Ċajta ta' kultant tagħmillek il-ġid.
Biex tneħħi l-għanqbut, oqtol il-brimba.
Jekk trid li xi ħaġa tinbidel, ara x'qed joħloqha u eqirdu.
Għajnejk u widnejk misshom b’minkbejk.
Toqgħodx tmiss għajnejk u widnejk għax tlaqqat infezzjoni.
Il-ġdid dejjem sabiħ.
L-affarijiet il-ġodda dejjem iżjed attraenti.
Meta tkun fix-xalata jeħtieġ tiżfen.
Jeħtieġ li tadatta għal kull ċirkostanza fil-ħajja.
Fittex li tboss mingħajr ma tagħmel ħoss.
Dak li għandek tagħmel agħmlu b'mod diskret.
Aktar hu ħafif biex taqa’ milli biex tqum.
Faċli iżjed tiżbalja milli ġġibha tajba.
Biex tagħmel l-arja jrid ikollok biex.
Irid ikollok raġuni tajba biex tiftaħar b'xi ħaġa.
La toqgħodx fuq l-għatba u lanqas fuq is-senduq għax minn hemm bla ħsieb iqajmuk.
Jeħtieġ tibża' għall-affarijiet ta' ħaddieħor ukoll.
Il-fartas ma jislifx xagħar.
Dak li m'għandix ma nistax nagħtihulek.
Is-self ħu t-telf.
Meta tislef oġġett jew il-flus lil xi ħadd, tistenniex li se jroddhomlok lura malajr jew fl-istess stat tajjeb li tkun slifthulhom int.
Il-qadim żomm miegħu.
Il-qadim irnexxielu jegħleb l-isfidi matul iż-żmien u allura ta' min joqgħod fuqu.
Ara xi qbadt u mhux x’sajjart.
L-affarijiet isiru sew skont xi tkun użajt biex tagħmilhom.
Jew iddoqq jew tiżfen.
Ma tistax tleħħaq ma' kollox f'salt.
Meta l-ħsieb ikun f’rasek ma jkunx f’saqajk.
Meta tkun mitluf fil-ħsibijiet ma tkunx kapaċi tagħmel affarijiet oħra.
Bil-paċenzja nsewwu kollox.
Trid tieħu paċenzja biex l-affarijiet jitranġaw.
Aringa filgħodu deheb, aringa f’nofsinhar fidda, aringa filgħaxija ram.
L-affarijiet għandek tgawdihom meta jkunu fl-aqwa tagħhom, qabel ma jkun tard wisq.
Bil-paċenzja u ż-żejt, iljunfant ħexa nemla.
Trid tieħu paċenzja biex l-affarijiet jitranġaw.
Fejn il-kotra ma ssibx tarf.
Tagħmel x'tagħmel, ma tistax tintgħoġob ma' kulħadd.
La ħablet jeħtiġilha tiled.
Kulma tagħmel għandu l-konsegwenzi tiegħu.
Bniedem mhux mistieden m’hemmx siġġu għalih.
Min ma jridekx mhux se jilqgħek.