Dak li għaddejjin minnu issa mhux gravi daqs dak li hemm jistenniena fil-futur.
Iż-żmien li għaddej xi drabi aħjar milli ġej.
Aħjar dan iż-żmien li fih taf x'qed jiġri, miż-żmien li għadu ġej u li ma tafx x'se jsarraf.
Kategoriji: iż-żmien
Iż-żmien għażiż u ma jinxtarax.
Jeħtieġ li ż-żmien tużah tajjeb, għax ma jerġax jiġi lura.
Iż-żmien lil ħadd ma jkellem u jgħaddi bla ma jsellem.
Lanqas biss nindunaw kemm itir iż-żmien.
Iż-żmien jgħaddi u jnessi.
Iż-żmien itaffi l-weġgħat tal-passat.
Biġġel għax iż-żmien ibiddel.
Jekk tittratta lil ta' madwarek ħażin, għad jiġi żmien fejn huma jittrattawk ħażin. Biġġel tfisser irrispetta.
Iż-żmien isajjar il-bajtar.
L-affarijiet jimmaturaw biż-żmien.
Iż-żmien jgħaddi u l-għomor jonqos.
Aktar ma jgħaddi ż-żmien, aktar tiqsar ħajjitna.
Iż-żmien jiekol sas-snien.
Biż-żmien kollox jispiċċa.
Għax bil-mod u tgħix ħafna.
Min il-ħin kollu jiġri u għandu x'jagħmel, ħajtu tgħaddi malajr.
Biż-żmien kollox jintesa.
L-affarijiet jintesew biż-żmien.
L-għaġuża f’nofs ir-Randan tinqasam.
Skont l-għajdut folkloristiku, f’nofsinhar tat-tieni Ħamis tal-ġimgħa tar-Randan, l-ixjeħ mara tar-raħal (= l-għaġuża) kienet tintefa’ mill-kampnar tal-knisja għal isfel.
Iż-żmien jiekol sas-snien.
Biż-żmien kollox jispiċċa.
Iż-żmien għażiż u ma jinxtarax.
Jeħtieġ li ż-żmien tużah tajjeb, għax ma jerġax jiġi lura.
Biż-żmien issir iż-żorba.
Biż-żmien nixjieħu u nitilfu saħħitna.
Għax bil-mod u tgħix ħafna.
Min il-ħin kollu jiġri u għandu x'jagħmel, ħajtu tgħaddi malajr.
Iż-żmien jiġri fuq id-debba.
Iż-żmien malajr jgħaddi.
Iż-żmien jagħti parir.
Biż-żmien tkun taf aħjar x'deċiżjoni għandek tieħu.
Ftakar fl-imgħoddi u aħseb f’li ġej.
Tgħallem mill-iżbalji li għamilt fil-passat biex ma terġax tagħmilhom fil-futur.
Iż-żmien jiekol sas-snien.
Biż-żmien kollox jispiċċa.
Iż-żmien itul u l-ħsieb idur.
Ċerti fehmiet u drawwiet jinbidlu maż-żmien.
Alwett bil-gziez, xita bil-qliel.
Kollox għandu żmienu. L-alwett huwa tip ta' għasfur u joħroġ fit-temp milwiem.