Qwiel Maltin | Maltese Proverbs | Bil-qajla l-qajla ssir il-bqajla.

Iż-żmien li għaddej xi drabi aħjar milli ġej.

Aħjar dan iż-żmien li fih taf x'qed jiġri, miż-żmien li għadu ġej u li ma tafx x'se jsarraf.

Iż-żmien għama minn għajnu u trux minn widintu; daqqa hekk u oħra hekk.

Il-bidliet li ż-żmien iġibilna f'ħajjitna mhumiex dejjem faċli.

Iż-żmien għażiż u ma jinxtarax.

Jeħtieġ li ż-żmien tużah tajjeb, għax ma jerġax jiġi lura.

Fid-dinja idħaq għax jiġi żmien meta ma tistax.

Idħaq u fittex li tkun kuntent meta tista' għax il-ħajja qasira.

Iż-żagħżugħ iferrħek u x-xiħ idejqek.

Iż-żgħażagħ iġibu magħhom il-ferħ għax għadhom fil-bidu ta' ħajjithom, filwaqt li x-xjuħ iġibu d-dwejjaq għax ikunu waslu fl-aħħar ta' ħajjithom. Sens ieħor huwa li l-ġdid dejjem jogħġobna iżjed mill-qadim.

Iż-żmien jagħti parir.

Biż-żmien tkun taf aħjar x'deċiżjoni għandek tieħu.

Iġġorr, iġġorr, iġġorr sakemm il-bajda ttorr.

Xejn ma jsir f'daqqa, kollox irid iż-żmien tiegħu. Ittorr tfisser tbid.

Iż-żmien kollox itemm.

Biż-żmien kollox jispiċċa.

Iż-żmien jgħaddi u jnessi.

Iż-żmien itaffi l-weġgħat tal-passat.

Iż-żagħżugħ iferrħek u x-xiħ idejqek.

Iż-żgħażagħ iġibu magħhom il-ferħ għax għadhom fil-bidu ta' ħajjithom, filwaqt li x-xjuħ iġibu d-dwejjaq għax ikunu waslu fl-aħħar ta' ħajjithom. Sens ieħor huwa li l-ġdid dejjem jogħġobna iżjed mill-qadim.