Toqgħodx tistenna biex tagħmel xi ħaġa, aqbad u agħmilha.
La ħablet jeħtiġilha tiled.
Kulma tagħmel għandu l-konsegwenzi tiegħu.
Kategoriji: il-prudenza | is-sens komun
L-għaqal isbaħ mill-ġmiel.
Aħjar tkun għaqli(ja) milli tkun sabiħ(a).
Kollox duħħan fuq din l-art.
Kollox jasal fi tmiemu fid-dinja.
Il-ġdid dejjem sabiħ.
L-affarijiet il-ġodda dejjem iżjed attraenti.
Il-munxar għana u l-qaduma ħala.
Kun effiċjenti, bħas-serrieq (= munxar) li huwa iżjed effiċjenti mill-mannara (= qaduma).
Jekk ma tafx ħrafet pajjiżek, ħrafet min taf? Ħrafet qaddisek?
Il-Maltin għandhom ikunu jafu l-istorja ta' Malta (= ħrafet pajjiżhom).
La tiddinx qabel ma tarah jisbaħ.
Qabel ma tħalli l-ħsibijiet tiegħek jiġru bik, qis il-fatti kollha u stenna sal-aħħar.
L-ajru għandu għajnu u l-ħajt għandu widintu u li jisma’ jgħidu ‘l ibnu.
Trid toqgħod attent ħafna minn dak kollu li tgħid u tagħmel, għax malajr jgħidu bik u l-kelma tiġri.
La tkun fiż-żifna jkollok tiżfen.
Jeħtieġ li tadatta għal kull ċirkostanza fil-ħajja.
Agħmel li tista’, imbagħad isir li jsir.
Agħmel ħiltek imbagħad jiġri li jrid.
Dak li għandek tirhan bigħu.
Jekk għandek xi ħaġa x'tagħmel agħmilha minnufih.
F’kull għemilek aħseb dejjem x’jiġri wara.
Żomm f’moħħok il-konsegwenzi ta’ azzjonitek qabel tagħmel xi ħaġa.
Aħjar timxi għan-niżla milli għat-telgħa.
Aħjar teħles ħafif milli tikkumplika l-affarijiet.
Fittex li tboss mingħajr ma tagħmel ħoss.
Dak li għandek tagħmel agħmlu b'mod diskret.
Jekk tiġbed wisq tinqata’ l-ħajta.
Tesaġerax u tabbużax għax ikollok tbati l-konsegwenzi.
La tħallix is-sħiħ għar-riħ.
Toqgħodx moħħok fl-irqaqat għax tispiċċa tinsa l-essenzjali.
Is-self wisq drabi jinbidel f’telf.
Meta tislef oġġett jew il-flus lil xi ħadd, tistenniex li se jroddhomlok lura malajr jew fl-istess stat tajjeb li tkun slifthulhom int.
Kieku u kien qatt ma nstabu flimkien.
Issa li sar sar, għalxejn toqgħod tinkwieta fuq dak li seta' kien.
Ħażin jagħmel min jimxi ħafi billejl.
Dejjem ħu l-prekawzjonijiet kollha, bl-istess mod li ma timxix ħafi fid-dlam.
Għajnejk u widnejk misshom b’minkbejk.
Toqgħodx tmiss għajnejk u widnejk għax tlaqqat infezzjoni.
Aħrab l-iff, il-puff u l-jaqq għax iġibu wġigħ ta’ żaqq.
Tbati inqas jekk titgħallem mill-iżbalji ta' ħaddieħor.