Aħjar tkun għaqli(ja) milli tkun sabiħ(a).
Aħbar li ma taqbillekx, toqgħodx tismagħha.
M'hemmx għalfejn tkompli tisma' aħbar ħażina.
Kategoriji: is-sens komun
Jekk trid tiekol il-bajtar, itla’ aqta’ int.
Jekk biċċa xogħol diffiċli tridha ssir sew, agħmilha int u tqabbadx lil ħaddieħor.
Dak li jagħmilhielek darba jagħmilhielek mitt darba.
Min diġà tak prova li ma tistax tafdah tkunx iblah u terġa' tafdah.
Jekk ma titlobx ma taqlax.
Toqgħodx lura milli titlob dak li teħtieġ.
Il-ftit tajjeb u jgħallem bħall-wisq.
Jekk il-ftit li tieħu jkun tajjeb, mela xorta tkun moqdi.
Biex tagħmel l-arja jrid ikollok biex.
Irid ikollok raġuni tajba biex tiftaħar b'xi ħaġa.
Aħjar ftit minn xejn.
Aħjar tikkuntenta bi ftit.
Fil-borma fula niexfa u fit-taġen fula xierfa.
Ir-riżultat huwa determinat minn dak li tiddeċiedi li tagħmel inti.
Kulħadd irid il-ħniena u l-Ħniena fit-triq tar-Rabat.
Ħadd ma jħenn għalik fid-dinja. Il-Kappella tal-Ħniena tinsab fit-triq tar-Rabat, Għawdex.
Il-fartas ma jislifx xagħar.
Dak li m'għandix ma nistax nagħtihulek.
Jekk trid il-ħaġa magħmula sewwa, agħmilha int.
Biex ħaġa ssir skont l-aspettattivi tiegħek, aqbad u agħmilha inti.
Il-bżonn iħarrek ir-riġlejn.
Meta jkollok bżonn xi ħaġa ma taħsibhiex darbtejn, taqbad u tagħmilha.
Bil-mod kollox isir.
Bi ftit paċenzja kollox isir.
Il-ftira sħuna tajba.
Agħmel li għandek tagħmel mill-ewwel u taħlix żmien.
Is-self ħu t-telf.
Meta tislef oġġett jew il-flus lil xi ħadd, tistenniex li se jroddhomlok lura malajr jew fl-istess stat tajjeb li tkun slifthulhom int.
Ara u erġa’ ara qabel ma taqbeż.
Aħsibha sew qabel tieħu deċiżjoni.
Għall-pariri kulħadd raġel.
Kulħadd jaf jagħti parir għax faċli ħafna, kelma tmur fin-nofs.
Jew tkanta jew terfa’ s-salib.
Ma tistax tleħħaq ma' kollox f'salt.
Ara u erġa’ ara qabel ma taqbeż.
Aħsibha sew qabel tieħu deċiżjoni.
Jekk trid il-ħut mur is-suq.
Meta tkun trid xi ħaġa, aqbad u mur għaliha.
Il-lejl għal-lpup.
Toħroġx tiġri barra billejl, evita l-periklu. Lpup huwa l-plural ta' lupu.