Aħrab il-ħażin u lil min jaqla' l-inkwiet. Dejlek tfisser id-dublett tiegħek.
Il-ħanżir b’xaħmu jinqela.
In-nies ħżiena malajr isibu lil xi ħadd bħalhom li jagħmlilhom il-ħsara.
Kategoriji: il-ħażin | l-annimali
Id-dnub ma jorqodx.
Meta tagħmel xi ħaġa ħażina, xi darba jew oħra għad tinqabad.
Il-ħażin titimgħu ħobżok u jidgħilek.
Tagħmilx pjaċiri lin-nies ħżiena għax f'wiċċek jibqa'.
Fuq tlieta toqgħod il-borma.
Ma' kull ħaġa tajba jew ħażina li tiġri, stenna tnejn oħra!
Fid-dinja tagħmel il-ġid u jisfalek deni.
Mhux kulħadd japprezza l-ġid li tagħmel.
Ċappa tin u tamal ma fihomx x’titqażżeż.
Twarrabx xi ħaġa tajba sempliċement għax tidher kerha.
Għan-niżla kull qaddis jgħin.
Meta ma jkunx hemm problemi kollox jimxi sew.
Agħmel il-ġid u nsieh; agħmel id-deni u ftakar fih.
Ftakar fid-deni li tkun għamilt biex tpatti għal għemilek.
La l-qalb mimlija, il-fomm jitbewwaq.
Kulħadd għandu raġuni għaliex jiftaħ qalbu.
Ebda warda bla xewk.
Is-sabiħ jiġi mal-ikrah fil-ħajja.
Kull għajn trid sehemha.
Kulħadd ifittex li jara u jieħu s-sabiħ.
Ġonġol imġenġel qatt ma jiġġenġel.
Il-ħażin, ħażin jibqa’.
M’hemmx ħelu mingħajr morr.
Mingħajr l-ikrah tal-ħajja m'hemmx is-sabiħ.
Fil-ħajja gwerra l-ħin kollu.
Fil-ħajja dejjem hemm xi diffikultà x'tegħleb.
Kulħadd tiġi sigħetu.
Kulħadd għad ipatti tal-ħażin kollu li jkun għamel.
Kull min jagħmel il-qabar għal sieħbu jindifen fih.
Min jagħmel id-deni lil ħaddieħor, ma jsibx ġid mingħand ħaddieħor; anzi, il-ħajja tpattihielu.
Dnub mistqarr nofsu maħfur.
Huwa aktar faċli taħfer azzjoni ħażina jekk min għamilha jammettiha.
Kull qalb trid oħra.
Meta tagħmel it-tajjeb ma' persuna, tistenna l-istess ħaġa mingħandha meta tiġi bżonn.
Ħa l-qamħ u ħalla l-ħliefa.
Żamm l-aħjar għalih u ħalla l-laqx lil ħaddieħor.
Jitħaxxen il-ħajt, tidjieq l-għorfa.
Ħaġa tmur tajjeb u l-oħra ħażin.
L-ilma jsaqqi l-ħatab u l-ħatab jgħalli l-ilma.
Tagħmel il-ġid mal-proxxmu, iżda dan ma jkunx rikonoxxenti.