M'iniex ser nissagrifika l-kuntentizza tiegħi għal ħaddieħor.
Jekk tiġbed wisq tinqata’ l-ħajta.
Tesaġerax u tabbużax għax ikollok tbati l-konsegwenzi.
Kategoriji: il-prudenza | is-sens komun
Meta tagħti lili u nagħti lilek, la taħraq nar u lanqas seffud.
Meta nagħtu rigal lil xulxin, niġu qisna ma tajna xejn. Seffud huwa virga tal-metall li tintuża fit-tisjir il-forn jew fuq in-nar.
Kieku u kien qatt ma ltaqgħu flimkien.
Issa li sar sar, għalxejn toqgħod tinkwieta fuq dak li seta' kien.
Min imur bil-mod jasal kmieni.
Min jagħmel l-affarijiet bil-galbu u bil-qies ma jdumx ma jasal fejn jixtieq; min jipprova jgħaġġel, jieħu l-iżbalji u jaħli iżjed ħin.
Min jgħix bit-tama jmut bil-piena.
Min jittama mingħajr ma jieħu azzjoni ma jasal imkien.
Is-self ħu t-telf.
Meta tislef oġġett jew il-flus lil xi ħadd, tistenniex li se jroddhomlok lura malajr jew fl-istess stat tajjeb li tkun slifthulhom int.
Il-munxar għana u l-qaduma ħala.
Kun effiċjenti, bħas-serrieq (= munxar) li huwa iżjed effiċjenti mill-mannara (= qaduma).
Meta r-ras iż-żgħira tkun fil-glorja, ir-ras il-kbira titlef il-memorja.
Il-ġibda sesswali fil-bniedem tant hi qawwija li ma jibqax jirraġuna meta tiġi l-okkażjoni li jkollu x'jaqsam. Ir-ras iż-żgħira tirreferi għall-parti sesswali tar-raġel.
Bin-nies ma tistax tboss.
Ma tistax tagħmel li trid għax in-nies jgħidu bik.
Jekk ma tafx ħrafet pajjiżek, ħrafet min taf? Ħrafet qaddisek?
Il-Maltin għandhom ikunu jafu l-istorja ta' Malta (= ħrafet pajjiżhom).
Fid-dinja ma trid taħlef għal ħadd.
M'għandekx tafda għax kulħadd kapaċi jiżbalja.
Kull żmien żmienu.
Jeħtieġ li tadatta għal kull sitwazzjoni u ċirkostanza.
Billi tidħaq jew tinkwieta lanqas tixtri b’ħabba ftieta.
Għandek dejjem tuża s-sens komun fil-ħajja.
Kieku u kien qatt ma nstabu flimkien.
Issa li sar sar, għalxejn toqgħod tinkwieta fuq dak li seta' kien.
Drabi l-qalb taħber.
F'ċerti ċirkostanzi, faċli tobsor xi jkun se jiġri.
Il-lejl għandu wliedu suwed.
Isiru ħafna affarijiet ħżiena billejl, mela oqgħod attent(a).
Jew tkanta jew terfa’ s-salib.
Ma tistax tleħħaq ma' kollox f'salt.
Il-wiċċ li jindara bil-ħara jinxtara.
Il-kunfidenza żejda ġġib nuqqas ta' rispett.
Il-ħafi għama.
Min ma jiħux il-prekawzjonijiet neċessarji jkollu jbati l-konsegwenzi, bħal min joħroġ ħafi barra.
Jekk trid tiekol il-bajtar, itla’ aqta’ int.
Jekk biċċa xogħol diffiċli tridha ssir sew, agħmilha int u tqabbadx lil ħaddieħor.
Ix-xejn xejn.
Fid-dinja ħu pjaċir ukoll bl-affarijiet żgħar u tajbin li jiġrulek.