Ċerti fehmiet u drawwiet jinbidlu maż-żmien.
Iż-żmien lil ħadd ma jkellem u jgħaddi bla ma jsellem.
Lanqas biss nindunaw kemm itir iż-żmien.
Kategoriji: iż-żmien
Iż-żmien li titlef ma terġax iġġibu.
Jeħtieġ li ż-żmien tużah tajjeb, għax ma jerġax jiġi lura.
Bikja u maħta u kollox imur fis-saħta.
Ħajjet il-bniedem qasira ħafna u mimlija tbatija. Fl-aħħar mill-aħħar, kulħadd imut u jintesa.
Bil-qajla l-qajla ssir il-bqajla.
Biż-żmien kollox isir.
Iż-żagħżugħ iferrħek u x-xiħ idejqek.
Iż-żgħażagħ iġibu magħhom il-ferħ għax għadhom fil-bidu ta' ħajjithom, filwaqt li x-xjuħ iġibu d-dwejjaq għax ikunu waslu fl-aħħar ta' ħajjithom. Sens ieħor huwa li l-ġdid dejjem jogħġobna iżjed mill-qadim.
Iż-żmien għaddej u dejjem taħseb f’li ġej.
Meta tgħaddi minn ħaġa għal oħra l-ħin kollu, iż-żmien malajr jgħaddi.
L-imgħoddi nsieh, li ġej ftakar fih.
Tgħallem mill-iżbalji li għamilt fil-passat u ara li ma terġax tagħmilhom fil-futur.
Il-paga għall-pjaga.
Il-paga mhix isservi biex il-familja tgħix komda.
Ibża’ mil-leħja twila.
Huwa aktar faċli li n-nies ta' esperjenza jidħqu bik.
Iż-żmien għaddej u dejjem taħseb f’li ġej.
Meta tgħaddi minn ħaġa għal oħra l-ħin kollu, iż-żmien malajr jgħaddi.
Marret is-sena u l-ġdida għoddha mibdija, niżżu ħajr lil Alla u r-risq u l-barka lil kulħadd.
Inroddu ħajr lil Alla għas-sena li għaddiet u għas-sena li ġejja.
Min għandu ħafna ġid jista’ jiżdiedlu, min għandu ftit jista’ jonqsu, iżda l-għomor jonqos żgur lit-tnejn.
Ikollok kemm ikollok flus, il-mewt ma jirbħilha ħadd.
Fid-dinja kollox jgħaddi.
Iż-żmien itaffi l-uġigħ u jnessihulna.
Fid-dinja idħaq għax jiġi żmien meta ma tistax.
Idħaq u fittex li tkun kuntent meta tista' għax il-ħajja qasira.
Fl-aħħar mill-aħħar kollox iddur għalih il-kamla.
Iż-żmien kollox jispiċċa jeqred, bħall-kamla.
Bis-sabar u biż-żmien kollox jasal fit-tmiem.
Bil-paċenzja u ż-żmien kollox jasal u jispiċċa.
Iż-żmien li titlef ma terġax iġġibu.
Jeħtieġ li ż-żmien tużah tajjeb, għax ma jerġax jiġi lura.
Iż-żmien li titlef ma terġax iġġibu.
Jeħtieġ li ż-żmien tużah tajjeb, għax ma jerġax jiġi lura.
Biż-żmien kollox jissewwa.
L-affarijiet jitranġaw biż-żmien.
Approfitta ruħek miż-żmien.
Taħlix żmien, użah tajjeb.
Iż-żmien l-aqwa galantom.
Biż-żmien tkun taf aħjar x'deċiżjoni għandek tieħu.