Kulħadd għandu t-taqbida tiegħu fil-ħajja, hemm min jieħu paċenzja u hemm min jirrabja.
Il-bajtar tax-xewk ma jagħmilx ħawħ.
Mingħand in-nies ħżiena m'hemmx azzjonijiet tajbin.
Il-forka għall-iżvinturat.
Minn tant nies li jagħmlu l-ħażin u qatt ma jinqabdu, ix-xorti ħażina tkun messet lil min jingħata l-forka. Id-dinja inġusta.
Agħlaq il-bieb qabel ma taħrab id-debba.
Ilqa' għall-ħsara li tista' ssir; wara jkun tard wisq.
La l-qalb mimlija, il-fomm jitbewwaq.
Kulħadd għandu raġuni għaliex jiftaħ qalbu.
Agħmel is-sewwa u ħalli l-baħar iħabbat.
Min jagħmel it-tajjeb jgħix trankwill.
It-twajjeb miskin.
Min ikun twajjeb wisq ibati għax kulħadd jagħmel li jrid bih.
Kuxjenza safja, qalb kuntenta.
Min jagħmel it-tajjeb jgħix kuntent.
Ġonġol imġenġel qatt ma jiġġenġel.
Il-ħażin, ħażin jibqa’.
Il-ġarra bl-aħħar qatra tfur.
Meta żżomm ġo fik, fl-aħħar tispiċċa biex tinfaqa'.
Is-sabiħ kulħadd jaf jarah.
Kulħadd kapaċi jagħraf x'inhu sabiħ.
Hemm dwieb u dwieb, tal-għenienel u tal-mantijiet.
In-nies ta' intern ħażin kullimkien qegħdin, uħud jidhru u oħrajn le. Dwieb huwa l-plural ta' debba u għenienel huwa l-plural ta' għonnella.
Ħudha la ġietek għax jekk tħalliha jibdielek.
Meta tkun xortik tajba, kun kuntent u gawdiha għax ma tafx meta ser terġa' tiġi.
Għal kull lagħqa għasel hemm bettija morr.
L-affarijiet sbieħ li jiġru fil-ħajja huma ftit meta tqabbel mal-affarijiet koroh kollha.
Kull qalb trid oħra.
Meta tagħmel it-tajjeb ma' persuna, tistenna l-istess ħaġa mingħandha meta tiġi bżonn.
L-aħbar ħażina tasal malajr.
Aħbar ħażina kulħadd isir jaf biha malajr.
Il-ħsieb raġel ħażin.
Toqgħodx taħseb ħażin għax spiss titqarraq.
Jekk tmiss ħwejġek ma’ ħwejjiġha, jew sentejn jew tiżżewwiġha.
Tagħmel x'tagħmel se teħilha. Sentejn tfisser sentejn ħabs.
Fil-ħajja gwerra l-ħin kollu.
Fil-ħajja dejjem hemm xi diffikultà x'tegħleb.
L-għadu tih biċċa minn dejlek ħa jitlaq bih.
Żomm 'il bogħod min-nies ħżiena. Dejlek tfisser ħwejġek f'dan il-każ.
Jitħaxxen il-ħajt, tidjieq l-għorfa.
Ħaġa tmur tajjeb u l-oħra ħażin.
Il-kelb in-nagħaj idejjaq in-nies tad-dar u tal-ġar.
Superstizzjoni Maltija tgħid li l-klieb li jingħu jbassru xorti ħażina.