Iż-żmien malajr jgħaddi.
Min għandu ħafna ġid jista’ jiżdiedlu, min għandu ftit jista’ jonqsu, iżda l-għomor jonqos żgur lit-tnejn.
Ikollok kemm ikollok flus, il-mewt ma jirbħilha ħadd.
Il-bniedem jikber u l-qalb tiċkien.
Aktar kemm nixjieħu, aktar inħossuhom l-emozzjonijiet.
Il-paga għall-pjaga.
Il-paga mhix isservi biex il-familja tgħix komda.
Fid-dinja idħaq għax jiġi żmien meta ma tistax.
Idħaq u fittex li tkun kuntent meta tista' għax il-ħajja qasira.
Alwett bil-gziez, xita bil-qliel.
Kollox għandu żmienu. L-alwett huwa tip ta' għasfur u joħroġ fit-temp milwiem.
Dak li ma sarx f’mitt sena mhux se tagħmlu f’jum.
Biex issir xi ħaġa hemm bżonn taż-żmien u l-paċenzja, ma tistax tagħmilha malajr biex teħles.
Meta jkollok erbgħin sena jinqalagħlek qarn kull sena.
Malli tagħlaq l-erbgħin, kull sena tinqala' xi problema ta' saħħa.
Iż-żmien itul u l-qrun idur.
Ċerti fehmiet u drawwiet jinbidlu maż-żmien.
Fid-dinja kollox jgħaddi.
Iż-żmien itaffi l-uġigħ u jnessihulna.
Fid-dinja kollox jgħaddi.
Iż-żmien itaffi l-uġigħ u jnessihulna.
Faddal għal meta tixjieħ.
Faddal il-flus biex la tirtira ssibhom.
Biż-żmien kollox jissewwa.
L-affarijiet jitranġaw biż-żmien.
Iż-żmien jagħti parir.
Biż-żmien tkun taf aħjar x'deċiżjoni għandek tieħu.
Iż-żmien ma jistenna lil ħadd.
Jeħtieġ li ż-żmien tużah tajjeb, għax ma jerġax jiġi lura.
Iż-żmien jiġri fuq id-debba.
Iż-żmien malajr jgħaddi.
Iż-żmien għama minn għajnu u trux minn widintu; daqqa hekk u oħra hekk.
Il-bidliet li ż-żmien iġibilna f'ħajjitna mhumiex dejjem faċli.
Mard il-kobor m’hemmx duwa għalih.
Ix-xjuħija ma tistax tfejjaqha.
Il-ħmar ix-xiħ issa jorqos u issa jistrieħ.
Meta nixjieħu nibdew nimirdu iżjed u nitilfu saħħitna. Jorqos tfisser izappap.
La għandek iż-żmien taħlihx.
Qis li ż-żmien tużah tajjeb.
Tikber u tinsa.
Iż-żmien inessina l-affarijiet koroh li jiġru fil-ħajja.
Iż-żmien jgħaddi u jnessi.
Iż-żmien itaffi l-weġgħat tal-passat.