Ir-riżultat huwa determinat minn dak li tiddeċiedi li tagħmel inti.
Bormot ġarek tfuħ aktar minn ta’ darek.
L-affarijiet ta' ħaddieħor dejjem se jidhru aħjar minn tiegħek.
Kategoriji: is-sens komun
Il-ġdid dejjem sabiħ.
L-affarijiet il-ġodda dejjem iżjed attraenti.
Dabbar rasek għax idabbruhielek.
Ara l-affarijiet tiegħek għax ħaddieħor tiegħu wkoll jara.
Bin-nies ma tistax tboss.
Ma tistax tagħmel li trid għax in-nies jgħidu bik.
Aħrab il-ħażin qabel iġġarrbu.
Evita li tgħaddi minn esperjenza ħażina.
Il-ħaġa f’waqtha tajba.
Agħmel li għandek tagħmel mill-ewwel u taħlix żmien.
Erba’ għajnejn aħjar minn tnejn.
Meta jkun hemm aktar minn persuna waħda tiċċekkja biċċa xogħol, hemm aktar ċans li jinqabdu l-iżbalji.
Aringa filgħodu deheb, aringa f’nofsinhar fidda, aringa filgħaxija ram.
L-affarijiet għandek tgawdihom meta jkunu fl-aqwa tagħhom, qabel ma jkun tard wisq.
Dak li jagħmilhielek darba jagħmilhielek mitt darba.
Min diġà tak prova li ma tistax tafdah tkunx iblah u terġa' tafdah.
Fid-dinja kollox jista’ jkun.
Ħadd mhu speċjali, jista’ jiġrilek kull ħaġa li tista’ tiġri lil ħaddieħor.
Għall-pariri kulħadd raġel.
Kulħadd jaf jagħti parir għax faċli ħafna, kelma tmur fin-nofs.
Il-wiċċ li jindara biċ-ċajt jinxtara.
Il-kunfidenza żejda ġġib nuqqas ta' rispett.
Bin-nies ma tistax tboss.
Ma tistax tagħmel li trid għax in-nies jgħidu bik.
Aħseb dejjem x’jiġri wara għax ta’ wara ma ġġibux ‘il quddiem.
Żomm f'moħħok il-konsegwenzi ta' azzjonitek qabel tagħmel xi ħaġa.
Ir-raġġ tal-idejn ibikki l-għajnejn.
Il-logħob tal-idejn iwassal għall-biki, la jweġġa' xi ħadd.
Il-ftit ma jxebbax.
Bħal meta tiekol ftit u ma tixbax, hekk ukoll ċerti affarijiet jitolbu iżjed minn ftit sforz biex jirnexxu.
Ftit laħam isebbaħ qattus.
L-irquqija żejda mhix tajba għas-saħħa lanqas.
Bin-nies ma tistax tboss.
Ma tistax tagħmel li trid għax in-nies jgħidu bik.
Ħażin jagħmel min jimxi ħafi billejl.
Dejjem ħu l-prekawzjonijiet kollha, bl-istess mod li ma timxix ħafi fid-dlam.
Għajnejk u widnejk misshom b’minkbejk.
Toqgħodx tmiss għajnejk u widnejk għax tlaqqat infezzjoni.
Ħalli tmur id-dgħajsa, ladarba hu riħha.
Ħu l-opportunità li ġietek.