Kulħadd kapaċi jagħraf x'inhu tajjeb.
Il-bajtar tax-xewk ma jagħmilx ħawħ.
Mingħand in-nies ħżiena m'hemmx azzjonijiet tajbin.
Meta tisma’ hemm l-oħrajn, tinsa tiegħek.
Tikkonsla meta tisma' bl-affarijiet il-ħżiena li jiġru lil ħaddieħor.
Fil-bżonn jitħarrku r-riġlejn.
Meta jkollok bżonn xi ħaġa tieħu azzjoni.
Il-ħajjen ma jurix fiex inhu.
Min ikun f'sitwazzjoni ħażina ma jmurx jinkixef ma' ħaddieħor.
Iżżarma knisja biex tarma oħra.
Biex tirranġa xi ħaġa, kellek tkisser xi ħaġa oħra.
Il-ħell u ż-żina ma jdumux fil-ħabi sena.
Min jisraq jew jiżni malajr jinqabad. Ħell tfisser serq.
Il-fortuna mal-ħmir u s-skaren.
Ix-xorti tidħaq lin-nies injoranti u lis-sakranazzi.
It-twajjeb miskin.
Min ikun twajjeb wisq ibati għax kulħadd jagħmel li jrid bih.
Kull min jintreħa jittieħed.
Min ma jiħux ħsieb biex jagħmel it-tajjeb jispiċċa jitkaxkar mill-ħażin.
Meta l-laħam hu ħażin, agħar jiġi l-brodu.
Mill-affarijiet il-ħżiena joħorġu affarijiet agħar.
F’waqtha raqqagħha jekk ma tridx terġa’ taqtagħha.
Jekk saret xi ħsara pprova sewwiha mill-ewwel biex ma tkomplix tikber.
Ħa l-qamħ u ħalla l-ħliefa.
Żamm l-aħjar għalih u ħalla l-laqx lil ħaddieħor.
Din id-dinja għall-imxuma.
Fid-dinja trid taċċetta li hawn ħafna ħażin u dwejjaq. Imxuma tfisser dwejjaq.
Il-kelb in-nagħaj idejjaq in-nies tad-dar u tal-ġar.
Superstizzjoni Maltija tgħid li l-klieb li jingħu jbassru xorti ħażina.
Fejn bidt, mur kul il-qanneb.
Issa li għamilt id-deċiżjoni l-ħażina, lesti ruħek biex tbati l-konsegwenzi.
Jekk titfa’ bomba fit-Tramuntana tiġilek fin-Nofsinhar.
Kollox ġej ħażin.
Kulħadd b’xi imma, min bis-sabar u min bil-qilla.
Kulħadd għandu t-taqbida tiegħu fil-ħajja, hemm min jieħu paċenzja u hemm min jirrabja.
Il-fortuna mal-ħmir u s-skaren.
Ix-xorti tidħaq lin-nies injoranti u lis-sakranazzi.
Lil min jaħralek f’idek tiddejjaqx iċċappashulu ma’ geddumu.
Qis li tiddefendi lilek innifsek kontra min jipprova jagħmillek il-ħsara.
Min għandu l-faħam miblul jibża’ biss.
Għandu għalfejn jibża' biss min jaf li għandu tort.
Id-dinja gaġġa tal-imġienen.
Fid-dinja l-loġika mhix ħaġa ovvja.