Jekk għamilt xi żball għax ma qgħadtx attent, sewwih mill-ewwel qabel ikun tard wisq.
Il-ħanżir b’xaħmu jinqela.
In-nies ħżiena malajr isibu lil xi ħadd bħalhom li jagħmlilhom il-ħsara.
Kategoriji: il-ħażin | l-annimali
B’ħabel jitgħallaq bniedem, b’ħabel isalva ieħor.
Dak li jagħmel il-ħsara lil persuna jista' jagħmel il-ġid lil persuna oħra.
Il-fortuna mal-ħmir u s-skaren.
Ix-xorti tidħaq lin-nies injoranti u lis-sakranazzi.
Ħaxixa ħażina tikber kullimkien.
Il-ħażin kullimkien issibu, tmur fejn tmur.
Il-ġid ma jingħamilx bilfors.
Mhux kulħadd jagħmel it-tajjeb.
Aħseb dejjem li l-hemm li temm lil ġarek jista’ jidħol f’darek.
M'intix speċjali, dak li jiġri lil ħaddieħor jista' faċilment jiġri lilek.
Fid-dinja tagħmel il-ġid u jisfalek deni.
Mhux kulħadd japprezza l-ġid li tagħmel.
Fuq tlieta toqgħod il-borma.
Ma' kull ħaġa tajba jew ħażina li tiġri, stenna tnejn oħra!
Ħares warajk u tħarisx quddiemek.
Oqgħod attent, huwa aktar faċli li ħaddieħor jagħmillek il-ħażin minn wara dahrek milli f'wiċċek.
Il-ħell u ż-żina ma jdumux fil-ħabi sena.
Min jisraq jew jiżni malajr jinqabad. Ħell tfisser serq.
Daqqa jmissek l-għadma u oħra l-laħma.
Fil-ħajja daqqa tiġik tajba u daqqa tiġik ħażina.
Id-dinja tal-brikkun.
Fid-dinja n-nies ħżiena jirnexxu iżjed min-nies twajba.
Għal kull lagħqa għasel hemm bettija morr.
L-affarijiet sbieħ li jiġru fil-ħajja huma ftit meta tqabbel mal-affarijiet koroh kollha.
Il-ħadid ħażin dejjem mal-mola jmur.
In-nies ħżiena ma' xulxin jagħmluha. Mola hija dik li bl-Ingliż tissejjaħ grindstone.
Dak li jidħol mill-gerżuma ‘l ġewwa kollu sewwa.
Bħalma l-bniedem jiekol biss ikel tajjeb, hekk ukoll jaf jagħżel it-tajjeb mill-ħażin.
Id-dnub mistqarr nofsu maħfur.
Meta tammetti li għamilt ħażin dak li jkun ikun lest jaħfirlek iżjed malajr.
Aħjar inkemmex wiċċi nkella nsewwed qalbi.
Jagħmillek iżjed ġid turi d-dwejjaq milli taħbihom.
Il-ħsieb raġel ħażin.
Toqgħodx taħseb ħażin għax spiss titqarraq.
Ftit u tajjeb aħjar minn ħafna u ħażin.
Aħjar dak li għandu jsir, isir bil-mod u tajjeb.
Il-ħażin malajr jingħoġob.
Aktar faċli temmen il-ħażin milli t-tajjeb.
Il-logħob tal-idejn iweġġa’ l-għajnejn.
Il-logħob tal-idejn m'għandux ikun.