Jekk se tagħmel xi ħaġa, onfoq il-flus u agħmilha sew inkella tagħmel xejn.
Ħsieb il-fqir qatt ma jsir.
Min huwa fqir ma jista' jippjana xejn, għax m'għandux mezzi.
Il-faqar iġib l-ulied fil-għaqar.
Min hu fqir ikompli jiftaqar. Għaqar tfisser miżerja.
Il-prużuntuż għandu nofs flusu fil-kus.
Min jagħtih wiċċu jagħmel iżjed flus minn min joqgħod jistħi. Kus tfisser karus.
Meta tikkoppa l-bozza, l-għani bir-rota u l-bidwi bil-kabozza.
Min għandu l-flus dejjem jgħix iżjed komdu minn min m'għandux. Il-bozza hija kontenitur tas-silġ li jkessaħ l-ilma jew l-inbid, u kabozza hija għamla ta' kowt.
Aħżen il-muna u mur ċeppuna.
Qabel ma tagħmel xi bluha li ħabba fiha tmur il-ħabs, qis li familtek ikollha l-mezzi biex tgħix.
Il-miġwieħ dejjem bla xaba’.
Min ma jkollux biex dejjem jonqsu xi ħaġa.
Iż-żaqq tieħu li tagħtiha.
Tonfoqx iżżejjed fl-ikel.
Aħjar nagħmillek libsa nkella nitimgħek.
Lil min iħobb żaqqu tiffranka l-flus jekk tonfoqlu l-flus fil-ħwejjeġ milli fl-ikel.
Il-flus jagħmlu l-flus, u d-dud jagħmlu d-dud.
Min għandu l-flus jista’ jagħmel li jrid, u min m'għandux jibqa’ b’xejn.
Aħżen il-muna u mur ċeppuna.
Qabel ma tagħmel xi bluha li ħabba fiha tmur il-ħabs, qis li familtek ikollha l-mezzi biex tgħix.
Kellu s-sħiħ u għamlu riħ.
Berbaq flusu kollha.
Meta l-bir ikun miksur, l-ilma fih jintilef u jmur.
Mhux biżżejjed li taqla' l-flus, trid tkun kapaċi ma tberbaqhomx.
Il-faqar iġib il-għaqar.
Min hu fqir ikompli jiftaqar. Għaqar tfisser miżerja.
Meta l-missier jagħmel Karnival, l-ulied jagħmlu r-Randan.
Meta l-missier ma jkunx bil-għaqal fil-flus, tbati l-familja kollha.
Il-flus jagħmlu l-flus u d-dud jagħmel id-dud.
Min hu għani jkompli jistagħna u min hu fqir ikompli jiftaqar.
Il-ġuħ iqabbeż lil kulħadd.
Meta ma jkollokx biex tixtri mqar x'tiekol, minn kollox tagħmel.
Il-flus mhumiex kollox.
Il-kuntentizza tiegħek m’għandhiex tkun marbuta mal-flus.
Kellu s-sħiħ u għamlu riħ.
Berbaq flusu kollha.
Il-fqir sal-klieb jagħrfuh u jinbħu għalih.
Mill-ewwel tinduna li xi ħadd fqir minn ilbiesu.
Aħjar is-sisija mill-ħrit biż-żewġ fil-Ħemsija.
Aħjar minn jittallab għall-flus u jiddobba hekk, minn min irid ibati biex jaħdem ir-raba'. Sisija tirreferi għall-ġbir tal-flus.
Jekk tħares lejn il-qamar u tmiss il-flus tul għomrok dejjem tbus.
Superstizzjoni fejn dari kienu jemmnu li jekk tħares lejn il-qamar u tmiss il-flus issib l-imħabba ta' ħajtek.