Il-flus malajr jisparixxu malli tibda tonfoqhom.
L-ikel ma jiġix mix-xejn.
L-ikel bil-flus jinxtara, u trid taħdem għalihom.
Marru ċ-ċrieket iżda baqgħu s-swaba’.
Ma jimpurtax jekk spiċċajt bla flus, erġa' ibda aħdem għalihom.
Bil-pont tas-sahra żżomm il-ħmara.
Jekk il-mara tkun taf tħit, il-familja tiffranka l-flus.
Jew iftaħ biebek u ftaħar, jew agħlqu u nsatar.
Jekk se tagħmel xi ħaġa, onfoq il-flus u agħmilha sew inkella tagħmel xejn.
Il-miġwieħ dejjem bla xaba’.
Min ma jkollux biex dejjem jonqsu xi ħaġa.
Ħabib il-but.
Ibża' għal butek, tberbaqx flus.
Jekk tixtri kulma tara, iżżarma l-għamara.
Kun bil-għaqal u ibża' għal flusek, għax xi darba jispiċċaw.
Il-flus għandhom iċ-ċirku u għalhekk jaqbdu n-niżla.
Il-flus malajr jisparixxu malli tibda tonfoqhom.
Il-flus isiru jew b’rebħa, jew b’xi wirta, jew b’xi sejba.
Issir sinjur huwa diffiċli ħafna sakemm ma tirbaħx xi lotterija, tiritx lil xi ħadd jew issibx il-flus xi mkien.
Il-ħobż tal-fqir iebes.
Min m'għandux flus jgħix ħajja ta' tbatija.
Dak li jħarbat u jqatta’ ma jibqagħlux biex jitgħatta.
Min iħarbat il-flus ma jifdallu xejn.
Il-flus iġibu l-flus, u l-qamel iġib il-qamel.
Min għandu l-flus jista’ jagħmel li jrid, u min m'għandux jibqa’ b’xejn.
Jew iftaħ biebek u ftaħar, jew agħlqu u nsatar.
Jekk se tagħmel xi ħaġa, onfoq il-flus u agħmilha sew inkella tagħmel xejn.
Ix-xita fil-baħar tinżel.
Aktar kemm ikollok flus, aktar tidħaqlek ix-xorti.
Għall-fqir il-qamar musbieħ u l-basal tuffieħ.
Hemm min tant m'għandux biex li lanqas il-bażiku bħad-dawl (il-musbieħ) u l-ikel (it-tuffieħ) ma jaffordja.
Ara taqbadx awwista għax flus fil-but takkwista.
Dejjem agħżel l-aktar ħaġa ta' valur.
Il-miġwieħ dejjem bla xaba’.
Min ma jkollux biex dejjem jonqsu xi ħaġa.
Il-flus jagħmlu l-flus, u d-dud jagħmlu d-dud.
Min għandu l-flus jista’ jagħmel li jrid, u min m'għandux jibqa’ b’xejn.
Il-flus mhumiex ta’ min jagħmilhom, iżda ta’ min igawdihom.
Avolja jkollok il-flus, trid tkun taf tgawdihom.
Il-flus jagħmlu l-flus u d-dud jagħmel id-dud.
Min hu għani jkompli jistagħna u min hu fqir ikompli jiftaqar.
Aħjar skud fil-but minn mija fis-senduq.
Aħjar ikollok iċ-ċertezza li xi ħaġa hija tiegħek, milli ma jkollok ebda ċertezza fuq ħafna affarijiet.