u tistinka biex tfaddal, u l-membri ingrati ta' familtek iberbqulek kollox. Il-ħamla huwa dak kollu li jġorr miegħu l-ilma meta tagħmel ħafna xita.
Ħadd ma jkollu borża flus għat-telf.
Ħadd ma jagħmel apposta biex jitlef flusu.