Il-ħażin eħles minnu akkost ta' kollox u oqtlu mill-għeruq.
Illum jien u għada int.
It-tajjeb li mess lili llum imiss lilek għada, u l-istess bil-ħażin.
Hemm dwieb u dwieb, tal-għenienel u tal-mantijiet.
In-nies ta' intern ħażin kullimkien qegħdin, uħud jidhru u oħrajn le. Dwieb huwa l-plural ta' debba u għenienel huwa l-plural ta' għonnella.
Aħseb dejjem li l-hemm li temm lil ġarek jista’ jidħol f’darek.
M'intix speċjali, dak li jiġri lil ħaddieħor jista' faċilment jiġri lilek.
Fid-dinja ħadd mhu tassew kuntent.
Ma ssibx kuntentizza fid-dinja, kulħadd isib fuq xiex jilmenta.
Il-ħadid ħażin dejjem mal-mola jmur.
In-nies ħżiena ma' xulxin jagħmluha. Mola hija dik li bl-Ingliż tissejjaħ grindstone.
Ibża’ minn kulħadd u tibża’ minn ħadd.
Dejjem kun ġust u agħmel it-tajjeb, biex ħadd ma jkollu xi jgħid fuqek.
Il-ġarra ġejja u sejra fl-aħħar tinkiser.
Meta tagħmel azzjoni ħażina ripetutament, tasal dik id-darba fejn jaqbduk.
Id-dnub mistqarr nofsu maħfur.
Meta tammetti li għamilt ħażin dak li jkun ikun lest jaħfirlek iżjed malajr.
Dik iċ-ċajta kultant kulħadd iridha.
Li niċċajtaw huwa importanti sabiex fil-ħajja ma niffukawx fuq id-dwejjaq biss.
Il-qarnita fl-aħħar iddur għal subgħajha.
Meta tkun iddisprat minn kollox tasal tagħmel biex tilħaq l-għanijiet tiegħek.
Għam il-baħar kollu u għereq fir-ramla.
Kien sejjer tajjeb, sakemm żgarra fl-aħħar naqra.
B’ħobża tagħmel mitt mil u b’mitt ħobża ma tagħmilx mil.
Meta kollox ikun miexi sew teħles malajr, iżda meta kollox jibda ġej bil-kontra, iddum ħafna iżjed.
Id-dinja dejjem miexja, daqqa dritt u daqqa mgħawweġ.
Bit-tajjeb u l-ħażin kollu tagħha, il-ħajja tibqa' għaddejja.
Aħseb dejjem li l-hemm li temm lil ġarek jista’ jidħol f’darek.
M'intix speċjali, dak li jiġri lil ħaddieħor jista' faċilment jiġri lilek.
Ħadd mhu kuntent b’xortih.
Qatt m'aħna kuntenti b'dak li għandna, dejjem irridu iżjed.
Ħares warajk u tħarisx quddiemek.
Oqgħod attent, huwa aktar faċli li ħaddieħor jagħmillek il-ħażin minn wara dahrek milli f'wiċċek.
Fid-dinja ħadd mhu tassew kuntent.
Ma ssibx kuntentizza fid-dinja, kulħadd isib fuq xiex jilmenta.
Għal kull lagħqa għasel hemm bettija morr.
L-affarijiet sbieħ li jiġru fil-ħajja huma ftit meta tqabbel mal-affarijiet koroh kollha.
Il-ħsieb ħażin iqarraq u jfalli f’ħin.
Toqgħodx taħseb ħażin għax spiss titqarraq.
Ħaxix ħażin aħarqu.
Il-ħażin eħles minnu akkost ta' kollox u oqtlu mill-għeruq.
Il-ħaxixa ħażina malajr tikber.
Il-ħażin malajr jinxtered.