Avolja jkollok il-flus, trid tkun taf tgawdihom.
La twaħħalx musmar f’dar is-sultan.
Tagħmilx xogħol f'post li tkun qed tikri, għax xejn ma tgawdi minnu u l-flus li tkun infaqt.
Il-flus dominanti u lill-għorrief jagħmluhom injoranti.
Il-flus lil kulħadd jagħmew, anke lin-nies intelliġenti.
Ix-xewqat ma jimlewx il-but.
Bix-xewqat ma taqlax flus.
Ħmar imgħobbi bil-flus imur bihom fil-miżbla fejn hu mdorri.
L-injorant ma jafx jiddistingwi bejn x'inhu ta' valur u x'mhux.
Li fis-sajf iġġorr in-nemla, fil-ħarifa tkaxkru l-ħamla.
Inti taħdem u tistinka biex tfaddal, u l-membri ingrati ta' familtek iberbqulek kollox. Il-ħamla huwa dak kollu li jġorr miegħu l-ilma meta tagħmel ħafna xita.
Aħżen la ssib għax jiġi żmien li ssum bla ma trid.
Faddal il-flus għax ma tafx x'għad tiġi bżonn.
Aħna niddejnuha biex ma nħallsuha.
Jingħad għan-nies li jiddejnu u ma jkunux kapaċi jħallsu wara.
Kellu s-sħiħ u għamlu riħ.
Berbaq flusu kollha.
Aħdem għal ħabba u għodd ruħek mal-battal.
Aħjar taħdem għal ftit flus milli toqgħod ma tagħmel xejn.
Il-ġuħ iqabbeż lil kulħadd.
Meta ma jkollokx biex tixtri mqar x'tiekol, minn kollox tagħmel.
Il-kera jorqod miegħek u jqum qablek kuljum.
Il-kera aqbad u ħallasha biex ma jkollokx dejn.
L-imgħakkes fqajjar, dak li fuqu senduqu.
Min m'għandux flus ma tantx għandu affarijiet oħra.
Aħjar taqtagħlu libsa milli tistiednu.
Lil min iħobb żaqqu tiffranka l-flus jekk tonfoqlu l-flus fil-ħwejjeġ milli fl-ikel.
Li jonqos fil-qadd imur fiż-żaqq.
Min m'għandux flus irid jagħżel bejn jixtri x'jiekol u jixtri x'jilbes.
Il-flus dominanti u lill-għorrief jagħmluhom injoranti.
Il-flus lil kulħadd jagħmew, anke lin-nies intelliġenti.
L-irħis għali.
Ixtri oġġett ta' kwalità tajba u li jservi, għax tispiċċa tonfoq iżjed flus biex tibdel oġġett ta' kwalità inferjuri li jinkiser mill-ewwel.
Il-flus fis-senduq merfugħa għall-ħalliel, u mħaddmin jagħtu l-għeliel.
Il-flus agħmel xi ħaġa utli bihom, terfagħhomx id-dar. Għeliel huma interessi.
Ix-xebgħan ma jagħdirx lill-ġewħan.
Min għandu ħafna flus (= ix-xebgħan, imxebba' minn kollox) ma jagħdirx lil min m'għandux (= il-ġewħan, bil-ġuħ).
Il-flus qegħdin biex tonfoqhom.
Avolja jkollok il-flus, trid tkun taf tgawdihom.
Jekk m’għandekx żejt fid-dlam torqod.
Bħalma jkollok id-dlam jekk ma jkunx hemm żejt fil-lampa, l-istess jiġrilek meta tkun bla flus.
Aħżen la ssib għax jiġi żmien li ssum bla ma trid.
Faddal il-flus għax ma tafx x'għad tiġi bżonn.