Ħmar imgħobbi bil-flus imur bihom fil-miżbla fejn hu mdorri.L-injorant ma jafx jiddistingwi bejn x'inhu ta' valur u x'mhux.
Għal min hu baħħ, aħjar iff inkella aħħ.Min m'għandux jew ma jridx jonfoq flus (= baħħ), aħjar jeqred bis-sħana (= iff) milli bil-bard (= aħħ), għax il-ħwejjeġ jiswew il-flus.
Mhux min jiftaħar għandu l-flus.Min għandu tassew il-flus, ma jippruvax jimpressjona bil-ftaħir għax m'għandux għalfejn.
L-ilma fil-bir ma jaqtax l-għatx.Min hu finanzjarjament batut għandu bżonn l-għajnuna, imqar biex jixtri x'jiekol u jixrob.
Il-flus u t-tjieba t-tnejn giddieba.Qatt ma tista’ tkun taf dak li jkun kemm għandu flus, jew kemm hu bniedem twajjeb.
