Tiddobba b'dak li jkollok, m'hemmx mod ieħor.
Ara xi qbadt u mhux x’sajjart.
L-affarijiet isiru sew skont xi tkun użajt biex tagħmilhom.
Kategoriji: is-sens komun
Aħseb dejjem x’jiġri wara għax ta’ wara ma ġġibux ‘il quddiem.
Żomm f'moħħok il-konsegwenzi ta' azzjonitek qabel tagħmel xi ħaġa.
Bil-paċenzja nsewwu kollox.
Trid tieħu paċenzja biex l-affarijiet jitranġaw.
Aħjar timxi għan-niżla milli għat-telgħa.
Aħjar teħles ħafif milli tikkumplika l-affarijiet.
Darba jingidem il-bniedem.
Tħalli lil ħadd iqarraq bik aktar minn darba. Tafdax.
Il-lejl għandu wliedu suwed.
Isiru ħafna affarijiet ħżiena billejl, mela oqgħod attent(a).
Iftaħ biebek u ftaħar jew agħlqu u nsatar.
Jekk se tiftaħar ara li jkollok biex, għax taqa' għaċ-ċajt.
Aħrab l-iff, il-puff u l-jaqq għax iġibu wġigħ ta’ żaqq.
Tbati inqas jekk titgħallem mill-iżbalji ta' ħaddieħor.
It-tiġrija sal-barkun biex tintrebaħ.
M'għandek qatt tagħmilha fatta li rbaħt jew li xi ħaġa saret tiegħek, stenna sal-aħħar biex tevita d-diżappunt.
Il-logħob tal-idejn ibikki l-għajnejn.
Il-logħob tal-idejn iwassal għall-biki, la jweġġa' xi ħadd.
Il-wiċċ li jindara biċ-ċajt jinxtara.
Il-kunfidenza żejda ġġib nuqqas ta' rispett.
L-għaqal isbaħ mill-ġmiel.
Aħjar tkun għaqli(ja) milli tkun sabiħ(a).
Il-munxar għana u l-qaduma ħala.
Kun effiċjenti, bħas-serrieq (= munxar) li huwa iżjed effiċjenti mill-mannara (= qaduma).
Ħaġa li ma jaqbilx tagħmilha jaqbel tħalliha.
Agħraf liema opportunitajiet jaqbillek tieħu u l-bqija ħallihom għaddejjin.
Bil-mod kollox isir.
Bi ftit paċenzja kollox isir.
Aktar hu ħafif biex taqa’ milli biex tqum.
Faċli iżjed tiżbalja milli ġġibha tajba.
Ħalli tmur id-dgħajsa, ladarba hu riħha.
Ħu l-opportunità li ġietek.
Aħjar tgħawweġ milli tkisser.
Agħmel żball li jissewwa mhux wieħed li ma jissewwiex.
Billi tidħaq jew tinkwieta lanqas tixtri b’ħabba ftieta.
Għandek dejjem tuża s-sens komun fil-ħajja.
It-tiġrija sal-barkun biex tintrebaħ.
M'għandek qatt tagħmilha fatta li rbaħt jew li xi ħaġa saret tiegħek, stenna sal-aħħar biex tevita d-diżappunt.
Aħrab il-ħażin qabel iġġarrbu.
Evita li tgħaddi minn esperjenza ħażina.