Min ikun għamel xi ħaġa hu stess ikun jaf eżatt x'sar u x'ma sarx.
Lil min jiġbidlek likkimlu.
Aħtaf kull okkażjoni tajba li tiġik. Likkimlu jiġifieri iġbidlu.
Kategoriji: is-sens komun
Jew iddoqq jew tiżfen.
Ma tistax tleħħaq ma' kollox f'salt.
Il-kruha hi wisq agħar mill-bluha.
Aħjar tkun iblah milli ikrah, tal-inqas il-bluha ma tidhirx.
It-tħollija ta’ xi ħaġa mil-lum għall-għada ma tasal qatt.
Il-prokrastinazzjoni ma twasslek imkien - aqbad u agħmel li għandek tagħmel.
Bil-meħel kollox isir.
Bi ftit paċenzja kollox isir.
Kulħadd għandu mnieħer biex ixomm.
Ħadd mhu iblah, kulħadd jaf x'għandu jagħmel.
Kulħadd iridha dik il-ħlieqa kultant.
Ċajta ta' kultant tagħmillek il-ġid.
Kull regola għandha l-eċċezzjoni tagħha.
Qatt ma hemm xejn assolut.
La toqgħodx fuq l-għatba u lanqas fuq is-senduq għax minn hemm bla ħsieb iqajmuk.
Jeħtieġ tibża' għall-affarijiet ta' ħaddieħor ukoll.
Bejlek għajnek għax b’rasek idur.
Trid toqgħod attent biex ħadd ma jgħaddi ż-żmien bik.
Kull qoffa għandha miżblitha.
Kulħadd għandu l-preferenzi tiegħu.
Ħażin jagħmel min jimxi ħafi billejl.
Dejjem ħu l-prekawzjonijiet kollha, bl-istess mod li ma timxix ħafi fid-dlam.
Jew tiekol jew issaffar.
Ma tistax tleħħaq ma' kollox f'salt.
Il-ħolm la fih x’torbot u lanqas xi tħoll.
Il-ħolm waħdu ma jwasslek imkien.
Aħrab il-ħażin qabel iġġarrbu.
Evita li tgħaddi minn esperjenza ħażina.
L-aħjar triq tan-nofs.
M'hemmx isbaħ mill-moderazzjoni.
Kollox duħħan fuq din l-art.
Kollox jasal fi tmiemu fid-dinja.
Fejn għajnejk, oħrajn għajrek.
Dak li trid inti wisq probabbli jridu ħaddieħor ukoll.
Il-lest lest.
Li tkun lestejt m'għandekx iżjed ħsiebu.
Jekk tiġbed wisq tinqata’ l-ħajta.
Tesaġerax u tabbużax għax ikollok tbati l-konsegwenzi.
Aħjar uff inkella aħħ.
Aħjar tonfoħ bid-dwejjaq milli tokrob bl-uġigħ.