Biż-żmien kollox isir.
Il-bniedem jikber u l-qalb tiċkien.
Aktar kemm nixjieħu, aktar inħossuhom l-emozzjonijiet.
Insa l-warrani u aħseb f’li ġej.
Li ġara fil-passat tagħtix kasu iżjed, u aħseb fil-futur minflok.
Bikja u maħta u kollox imur fis-saħta.
Ħajjet il-bniedem qasira ħafna u mimlija tbatija. Fl-aħħar mill-aħħar, kulħadd imut u jintesa.
Iż-żmien li għaddej xi drabi aħjar milli ġej.
Aħjar dan iż-żmien li fih taf x'qed jiġri, miż-żmien li għadu ġej u li ma tafx x'se jsarraf.
Meta ħaġa ttul ixxebba’.
L-affarijiet iġġebbidhomx bla bżonn, eħlishom.
Iż-żmien għażiż u ma jinxtarax.
Jeħtieġ li ż-żmien tużah tajjeb, għax ma jerġax jiġi lura.
Jekk il-qaħba tkun xaħxeħija għaliha m’hemmx xjuħija.
Iż-żmien bħal donnu ma jilħaqx lill-prostituti li jieħdu ħsieb tagħhom infushom.
La ż-żmien itul il-qrun idur.
Ċerti fehmiet u drawwiet jinbidlu maż-żmien.
Il-paga għall-pjaga.
Il-paga mhix isservi biex il-familja tgħix komda.
Il-bniedem dejjem jibki lill-warrani.
In-nostalġija ġġiegħel lill-bniedem jara l-passat isbaħ mill-preżent.
Meta jkollok erbgħin sena jinqalagħlek qarn kull sena.
Malli tagħlaq l-erbgħin, kull sena tinqala' xi problema ta' saħħa.
L-imgħoddi nsieh, li ġej ftakar fih.
Tgħallem mill-iżbalji li għamilt fil-passat u ara li ma terġax tagħmilhom fil-futur.
Iż-żgħar jaħsbu li x-xjuħ boloh u x-xjuħ jafu li ż-żgħar boloh.
Iż-żgħażagħ jitqarrqu għax jaħsbu li l-anzjani boloh, iżda l-anzjani jafu biċ-ċert li ż-żgħażagħ boloh għax daqshom kienu xi darba.
Frotta misjura ruħha fi snienha.
Bħal frotta misjura li tkun waslet biex titħassar, il-ħajja tax-xiħ tkun waslet fl-aħħar.
Darbtejn insiru tfal.
Meta tixjieħ u titlef saħħtek tispiċċa tiddependi fuq ħaddieħor, bħat-tfal.
Iż-żmien ma jaħfirha lil ħadd.
Jeħtieġ li ż-żmien tużah tajjeb, għax ma jerġax jiġi lura.
Approfitta ruħek miż-żmien.
Taħlix żmien, użah tajjeb.
Bil-mod il-mod tasal.
Biż-żmien kollox jasal.
Frotta misjura ruħha fi snienha.
Bħal frotta misjura li tkun waslet biex titħassar, il-ħajja tax-xiħ tkun waslet fl-aħħar.
Darbtejn insiru tfal.
Meta tixjieħ u titlef saħħtek tispiċċa tiddependi fuq ħaddieħor, bħat-tfal.
Għaddew is-snin minn fuqek, issa fik jirgħa l-bebbux.
Is-sbuħija ta' meta tkun għadek żagħżugħ(a) mhix eterna, irridu nixjieħu u nikriehu.