Faċli iżjed tiżbalja milli ġġibha tajba.
Lil min jiġbidlek likkimlu.
Aħtaf kull okkażjoni tajba li tiġik. Likkimlu jiġifieri iġbidlu.
Min għandu l-qamħ m’għandux xkejjer u min għandu l-ixkejjer m’għandux qamħ.
Fid-dinja dejjem jonqsok xi ħaġa.
La tgħid qatt minn dan l-ilma ma nixrobx.
Titkaża b'ħadd għax għada tkun int li tagħmel dak li qed titkaża bih illum. Bl-istess mod, tiksirha minn ma' ħadd għax ma tafx min għad tiġi bżonn.
Ix-xejn xejn.
Fid-dinja ħu pjaċir ukoll bl-affarijiet żgħar u tajbin li jiġrulek.
Bniedem mhux mistieden m’hemmx siġġu għalih.
Min ma jridekx mhux se jilqgħek.
Il-borma tal-ġar tfuħ aktar minn tad-dar.
L-affarijiet ta’ ħaddieħor dejjem se jidhru aħjar minn tiegħek.
Għal min mhux mistieden m’hemmx siġġu għalih.
Min ma jridekx mhux se jilqgħek.
Kulħadd iridha dik iċ-ċajta kultant.
Ċajta ta' kultant tagħmillek il-ġid.
Aringa filgħodu deheb, aringa f’nofsinhar fidda, aringa filgħaxija ram.
L-affarijiet għandek tgawdihom meta jkunu fl-aqwa tagħhom, qabel ma jkun tard wisq.
Iż-żejjed ħu n-nieqes.
Uża l-moderazzjoni f'dak kollu li tagħmel.
Il-lejl għandu wliedu suwed.
Isiru ħafna affarijiet ħżiena billejl, mela oqgħod attent(a).
Jekk int mgħaġġel mur mal-vapur.
Ħu paċenzja u stenna wara min imissek fil-kju, inkella itlaq.
Fid-dinja kollox jista’ jkun.
Ħadd mhu speċjali, jista’ jiġrilek kull ħaġa li tista’ tiġri lil ħaddieħor.
Dak li jagħmilhielek darba jagħmilhielek mitt darba.
Min diġà tak prova li ma tistax tafdah tkunx iblah u terġa' tafdah.
Ixxammarx kmiemek qabel ma jasal żmienek.
Tiftaħarx qabel ma jkollok tassew biex.
Kull ħin hu ħinu.
Kollox għandu jsir fil-mument opportun.
Aħjar ftit minn xejn.
Aħjar tikkuntenta bi ftit.
Meta jtir l-għasfur, imbagħad kollox għalxejn.
Ħu l-opportunità li ġietek, qabel ikun tard wisq.
Kull ilma jaqta’ l-għatx.
F'sitwazzjoni fejn m'għandekx għażla, kollox jgħin.
Jekk ma tafx ħrafet pajjiżek, ħrafet min taf? Ħrafet qaddisek?
Il-Maltin għandhom ikunu jafu l-istorja ta' Malta (= ħrafet pajjiżhom).