Biż-żmien kollox jispiċċa.
Għax-xiħa taħdit u l-imgħażel.
Dari n-nisa xjuħ ma kellhomx biex jedhew ħlief fil-paroli u fl-insiġ. L-imgħażel huwa għodda għall-insiġ.
Ħadt il-ġmiel, il-flus u ż-żgħożija u ma baqagħlix ħlief l-inxiefa u l-kruhija.
Iż-żmien kollox jeħdilna bil-mod il-mod.
Min għandu ż-żmien ma jitlifx żmien.
Meta jkollok il-ħin liberu użah tajjeb.
Il-paga għall-pjaga.
Il-paga mhix isservi biex il-familja tgħix komda.
Is-snin bħall-aħwa, ma jixxibhux.
M'hemmx sena bħall-oħra, il-ħajja dejjem toffrilna l-ġdid.
Ftakar fl-imgħoddi u aħseb f’li ġej.
Tgħallem mill-iżbalji li għamilt fil-passat biex ma terġax tagħmilhom fil-futur.
Il-logħob għat-tfal u l-ħatar għax-xiħ.
Kull fażi tal-ħajja għandha tagħha, meta nkunu tfal narmu s-saħħa nilagħbu u meta nixjieħu mmajnaw. Ħatar huwa bastun.
Fl-aħħar mill-aħħar kollox iddur għalih il-kamla.
Iż-żmien kollox jispiċċa jeqred, bħall-kamla.
Meta ħaġa ttul ixxebba’.
L-affarijiet iġġebbidhomx bla bżonn, eħlishom.
Fid-dinja kollox jgħaddi.
Iż-żmien itaffi l-uġigħ u jnessihulna.
Ftakar fl-imgħoddi u aħseb f’li ġej.
Tgħallem mill-iżbalji li għamilt fil-passat biex ma terġax tagħmilhom fil-futur.
Iż-żmien kollox itemm.
Biż-żmien kollox jispiċċa.
L-għaġuża eħżen mix-xitan.
L-anzjani makakki u ma tagħmilx bihom li trid. Għaġuża hija mara xiħa.
Iż-żmien itul u l-qrun idur.
Ċerti fehmiet u drawwiet jinbidlu maż-żmien.
Dak li ma sarx f’mitt sena mhux se tagħmlu f’jum.
Biex issir xi ħaġa hemm bżonn taż-żmien u l-paċenzja, ma tistax tagħmilha malajr biex teħles.
Insa l-warrani u aħseb f’li ġej.
Li ġara fil-passat tagħtix kasu iżjed, u aħseb fil-futur minflok.
Kull jum jitrod wara l-ieħor u jgħaddu l-ġmiegħ u s-snin.
Iż-żmien malajr jgħaddi. Jitrod, mill-verb tarad, tfisser isegwi. Ġmiegħ tfisser ġimgħat.
Għix bil-mod u tgħix ħafna.
Min il-ħin kollu jiġri u għandu x'jagħmel, ħajtu tgħaddi malajr.
Insa l-warrani u aħseb f’li ġej.
Li ġara fil-passat tagħtix kasu iżjed, u aħseb fil-futur minflok.
Iż-żmien l-aqwa galantom.
Biż-żmien tkun taf aħjar x'deċiżjoni għandek tieħu.
Dak li f’qalb ix-xiħ iredden bih.
L-anzjani taqbadhom ħafna nostalġija meta jiftakru fl-imgħoddi, għalhekk dejjem isemmuh.