Żamm l-aħjar għalih u ħalla l-laqx lil ħaddieħor.
Il-ġarra ġejja u sejra fl-aħħar tinkiser.
Meta tagħmel azzjoni ħażina ripetutament, tasal dik id-darba fejn jaqbduk.
Kategoriji: il-ħażin
L-aħbar ħażina tasal malajr.
Aħbar ħażina kulħadd isir jaf biha malajr.
Agħlaq il-bieb qabel ma taħrab id-debba.
Ilqa' għall-ħsara li tista' ssir; wara jkun tard wisq.
Il-qattus iħobb bil-għama u l-kelb bix-xaba’.
Il-qtates juru mħabba lejn sidhom b'mod differenti mill-klieb.
Is-sewwa ħarbet għax ħadd ma ried jilqagħha f’daru.
Donnu ħadd ma sar jagħżel li jagħmel it-tajjeb illum il-ġurnata.
L-“ajma ma” qatt ħadd ma qalha għalxejn.
Kulħadd għandu raġuni għaliex jilmenta.
Il-ħmara tbul fuq l-għadira.
L-affarijiet il-ħżiena malajr jiżdiedu u jinfirxu.
Fid-dinja ħadd mhu tassew kuntent.
Ma ssibx kuntentizza fid-dinja, kulħadd isib fuq xiex jilmenta.
Kull ħelu fih il-morr.
Ma jistax ikun ikun hemm is-sabiħ mingħajr l-ikrah.
It-twajjeb miskin.
Min ikun twajjeb wisq ibati għax kulħadd jagħmel li jrid bih.
Imxi sewwa u ħalli l-baħar iħabbat.
Meta tagħmel it-tajjeb, jiġri x'jiġri jkollok il-kuxjenza nadifa.
Il-ġid ma jingħamilx bilfors.
Mhux kulħadd jagħmel it-tajjeb.
Itfagħha għal rasha forsi tiġi għal saqajha.
Fejn ma tafx, ħu sogru u agħmel xi ħaġa kif ġie ġie - jekk tkun xortik tajba, jaf tiġik tajba wkoll.
Kelb li jilgħab bl-irmied tafdalux dqiq.
Bniedem li jagħmel il-ħażin, f'kollox jagħmlu.
Qattusa għaġġelija frieħ għomja tagħmel.
Meta tieħu deċiżjonijiet bl-għaġla ma tkunx ħsibtha sew u tispiċċa tagħmel l-għażla l-ħażina.
Il-ftit u tajjeb aħjar mill-wisq u ħażin.
Aħjar tagħmel ftit u tajjeb milli tipprova tagħmel ħafna u ħażin.
Ħares warajk u tħarisx quddiemek.
Oqgħod attent, huwa aktar faċli li ħaddieħor jagħmillek il-ħażin minn wara dahrek milli f'wiċċek.
It-tajjeb kulħadd jaf jarah.
Kulħadd kapaċi jagħraf x'inhu tajjeb.
Kulħadd tad-demm u l-laħam.
Kulħadd jista' jieħu żball għax kulħadd bniedem.
Il-logħob tal-idejn iweġġa’ l-għajnejn.
Il-logħob tal-idejn m'għandux ikun.
Dnub mistqarr nofsu maħfur.
Huwa aktar faċli taħfer azzjoni ħażina jekk min għamilha jammettiha.