Jekk il-komma tkun iżgħar mid-driegħ, id-driegħ ma jidħolx. Bl-istess mod, għandek tadatta skont is-sitwazzjoni.
Jekk trid il-ħaġa ssir mur int, u jekk ma tridx ibgħat.
Trid tieħu inizjattiva inti biex l-affarijiet isiru, inkella qabbad lil xi ħadd kapaċi.
Kategoriji: is-sens komun
Min ifaħħar irid jieħu.
Min joqgħod ifaħħrek ikun qed jistenna xi ħaġa mingħandek.
Lil min tisilfu titilfu, lil min tagħtih iddarrih.
Meta tislef jew tagħti xi ħaġa lil xi ħadd, tistenniex li se jroddhielek lura.
Aħbar li ma taqbillekx, toqgħodx tismagħha.
M'hemmx għalfejn tkompli tisma' aħbar ħażina.
Drabi l-qalb taħber.
F'ċerti ċirkostanzi, faċli tobsor xi jkun se jiġri.
Ħajri ma nagħtihx lil għajri.
M'iniex ser nissagrifika l-kuntentizza tiegħi għal ħaddieħor.
Min idum jagħżel u jiħtar ikollu jaqa’ għall-agħar.
Min jittratieni u jdum ma jieħu deċiżjoni jkollu jbati l-konsegwenzi.
Dak li għandek tagħmel aħseb għalih kmieni.
Jekk għandek xi ħaġa x'tagħmel agħmilha minnufih.
Kollox duħħan fuq din l-art.
Kollox jasal fi tmiemu fid-dinja.
L-aħjar triq tan-nofs.
M'hemmx isbaħ mill-moderazzjoni.
Kull ilma jaqta’ l-għatx.
F'sitwazzjoni fejn m'għandekx għażla, kollox jgħin.
L-aħjar toqtol żewġ għasafar bi skartoċċ wieħed.
Aħjar teħles żewġ affarijiet f'daqqa kif tkun fiż-żifna.
Is-self ħu t-telf.
Meta tislef oġġett jew il-flus lil xi ħadd, tistenniex li se jroddhomlok lura malajr jew fl-istess stat tajjeb li tkun slifthulhom int.
Ir-raġġ tal-idejn ibikki l-għajnejn.
Il-logħob tal-idejn iwassal għall-biki, la jweġġa' xi ħadd.
Min ifittex isib.
Min irid xi ħaġa jeħtieġ li jfittixha hu stess.
Il-bżonn iġiegħlek tagħmel kollox.
Meta jkollok bżonn xi ħaġa ma taħsibhiex darbtejn, taqbad u tagħmilha.
Min idum jagħżel u jiħtar ikollu jaqa’ għall-agħar.
Min jittratieni u jdum ma jieħu deċiżjoni jkollu jbati l-konsegwenzi.
Is-self joħroġ jidħaq u jidħol jibki.
L-affarijiet tiegħek tieħu ħsiebhom, iżda meta tislifhom lil ħaddieħor kun af li mhux ser jieħu ħsiebhom bl-istess mod.
Mietet b’uliedha u lanqas ma ħalliet ġliedha.
Meta tislef oġġett jew il-flus lil xi ħadd, tistenniex li se jroddhomlok lura malajr jew fl-istess stat tajjeb li tkun slifthulhom int. Ġliedha tfisser il-ġilda tagħha.
L-aħjar toqtol żewġ għasafar bi skartoċċ wieħed.
Aħjar teħles żewġ affarijiet f'daqqa kif tkun fiż-żifna.
Min ifittex isib.
Min irid xi ħaġa jeħtieġ li jfittixha hu stess.