Aħjar ikollok iċ-ċertezza li xi ħaġa hija tiegħek, milli ma jkollok ebda ċertezza fuq ħafna affarijiet.
Bormot ġarek tfuħ aktar minn ta’ darek.
L-affarijiet ta' ħaddieħor dejjem se jidhru aħjar minn tiegħek.
Kategoriji: is-sens komun
L-aħjar triq tan-nofs.
M'hemmx isbaħ mill-moderazzjoni.
Il-paċenzja ma jbigħux minnha l-ispiżjara.
Il-paċenzja trid tara minn fejn se ġġibha inti, għax mhu ser jagħtihielek ħadd.
Min bdielu xejn ma swielu.
Min qagħad joqgħod jittratieni m'għamel xejn.
Il-lest lest.
Li tkun lestejt m'għandekx iżjed ħsiebu.
Il-wiċċ li jindara bil-ħara jinxtara.
Il-kunfidenza żejda ġġib nuqqas ta' rispett.
Iż-żejjed imbidded.
Uża l-moderazzjoni f'dak kollu li tagħmel. Imbidded tfisser imxerred.
Ħajri ma nagħtihx lil għajri.
M'iniex ser nissagrifika l-kuntentizza tiegħi għal ħaddieħor.
Kulħadd irid il-ħniena u l-Ħniena fit-triq tar-Rabat.
Ħadd ma jħenn għalik fid-dinja. Il-Kappella tal-Ħniena tinsab fit-triq tar-Rabat, Għawdex.
Billi tidħaq jew tinkwieta lanqas tixtri b’ħabba ftieta.
Għandek dejjem tuża s-sens komun fil-ħajja.
Min iħalli mil-lum għal għada ma jasal qatt.
Min jaħli l-ħin u jipprokrastina, ma jagħmel qatt xejn u ma jasal imkien.
Fid-dinja kollox jista’ jkun.
Ħadd mhu speċjali, jista’ jiġrilek kull ħaġa li tista’ tiġri lil ħaddieħor.
Aħrab l-iff, il-puff u l-jaqq għax iġibu wġigħ ta’ żaqq.
Tbati inqas jekk titgħallem mill-iżbalji ta' ħaddieħor.
Dak li ma kienx għad jista’ jkun.
Dak li ma ġarax il-passat jista' jiġri fil-futur.
La tħallix is-sħiħ għar-riħ.
Toqgħodx moħħok fl-irqaqat għax tispiċċa tinsa l-essenzjali.
Fid-dinja ma trid taħlef għal ħadd.
M'għandekx tafda għax kulħadd kapaċi jiżbalja.
Kull ħaġa għandha l-ħtieġa tagħha.
Kollox għandu l-użu tiegħu fil-mument it-tajjeb.
Għal musmar titlef in-nagħla.
Għal ħaġa mhi xejn tispiċċa titlef kollox.
Lil min jiġbidlek likkimlu.
Aħtaf kull okkażjoni tajba li tiġik. Likkimlu jiġifieri iġbidlu.
Ħajri ma nagħtihx lil għajri.
M'iniex ser nissagrifika l-kuntentizza tiegħi għal ħaddieħor.
Il-ħbar hi li l-għasfur tar u l-għoxx baqa’ battal.
Jekk ma taħtafx l-opportunità, wara jkun tard wisq. Ħbar tfisser aħbar u għoxx tfisser bejta tal-għasafar.