Jekk ma taħtafx l-opportunità, wara jkun tard wisq. Ħbar tfisser aħbar u għoxx tfisser bejta tal-għasafar.
Agħti fuq il-ħadida meta tkun mikwija.
Toqgħodx tistenna biex tagħmel xi ħaġa, aqbad u agħmilha.
Kategoriji: is-sens komun
Ħajri ma nagħtihx lil għajri.
M'iniex ser nissagrifika l-kuntentizza tiegħi għal ħaddieħor.
Kull waqt waqtu.
Jeħtieġ li tadatta għal kull sitwazzjoni u ċirkostanza.
Erba’ għajnejn aħjar minn tnejn.
Meta jkun hemm aktar minn persuna waħda tiċċekkja biċċa xogħol, hemm aktar ċans li jinqabdu l-iżbalji.
La toqgħodx fuq l-għatba u lanqas fuq is-senduq għax minn hemm bla ħsieb iqajmuk.
Jeħtieġ tibża' għall-affarijiet ta' ħaddieħor ukoll.
Kulħadd għandu mnieħer biex ixomm.
Ħadd mhu iblah, kulħadd jaf x'għandu jagħmel.
Li ma joqtolx isemmen.
Kollox sew sakemm dak li tiekol ma jagħmillekx ħsara.
Bormot ġarek tfuħ aktar minn ta’ darek.
L-affarijiet ta' ħaddieħor dejjem se jidhru aħjar minn tiegħek.
Bejlek għajnek għax b’rasek idur.
Trid toqgħod attent biex ħadd ma jgħaddi ż-żmien bik.
Il-ġifa qatt ma wera għaqal.
Min jibża' m'għandux għaqal.
Ara u erġa’ ara qabel ma taqbeż.
Aħsibha sew qabel tieħu deċiżjoni.
Ix-xejn xejn.
Fid-dinja ħu pjaċir ukoll bl-affarijiet żgħar u tajbin li jiġrulek.
Il-paċenzja ma jbigħux minnha l-ispiżjara.
Il-paċenzja trid tara minn fejn se ġġibha inti, għax mhu ser jagħtihielek ħadd.
Aħjar timxi għan-niżla milli għat-telgħa.
Aħjar teħles ħafif milli tikkumplika l-affarijiet.
Aħjar għasfur f’idejk milli mija fl-ajru.
Aħjar ikollok iċ-ċertezza li xi ħaġa hija tiegħek, milli ma jkollok ebda ċertezza fuq ħafna affarijiet.
L-ajru għandu għajnu u l-ħajt għandu widintu u li jisma’ jgħidu ‘l ibnu.
Trid toqgħod attent ħafna minn dak kollu li tgħid u tagħmel, għax malajr jgħidu bik u l-kelma tiġri.
Kull ilma jaqta’ l-għatx.
F'sitwazzjoni fejn m'għandekx għażla, kollox jgħin.
Biex tneħħi l-għanqbut, oqtol il-brimba.
Jekk trid li xi ħaġa tinbidel, ara x'qed joħloqha u eqirdu.
Kull ħaġa f’waqtha.
Kollox għandu jsir fil-mument opportun.
Jekk trid il-ħaġa ssir mur int, u jekk ma tridx ibgħat.
Trid tieħu inizjattiva inti biex l-affarijiet isiru, inkella qabbad lil xi ħadd kapaċi.
Kull ħin hu ħinu.
Kollox għandu jsir fil-mument opportun.